ໂຮງຮຽນການເມືອງ ແລະການປົກຄອງ ແຂວງຊຽງຂວາງ ຈັດພິທີ ປ້ອງກັນບົດຈົບຊັ້ນກາງ ໃຫ້ນັກສຶກສາ ຮຸ່ນທີີ XV

ໂດຍປະຕິບັດຕາມຂໍ້ຕົກລົງຂອງສະພາວິທະຍາສາດ ສະຖາບັນການເມືອງ ແລະການປົກຄອງແຫ່ງຊາດ ເລກທີ 107/ສວ, ລົງວັນທີ 4 ເມສາ 2019 ວ່າດ້ວຍການຮັບຮອງເອົາຫົວຂໍ້ປ້ອງກັນ ແລະແຕ່ງຕັ້ງອາຈານແນະນຳຂຽນບົດປ້ອງກັນຈົບຊັ້ນກາງ ຮຸ່ນທີ XV  ຢູ່ ໂຮງຮຽນການເມືອງ ແລະການປົກ ຄອງ ແຂວງຊຽງຂວາງ.

 ໃນວັນທີ 23 ທັນວາ 2019 ຢູ່ທີ່ໂຮງຮຽນການເມືອງ ແລະການປົກຄອງແຂວງຊຽງຂວາງ ຈັດພິທີປ້ອງກັນຈົບຊັ້ນກາງຂຶ້ນ ພາຍໃຕ້ການເປັນປະທານ ຂອງທ່ານ ປທ ນ. ບົວສີ ນາຖາວົງ ກຳມະການພັກແຂວງ ຫົວໜ້າ ໂຮງຮຽນການເມືອງ ແລະການປົກຄອງແຂວງ, ມີບັນດາທ່ານຄູ-ອາຈານ, ຄະນະກຳມະການປ້ອງກັນບົດ ແລະນັກສຶກສາ ຮຸ່ນທີ XV ເຂົ້່າຮ່ວມທັງໜົດ 65 ສະຫາຍ, ຍິງ 13 ສະຫາຍ, ພິທີດັ່ງກ່າວ ໄດ້ຜ່ານຂໍ້ຕົກລົງຂອງຫົວໜ້າສະຖາບັນການເມືອງ ແລະການປົກຄອງແຫ່ງຊາດ ສະບັບເລກທີ 1354 /ສມປຊ ລົງວັນທີ 12 ທັນວາ 2019 ວ່າດ້ວຍການແຕ່ງຕັ້ງຄະນະກໍາມະການປ້ອງກັນບົດ ຂອງນັກສຶກ ຮຸ່ນທີ່ XV ເຊິ່ງໄດ້ແບ່ງອອກເປັນ 3 ກຸ່ມວິຊາຄື: ກຸ່ມການເມືອງ, ກຸ່ມເສດຖະສາດການເມືອງ ແລະຄຸ້ມຄອງເສດຖະກິດ ແລະກຸ່ມການປົກຄອງ. ເຊິ່ງປະທານໃນພິທີໄດ້ມີຄຳເຫັນໂອ້ລົມຕໍ່ຄະນະກຳມະການປ້ອງກັນບົດ, ນັກສຶກສາ ແລະກ່າວເປີດພິທີຢ່າງເປັນທາງການ. ການປ້ອງກັນບົດຄັ້ງນີ້ແມ່ນດຳເນີນເປັນເວລາ 2 ວັນຈິ່ງຈະສຳເລັດ. 

ຂ່າວ-ພາບໂດຍ: ທ່ານ ຈັນເພັງ ນັນທະວົງ ຄູ-ອາຈານໂຮງຮຽນການເມືອງ ແລະການປົກຄອງແຂວງຊຽງຂວາງ. 

ບັນນາທິການ: ທ່ານ ຄອນສະຫວັນ ແສນຍານຸພາບ