ຊຸດຝຶກອົບຮົມທິດສະດີການເມືອງ-ການປົກຄອງ ລະບົບ 45 ວັນ ຊຸດທີ II ຂອງຄະນະຈັດຕັ້ງສູນກາງພັກ ໄດ້ໄຂຂຶ້ນຢ່າງເປັນທາງການ

ເພື່ອເປັນການຜັນຂະຫຍາຍເນື້ອໃນຈິດໃຈຂອງກອງປະຊຸມວຽກງານຈັດຕັ້ງທົ່ວປະເທດຄັ້ງທີ ແລະມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ຄະນະຈັດຕັ້ງສູນກາງພັກ ໂດຍສະເພາະແມ່ນການເພີ່ມທະວີວຽກງານກໍ່ສ້າງພັກ ໃຫ້ໜັກແໜ້ນທາງດ້ານການເມືອງ-ແນວຄິດ ແລະຍົກສູງການຄົ້ນຄວ້າຮ່ຳຮຽນທິດສະດີການເມືອງໃຫ້ພະນັກງານ-ສະມາຊິກພັກ ພາຍໃນຄະນະຈັດຕັ້ງສູນກາງພັກ ໂດຍໄດ້ສົມທົບກັບ ສະຖາບັນການເມືອງ ແລະ ການປົກຄອງແຫ່ງຊາດ ຈັດຕັ້ງຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ.

 

 ໃນພິທີມີທ່ານ ຮສ ສະໝຸດທອງ ສົມພານິດ ຄະນະພັກ, ຮອງຫົວໜ້າ ສມປຊ ແລະທ່ານ ວັນໄຊ ພອງສະຫວັນ ຮອງເລຂາຄະນະບໍລິຫານງານພັກ, ຮອງຫົວໜ້າຄະນະຈັດຕັ້ງສູນກາງ ເປັນຄະນະປະທານ ເຊິ່ງມີສຳມະນາກອນທັງໝົດ ຈຳນວນ 34 ທ່ານ, ຍິງ 15 ທ່ານ.

 ໃນພິທີບັນດາຜູ້ເຂົ້າຮ່ວມ ໄດ້ຮັບຟັງແຜນການເຄື່ອນໄຫວຂອງຊຸດຝຶກອົບຮົມການຮຽນ-ການສອນ ຕະຫຼອດໄລຍະ 45 ວັນ ພ້ອມຮັບຟັງການໂອ້ລົມຂອງ ທ່ານ ວັນໄຊ ພອງສະຫວັນ ເຊິ່ງທ່ານໄດ້ເນັ້ນໃຫ້ ສຳມະນາກອນທັງໝົດ ເອົາໃຈໃສ່ໃນການຄົ້ນຄວ້າບັນດາເນື້ອໃນເອກະສານການຮຽນ-ການສອນເຊື່ອມຊືມເນື້ອແທ້ທິດສະດີມາກ-ເລນິນກຳແໜ້ນແນວທາງນະໂຍບາຍ ຂອງພັກ ປະຊາຊົນປະຕິວັດລາວກໍາໄດ້ບັນດາຫຼັກມູນພຶ້ນຖານຂອງທິດສະດີຕ່າງໆທີ່ສາມາດນຳຜັນຂະຫຍາຍ ເອົາແນວທາງການເມືອງຂອງພັກກັບມາໝູນໃຊ້ເຂົ້າສູ່ວຽກງານຕົວຈິງ.

ບັນນາທິການ: ທ່ານ ປທ ນ. ຄຳຮູ້ ວິລະທອນ

ຂ່າວ/ພາບ: ທ່ານ ຕາອັອດ ແສນທະວີສຸກ