ພິທີ ມອບ-ຮັບ ປື້ມນິພົນເລືອກເຟັ້ນ ໃຫ້ກົມວິຊາການ ສມປຊ

ທ່ານ ປອ ຄຳມອນ ຈັນທະຈິດ ຮອງຫົວໜ້າກົມຄຸ້ມຄອງການຄົ້ນຄວ້າວິທະຍາສາດ ຕາງໜ້າໃຫ້ແກ່ກົມຄຸ້ມຄອງການຄົ້ນຄວ້າວິທະຍາສາດ ເຊິ່ງແມ່ນພາກສ່ວນທີ່ຄຸ້ມຄອງປຶ້ມນິພົນດັ່ງກ່າວ ພ້ອມດ້ວຍຄະນະ ໄດ້ຈັດຕັ້ງພິທີມອບປື້ມນິພົນເລືອກເຟັ້ນ ແກ່ພາກສ່ວນກົມວິຊາການ ສມປຊ, ຈຸດປະສົງກໍເພື່ອເປັນການນຳເອົາຜົນສຳເລັດຂອງການແປປື້ມນິພົນເລືອກເຟັ້ນ ຈາກພາສາຫວຽດນາມມາເປັນພາສາລາວ ໃຫ້ພະນັກງານ, ຄູ-ອາຈານ ພາຍໃນກົມວິຊາການ ໄດ້ສຶກສາຄົ້ນຄວ້າເພື່ອໝູນໃຊ້ເຂົ້າໃນທຸກຂົງເຂດວຽກງານທັງການສິດສອນ, ການຄົ້ນຄວ້າວິທະຍາສາດ ແລະ ການບຳລຸງສ້າງພະນັກງານ-ຄູອາຈານ ພາຍໃນກົມວິຊາການ ໃຫ້ກາຍເປັນນັກວິທະຍາສາດທາງດ້ານທິດສະດີການເມືອງ-ການປົກຄອງ ນັບມື້ຮັບປະກັນໄດ້ທັງປະລິມານ ແລະຄຸນນະພາບ ໃຫ້ດີຂຶ້ນເທື່ອລະກ້າວ.ເຊິ່ງນິພົນເລືອເຟັ້ນທີ່ນຳມາມອບໃນຄັ້ງນີ້ ປະກອບມີ 13 ຫົວຄື:

 

ນິພົນ ກ. ມາກ-ຟ. ອັງແກນ ເຫຼັ້ມທີ I, II, III, IV, V ແລະ VI, ເຫຼັ້ມລະ 1 ຫົວ ລວມ 6 ຫົວ.

ນິພົນເລືອກເຟັ້ນ ວ.ອີ ເລນິນ ເຫຼັ້ມທີ I, II, III ແລະ IV, ເຫຼັ້ມລະ 1 ຫົວ ລວມ 4 ຫົວ.

ນິພົນເລືອກເຟັ້ນ ໂຮ່ຈີມິນ ເຫຼັ້ມທີ I, II ແລະ III, ເຫຼັ້ມລະ 1 ຫົວ ລວມ 3 ຫົວ.

 

ບັນນາທິການ: ທ່ານ ປທ ນ. ອາພອນ ຂາວພອນ

 

ຂ່າວ/ພາບ: ທ່ານ ຕາອັອດ ແສນທະວີສຸກ