ສມປຊ ຈັດກິດຈະກຳສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ

ເພື່ອເປັນການສະເຫຼີມສະຫຼອງວັນທີ 1 ມິຖຸນາ ກໍ່ຄືວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ, ສະນັ້ນຢູ່ທີ່ ສະຖາບັນການເມືອງ ແລະ ການປົກຄອງແຫ່ງຊາດ ຈຶ່ງໄດ້ຈັດໃຫ້ມີພິທີສະເຫຼີມສະຫຼອງວັນສຳຄັນດັ່ງກ່າວຂຶ້ນໃນຕອນແລງຂອງວັນທີ 30 ພຶດສະພາ ເຊິ່ງເປັນກຽດເຂົ້າຮ່ວມຂອງ ທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ສະມາຊິກສະພາແຫ່ງຊາດ ຊຸດທີ 8, ເລຂາຄະນະບໍລິຫານງານພັກ, ຫົວໜ້າ ສມປຊ ພ້ອມດ້ວຍຄະນະ ແລະ ບັນດາທ່ານ ພະນັກງານ-ຄູອາຈານ, ນັກສຶກສາ ທຸກຮຸ່ນທຸກລະບົບ

 

 

        ເຊິ່ງກ່ອນທີ່ຈະເລີ່ມ ຕົ້ນປູກຕົ້ນໄມ້ ບັນດາທ່ານທີ່ເຂົ້າຮ່ວມໃນງານໄດ້ຮັບຟັງຄວາມໝາຍ, ຄວາມສໍາຄັນ ແລະ ຄວາມເປັນມາ ຂອງວັນປູກຕົ້ນໄມ້ ຈາກ ທ່ານ ສຈ ປອ ບຸນທີ ເຄືອມີໄຊ, ຄະນະບໍລິຫານງານພັກ, ຫົວໜ້າກົມຄຸ້ມຄອງການຄົ້ນຄວ້າວິທະຍາສາດ, ຜູ້ຊີ້ນຳວຽກງານອົງການຈັດຕັ້ງມະຫາຊົນ. ເຊິ່ງຕົ້ນໄມ້ທີ່ນຳມາປູກໃນຄັ້ງນີ້ ປະ ມານ 500 ກວ່າຕົ້ນ  ລວມມີຕົ້ນໄມ້ປະເພດໄມ້ດູ່ ແລະ ຕົ້ນໄມ້ໃຫ້ໝາກ ເຊິ່ງໄດ້ຈັດຕັ້ງປູກຕາມຂອບເຂດທີ່ຂອງແຕ່ລະພາກສ່ວນຮັບຜິດຊອບ ຢ່າງເປັນຂະບວນການຟົດຟື້ນ.

ພ້ອມກັນນັ້ນ ໃນຕອນເຊົ້າຂອງວັນທີ 31 ພຶດສະພາ ກໍໄດ້ຈັດຕັ້ງກິດຈະກຳຕ້ອນຮັບວັນເດັກນ້ອຍສາກົນ ແລະ ວັນສົນທິສັນຍາວ່າດ້ວຍສິດທິເດັກ ທີ່ເດີ່ນກິລາ ສມປຊ, ເຊິ່ງມີບັນດານ້ອງນ້ອຍເຍົາວະຊົນໂຮງຮຽນພັນທະມິດ: ໂຮງຮຽນແກ້ງໄຄ້, ໂຮງຮຽນພູຄຳ, ໂຮງຮຽນທ່າງ່ອນ ພ້ອມດ້ວຍບັນດາລູກຫຼານພະນັກງານ, ຄູ-ອາຈານ ພາຍໃນ ສມປຊ ເຂົ້າຮ່ວມຢ່າງເບີກບານມ່ວນຊື່ນ.

ໃນພິທີ ທ່ານ ປອ ສາຍຄຳ ມູນມະນີວົງ ກຳມະການສູນກາງຊາວໜຸ່ມ ປປ ລາວ, ເລຂາຄະນະບໍລິຫານງານຊາວໜຸ່ມ ສມປຊ ໄດ້ຂຶ້ນຜ່ານປະຫວັດຄວາມເປັນມາຂອງວັນເດັກ ແລະ ສົນທິສັນຍາວ່າດ້ວຍສິດທິເດັກ ເຊິ່ງເນື່ອໃນກໍ່ໄດ້ກ່າວເຖິງເຫດການປະຫວັດສາດກ່ຽວກັບເດັກນ້ອຍໃນທົ່ວໂລກ, ນັບແຕ່ອະດີດຈົນເຖິງປັດຈຸບັນ ເວົ້າລວມ, ເວົ້າສະເພາະ ຢູ່ ສປປ ລາວ ທີ່ມີມູນເຊື້ອຈັດຕັ້ງສະເຫຼີມສະຫຼອງວັນເດັກນ້ອຍສາກົນ ນັບແຕ່ສະໄໝຕໍ່ສູ້ກູ້ຊາດເປັນຕົ້ນມາ ຈົນມາເຖິງປັດຈຸ ບັນ.

ນອກຈາກນັ້ນ, ໃນພິທີໄດ້ຍັງມີກິດຈະກຳຫຼາຍຫຼາຍຢ່າງໃຫ້ນ້ອງນ້ອຍເຍົາວະຊົນໄດ້ຮ່ວມຫຼິ້ນເກມກັນຢ່າງງມ່ວນຊື່ນອີກດ້ວຍເປັນຕົ້ນ: ແລ່ນຕໍ່ໄມ້, ແລ່ນ 3 ຂາ, ອົມນ້ຳໃສ່ຂວດ, ຖາມ-ຕອບ ຄວາມຮູ້ຮອບຕົວ ແລະ ອື່ນໆ ເຊິ່ງຕະຫຼອດເວລາຂອງການສ້າງກິດຈຳກຳແມ່ນເຕັມໄປດ້ວຍບັນຍາກາດທີ່ເບີກບານມ່ວນຊື່ນແລ້ວ ຍັງໄດ້ຮັບຟັງການຮ້ອງເພັງຈາກນ້ອງນ້ອຍເຍົວວະຊົນ ແລະ ຈັດຕັ້ງພິທີມອບຮັບຂອງຂວັນຈາກ ສມປຊ ຕື່ມອີກດ້ວຍ.

ບັນນາທິການ: ທ່ານ ປທ ນ. ອາພອນ ຂາວພັນ 

ຂ່າວ/ພາບ: ທ່ານ ຕາອັອດ ແສນທະວີສຸກ ແລະ ທ່ານ ນ. ດອກໄມ້ ຈັນດາລາ