ນັກສຶກສາ ປະລິນຍາໂທ ຮຸ່ນທີ່ XIV ສາຂາການເມືອງວິທະຍາ ເຂົ້າມອບເຄື່ອງອຸປະຖຳ ໃຫ້ຄະນະລັດທິສັງຄົມນິຍົມວິທະຍາສາດ

 

ໃນວັນທີ 26 ທັນວາ 2019 ທີ່ຜ່ານມານີ້, ນັກສຶກສາປະລິນຍາໂທ ຮຸ່ນທີ XIV ສາຂາການເມືອງວິທະຍາ ໄດ້ອຸປະຖຳຕູ້ໃສ່ເອກະສານ ພ້ອມດ້ວຍຕິກນ້ຳຮ້ອນ ແລະອຸປະກອນຈຳນວນໜຶ່ງ ເຊິ່ງມີມູນຄ່າທັງໝົດ 1.900.000 ກີບ ໃຫ້ແກ່ ຄະນະລັດທິສັງຄົມນິຍົມວິທະຍາສາດ

ໂດຍການກ່າວມອບຂອງ ທ່ານ ແພງ ສຸທິວົງ ຫົວໜ້າຫ້ອງ ພ້ອມດ້ວຍສະມາຊິກຈຳນວນ 11 ສະຫາຍ ແລະໃຫ້ກຽດກ່າວຮັບໂດຍ ທ່ານ ປທ ອຸ່ນເຮືອນ ແກ້ວວິໄລ ຫົວໜ້າຄະນະລັດທິສັງ ຄົມນິຍົມວິທະຍາສາດ ພ້ອມດ້ວຍຄະນະ.ພ້ອມນັ້ນ, ທ່ານ ປທ ອຸ່ນເຮືອນ ແກ້ວວິໄລ ຫົວໜ້າຄະນະລັດທິສັງຄົມນິຍົມວິທະຍາສາດ ກໍໄດ້ຕາງໜ້າໃຫ້ສະຖາບັນ ກ່າວຂອບໃຈ ແລະ ຍ້ອງຍໍຊົມເຊີຍມາຍັງນັກສຶກສາ ທີ່ໃຫ້ການອຸປະຖຳຄັ້ງນີ້ ເຊິ່ງເປັນການປະກອບສ່ວນໃນການສະໜອງວັດຖຸອຸປະກອນຮັບໃຊ້ໃຫ້ແກ່ພະນັກງານຄູ-ອາຈານ ທີ່ຈະນຳໃຊ້ເຂົ້າໃນວຽກງານສ່ວນລວມຂອງຄະນະກໍຄືຂອງສະຖາບັນ.

ບັນນາທິການ:  ທ່ານ ຄອນສະຫວັນ ແສນຍານຸພາບ

 

ຂຽນໂດຍ: ທ່ານ ນ ຫຼ້ານ້ອຍ ທອງສຳພັນ