ພິທີ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ

ໃນ​ຕອນ​ບ່າຍ​​ ຂອງ​ວັນ​ທີ 19 ທັນວາ 2018 ໜ່ວຍ​ພັກຮາກຖານນັກ​ສຶກສາ ປຕ ຮຸ່ນ XXIII ຫ້ອງ  ກ ໄດ້​ຈັດພິທີ​ເລື່ອນ​ສະມາຊິກ​ພັກ​ສຳຮອງ​ ຂຶ້ນ​ເປັນ​ສະມາຊິກ​ພັກ​ສົມບູນ ໂດຍການເປັນປະທານ ຂອງສະຫາຍ ຮສ ພູວົງ ອຸ່ນຄໍາແສນ ຮອງເລຂາຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ,  ມີບັນດາທ່ານ ຕາງໜ້າກົມ, ພະແນກການ, ຕາງໜ້າໜ່ວຍພັກ ພາຍ​ໃນ ສມປຊ ຕະຫຼອດຮອດສະມາຊິກ​ພັກພາຍໃນໜ່ວຍນັກສຶກສາເຂົ້າຮ່ວມຢ່າງພ້ອມພຽງການ​ເລື່ອນ​ສະມາ​ຊິກພັກ​ສຳຮອງ ​ຂຶ້ນ​ເປັນ​ສະມາຊິກ​ພັກ​ສົມບູນ ​ໃນ​ຄັ້ງ​ນີ້​ມີ 3 ສະຫາຍ, ຍິງ 1

ສະຫາຍ ຄື:

 

1.  ສະຫາຍ ສົມ​ຫວັງ ຜ່ານ​ກະຈາຍ

2. ສະຫາຍ ບຸນ​ເຫຼື່ອມ ດວງ​ໄກສອນ

3. ສະຫາຍ ນ. ບົວ​ວອນ ຄົດ​ໄຊ​ໂຍ

ໃນທີ່ປະຊຸມໄດ້ຮັບຟັງການຜ່ານບົດສຳຫຼວດການເຄື່ອນໄຫວຂອງແຕ່ລະສະຫາຍ ຕະຫຼອດໄລຍະເປັນສະມາຊິກພັກສຳຮອງ ແລະ ມີການຢັ້ງຢືນຄວາມກ້າວໜ້າຈາກສະມາຊິກພັກສົມບູນຜູ້ຕິດຕາມ ຂອງແຕ່ລະສະຫາຍອີກດ້ວຍ. ພາຍຫຼັງສຳເລັດການຢັ້ງຢືນ ສະຫາຍປະທານໄດ້ໂອ້ລົມຕໍ່ທີ່ປະຊຸມ ເຊິ່ງສະຫາຍໄດ້ເນັ້ນໜັກໃຫ້ບັນດາສະຫາຍ ສະມາຊິກ​ພັກ​ໃໝ່ ​ຕ້ອງ​ໄດ້​​ເພີ່ມທະວີ​ສຶກສາ ຄົ້ນ​ຄວ້າ ​ເປັນ​ຕົ້ນ​ແມ່ນ:  ​ສຶກສາກົດ​ລະບຽບ​ຂອງ​ພັກຕື່ມ, ເພີ່ມ​ຄວາມກ້າຫານຕຳ​ນິກໍ່ສ້າງເຊິ່ງກັນ ​ແລະ ກັນພາຍ​ໃນ​ໜ່ວຍ​ພັກ, ມີ​ແບບ​ແຜນ​ວິທີ​ເຮັດ​ວຽກ ທີ່​ທັນສະ​ໄໝ ​ແລະ ປະຕິບັດ ທຸກ​ມະຕິຄຳ​ສັ່ງຕາມການ​ມອບ​ໝາຍ​ຈາກ​ຂັ້ນເທິງຢ່າງ​ເຂັ້ມ​ງວດ.

 

ພ້ອມ​ເນັ້ນ​ໃຫ້ທຸກ​ສະຫາຍ ນັກ​ສຶກສາ ພາຍ​ໃນ ໜ່ວຍ​ພັກ ມີ​ຄວາມ​ສາມັກຄີ ​ແລະ ພ້ອມ​ກັນ​ຄົ້ນຄວ້າຮ່ຳຮຽນ ​ໃຫ້​ເລິກ​ເຊິ່ງ​ເຖິງ​ຖອງ ​ແລະ ​ເຄົາລົບ​ລະບຽບ​ຂອງ​ພັກຈິງ​ໃຈ​ປະຕິບັດ​ຕາມ​ນະ​ໂຍບາຍ​ຂອງ​ລັດຢ່າງ​ຕັ້ງໜ້າ.

ບັນນາທິການ: ທ່ານ ປທ ນ. ຄຳຮູ້ ວິລະທອນ

 

ຂ່າວ/ພາບ: ທ່ານ ຈັນທະວີ ແກ້ວບຸນທັນ (ນສ ປຕ 23 ຫ້ອງ ກ)