ພະນັກງານ ແລະນັກສຶກສາ ສມປຊ ຮ່ວມບໍລິຈາກເລືອດ ໃນໂອກາດວັນແມ່ຍິງລາວ ຄົບຮອບ 64 ປີ

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວຄົບຮອບ 64 ປີ (20 ກໍລະກົດ 1955-20 ກໍລະກົດ 2019) ຄະນະສະຫະພັນແມ່ຍິງສະຖາບັນການເມືອງການປົກຄອງແຫ່ງຊາດ ໄດ້ເຕົ້າໂຮມພະນັກງານຄູ-ອາຈານ ແລະນັກສຶກສາ ເຂົ້າຮ່ວມກິດຈະກຳບໍລິຈາກເລືອດ ທີ່ທາງຫ້ອງການສູນກາງສະຫະພັນແມ່ຍິງລາວຮ່ວມກັບສູນບໍລິຈາກເລືອດແຫ່ງຊາດຈັດຂຶ້ນ ເພື່ອຊ່ວຍເຫຼືອສັງຄົມ ພາຍໃຕ້ຄຳຂວັນ 64 ປີ ມີໄຊຊະຫງ່າ ຂໍເຊີນຊວນບໍລິຈາກເລືອດເພື່ອຊ່ວຍຊີວິດຮ່ວມກັບ ສສຍ

 

ໃນການຮ່ວມບໍລິຈາກຄັ້ງນີ້, ທາງສະຖາບັນການເມືອງ ແລະການປົກຄອງ ໄດ້ມີຜູ້ເຂົ້າຮ່ວມບໍລິຈາກ ຈຳນວນ 10 ທ່ານ, ຍິງ 6 ທ່ານ ເຊິ່ງສາມາດບໍລິຈາກໄດ້ຕົວຈິງ 8 ທ່ານ, ຍິງ 4 ທ່ານ; ກິດຈະກຳດັ່ງກ່າວແມ່ນໄດ້ຈັດຂຶ້ນໃນວັນທີ 11 ກໍລະກົດ 2019 ທີ່ວຽງຈັນເຊັນເຕີ ເຊິ່ງມີຫຼາຍກວ່າ 40ພາກສ່ວນເຂົ້າຮ່ວມ ປະມານ 800 ກວ່າຄົນ ຕາມສຳນັກງານ, ອົງການຕ່າງໆທົ່ວນະຄອນຫຼວງວຽງຈັນເຂົ້າຮ່ວມໃນການບໍລິຈາກເລືອດໃນຄັ້ງນີ້ດ້ວຍ.

ບັນນາທິການ: ທ່ານ ປທ ນ. ອາພອນ ຂາວພັນ

ຂ່າວ/ພາບ: ນ ດອກໄມ້ ຈັນດາລາ