ສະຖາບັນການເມືອງ ແລະ ການປົກຄອງແຫ່ງຊາດ ປະກາດການຈັດຕັ້ງຂອງພະນັກງານ

ພິທີປະກາດການຈັດຕັ້ງ ແລະ ຍົກຍ້າຍຂອງພະນັກງານ, ຄູ-ອາຈານ ພາຍໃນ ສມປຊ ໄດ້ມີຂຶ້ນໃນຕອນບ່າຍວັນທີ 30 ກັນຍາ ທີ່ຫ້ອງປະຊຸມຊັ້ນ 5 (ຕຶກສູນຂໍ້ມູນຂ່າວສານ) ໂດຍການເປັນປະທານຂອງ ທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ສະມາຊິກສະພາແຫ່ງຊາດ ຊຸດທີ VIII, ເລຂາຄະນະບໍລິຫານງານພັກ, ຫົວໜ້າ ສມປຊພ້ອມດ້ວຍຄະນະ, ເຂົ້າຮ່ວມມີພະນັກງານຂັ້ນກົມ, ຂັ້ນພະແນກຢ່າງພ້ອມພຽງ.

 

ໃນພິທີ, ທ່ານ ປທ ນ. ພອນໄຊ ລາດຊະວົງ ຮອງຫົວໜ້າກົມຈັດຕັ້ງ-ພະນັກງານ ກໍ່ໄດ້ຂຶ້ນຜ່ານ ຂໍ້ຕົກລົງຂອງຫົົວໜ້າ ສມປຊ ວ່າດ້ວຍການໂຍກຍ້າຍພະນັກງານ ແລະ ແຕ່ງຕັ້ງພະນັກງານດຳລົງຕຳແໜ່ງບໍລິຫານຊຶ່ງລາຍລະອຽດດັ່ງລຸ່ມນີ້:

I ຂໍ້ຕົກລົງຍົກຍ້າຍພະນັກງານນຳພາຂັ້ນພະແນກ.

1.ທ່ານ ຄຳໝັ້ນ ພົມມະຈັນ ຮອງຫົວໜ້າພະແນກກວດກາພັກ-ລັດ ໄປເປັນຮອງຫົວໜ້າພະແນກກວດກາພັກ ຂຶ້ນກັບກົມກວດກາ.

2.ທ່ານ ປທ ໄພຈິດ ສຸວັນນະພູມ ຮອງຫົວໜ້າພາກວິຊາວິທະຍາສາດການປົກຄອງ ໄປເປັນຮອງຫົວໜ້າພະແນກແນວຄິດໄກສອນພົມວິຫານ ຂຶ້ນກັບສູນຄົ້ນຄວ້າແນວຄິດໄກສອນ ພົມວິຫານ.

3.ທ່ານ ປທ ນ. ອາພອນ ຂາວພັນ ຮອງຫົວໜ້າພະແນກວາລະສານ-ຂ່າວສານ ໄປເປັນຮອງຫົວໜ້າພະແນກປະຫວັດການເຄື່ອນໄຫວຂອງ ປະທານໄກສອນ ພົມວິຫານ ຂຶ້ນກັບສູນຄົ້ນຄວ້າແນວຄິດໄກສອນ ພົມວິຫານ.

II ຍົກຍ້າຍພະນັກງານນຳພາຂັ້ນກົມ ແລະ ທຽບເທົ່າ.

1.ທ່ານ ປອ ນ. ລຳພູນ ດວນສຸວັນ ຮອງຫົວໜ້າຄະນະວິຊາລັດທິສັງຄົມນິຍົມວິທະຍາສາດ ຂຶ້ນເປັນຮອງຫົວໜ້າສູນຄົ້ນຄວ້າແນວຄິດໄກສອນ ພົມວິຫານ.

2.ທ່ານ ປທ ອຳໄພ ອັກຄະລາດ ຮອງຫົວໜ້າກົມຈັດຕັ້ງ-ພະນັກງານ ໄປເປັນຮອງຫົວໜ້າກົມກວດກາ.

III ປະກາດແຕ່ງຕັ້ງຕຳແໜ່ງບໍລິຫານ ຂັ້ນຮອງກົມ ແລະ ທຽບເທົ່າ.

1.ທ່ານ ປອ ສຸພາວະດີ ຫຼ້າຄຳສາຍ ຫົວໜ້າພາກວິຊາວິທະຍາສາດການປົກຄອງ ຂຶ້ນເປັນຮອງຫົວໜ້າຄະນະວິຊາບໍລິຫານສາດ.

2.ທ່ານ ປອ ເດັງຢາງ ກົງຈີ ຫົວໜ້າພາກວິຊາວັດທະນະທຳ-ສິລະປະສາດ ຂຶ້ນເປັນຮອງຫົວໜ້າສູນຄົ້ນຄວ້າແນວຄິດໄກສອນ ພົມວິຫານ.

3.ທ່ານ ປທ ນ. ອານົງ ຂັນທະຍົງ ຫົວໜ້າພາກວິຊາວິທະຍາສາດການບໍລິຫານ ຂຶ້ນເປັນ ຮອງຫົວໜ້າສູນຂໍ້ມູນຂ່າວສານ ການເມືອງ-ການປົກຄອງ.

4.ທ່ານ ປທ ຄົມວິກິດ ສິມມະລິວົງ ຫົວໜ້າ ພາກວິຊາຄຸ້ມຄອງເສດຖຖະສາດ ຂຶ້ນເປັນຮອງຫົວໜ້າຫ້ອງການ.

5.ທ່ານ ນ. ອານົງ ສິໂພນໄຊ ຫົວໜ້າພະແນກແຜນການ-ການເງິນ ຂຶ້ນເປັນຮອງຫົວໜ້າກົມກວດກາ.

6.ທ່ານ ປອ ສີສົມພອນ ວົງພະຈັນ ຫົວໜ້າພາກວິຊາ ປັດຊະຍາ ມາກ-ເລນິນ ຂຶ້ນເປັນຮອງຫົວໜ້າຄະນະວິຊາ ປັດຊະຍາ.

 

ໃນໂອກາດນີ້ທ່ານ ຮສ ປອ ທອງສະລິດ ມັງໜໍ່ເມກ ໄດ້ໂອ້ລົມ ແລະໃຫ້ທິດຊີ້ນຳຕໍ່ພິທີ ຊຶ່ງທ່ານໄດ້ຍົກເຖິງ ຄວາມສຳຄັນຂອງການປັບປຸງການຈັດຕັ້ງ ແລະ ຍົກຍ້າຍໃນຄັ້ງນີ້. ສຳລັບຜູ້ທີ່ໄດ້ຮັບການແຕ່ງຕັ້ງໃໝ່ ແລະ ຍົກຍ້າຍ ໄດ້ເນັ້ນໜັກໃນການສືບຕໍ່ຊີ້ນຳ-ນຳພາວຽກງານຂອງຕົນທີ່ໄດ້ຮັບໜ້າທີ່ໃໝ່ ປະຕິບັດຕາມພາລະບົດບາດສິດໜ້າທີ່ຂອງຕົນຕາມທີ່ພັກ ​ແລະ ລັດມອບໝາຍໃຫ້ມີຜົນສຳເລັດພ້ອມກັນສູ້ຊົນສຸມທຸກເຫື່ອແຮງ, ສະຕິປັນຍາຄວາມຮູ້-ຄວາມສາມາດ ເພື່ອແກ້ໄຂຂໍ້ຄົງຄ້າງຕ່າງໆໃຫ້ຫຼຸດລົງ ​ເພື່ອເຮັດໃຫ້ວຽກງານທີ່ຕົນສັງກັດ ມີບາດກ້າວຂຶ້ນຕື່ມ ແລະ ເພີ່ມທະວີເອົາໃຈໃສ່ວຽກງານການເມືອງ-ແນວຄິດໃຫ້ສູງຂຶ້ນປັບປຸງແບບແຜນວິທີເຮັດວຽກຢ່າງມີວິທະຍາສາດບົນຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະບຸກຄົນຮັບຜິດຊອບມີຄວາມສາມັກຄີເປັນປຶກແຜນພາຍໃນກົມກອງເພື່ອໃຫ້ກາຍເປັນກຳລັງເສົາຄ້ຳຫຼັກອັນແໜ້ນແກ່ນໃຫ້ແກ່ ສມປຊ.

ບັນນາທິການ: ທ່ານປທນ ຄຳ ຮູ້ວິລະທອນ

ຂ່າວ / ພາບ: ທ່ານຕາອັອດແສນທະວີສຸກ