ນັກສຶກສາ ປະລິນຍາຕີ ຮຸ່ນທີ XXIII ຫ້ອງ ຂ ເລືອກຕັ້ງຄະນະຊຸດໃໝ່ ກຳມະບານ ຮາກຖານ ແລະ ຊາວໜຸ່ມຮາກຖານ

ໃນວັນທີ 31 ມັງກອນ ທີ່ຜ່ານມາ ນັກສຶກສາ ປະລິນ ຍາຕີ ຮຸ່ນທີ XXIII ຫ້ອງ ຂ ໄດ້ຈັດກອງປະຊຸມໃຫຍ່ ຄັ້ງທີ I ຂອງຊາວໜຸ່ມຮາກຖານ (ຕອນເຊົ້າ) ໂດຍການເປັນປະທານກອງປະຊຸມ ສະຫາຍ ປທ ແສງຈັນ ຈັນທະສຸກ ຮອງເລຂາຄະນະບໍລິຫານງານຊາວໜຸ່ມ ສມປຊ, ປະທານກວດກາຄະນະບໍລິຫານງານຊາວໜຸ່ມ ສມປຊ ແລະ ກອງປະຊຸມໃຫຍ່ຄັ້ງທີ I ຂອງ ກຳມະບານ ຮາກຖານ (ຕອນແລງ) ໂດຍການເປັນປະທານ ສະຫາຍ ປອ ນ. ໄກສອນ ຈັນສີນາ ຮອງປະທານສະຫະພັນ ກຳມະບານ ສມປຊ.

 ກອງປະຊຸມດຳເນີນໄປດ້ວຍບັນຍາກາດຟົດຟື້ນ ແລະ ປະສົບຜົນສຳເລັດຢ່າງສະຫງ່າງາມຕາມຈຸດປະສົງຄາດໝາຍ ທີ່ໄດ້ກຳນົດໄວ້ເຊັ່ນ: ໄດ້ຮັບຟັງບົດສະຫຼຸບການເຄື່ອນໄຫວຂອງ ຮາກຖານ ຊາວໜຸ່ມ ແລະ ກຳມະບານ ຮາກຖານ ຈາກ ສະຫາຍ ສິລິຄອນ ແກ້ວພຸດສາ ຮອງເລຂາຄະນະຊາວໜຸ່ມຮາກຖານ ແລະ ສະຫາຍ ສັນຍາ ອິນຕະວົງ ປະທານກຳມະບານຮາກຖານ, ພ້ອມນັ້ນ, ໃນທີ່ປະຊຸມກໍໍໄດ້ລົງປະຊາມະຕິເປັນເອກະພາບກັນຮັບຮອງເອົາເນື້ອໃນບົດລາຍງານການເມືອງ ແລະ ບົດສຳຫຼວດການນຳພາຂອງທັງ 2 ຄະນະຊຸດເກົ່າເຊິ່ງໃນນັ້ນໄດ້ຕີລາຄາ ດ້ານດີດ້ານອ່ອນຂໍ້ຄົງຄ້າງສາເຫດ ແລະ ຖອດ​ຖອນບົດຮຽນໃນການຊີ້ນຳ-ນຳພາ ແລະ ການຈັດຕັ້ງປະຕິບັດ ທີ່ຜ່ານມາພ້ອມນີ້ກອງປະຊຸມຍັງໄດ້ເປັນເອກະພາບກັນຮັບຮອງເອົາທິດທາງແຜນການໃນຕໍ່ໜ້າ.

     ກອງປະຊຸມຄັ້ງນີ້ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະຊຸດໃໝ່ ເຊິ່ງມີຜູ້ອອກຮັບສະໝັກເລືອກຕັ້ງ 5 ສະຫາຍ ໃນນັ້ນເລືອກເອົາ 3 ສະຫາຍ ເຊິ່ງຜົນຂອງການເລືອກຕັ້ງທີ່ຜ່ານການຕົກລົງເຫັນດີໃນກອງປະຊຸມຄັ້ງປະຖົມມະລືກນັ້ນມີດັ່ງນີ້:

- ກອງປະຊຸມ ຊາວໜຸ່ມ ຮາກຖານ

1). ສະຫາຍ ມີໄຊພອນ ແກ້ວໂພໄຊ ເປັນເລຂາ

2). ສະຫາຍ ສຸກສະຫວັນ ວິດາຄຳ ເປັນຮອງເລຂາ

3). ສະຫາຍ ນ. ຖານະສັກ ສໍວົງສະກຸນ ເປັນຄະນະ

- ກອງປະຊຸມ ກຳມະບານ ຮາກຖານ

1). ສະຫາຍ ບຸນນໍາ ພົມມະເກດ ປະທານ

2. ສະຫາຍ ສະເຫຼີມ ໄຊຍະທືນຮອງປະທານ

3. ສະຫາຍ ນ. ວົງພະຈັນ ວົງທະຫວິນຄະນະ

ບັນນາທິການ: ທ່ານ ປທ ນ. ອາພອນ ຂາວພັນ

ຂ່າວ/ພາບ: ທ່ານ ຕາອັອດ ແສນທະວີສຸກ