ສະຖາບັນການເມືອງ ແລະ ການປົກຄອງແຫ່ງຊາດ ປະກາດການຈັດຕັ້ງຂັ້ນຮອງຫົວໜ້າກົມ ຫຼື ທຽບເທົ່າ

 

ໃນວັນທີ 27 ທັນວາ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ປະກາດການຈັດຕັ້ງຕຳ ແໜ່ງບໍລິຫານຂັ້ນກົມ, ທ່ານໂດຍການເປັນປະທານຂອງ ທ່ານ ຮສ ພູວົງ ອຸ່ນຄຳແສນ ຮັກສາການເລຂາຄະນະບໍລິຫານງານພັກ, ຮັກສາການຫົວໜ້າສະຖາບັນການເມືອງ ແລະ ການປົກຄອງແຫ່ງ ຊາດ ພ້ອມດ້ວຍຕາງໜ້າຂັ້ນ ຫົວໜ້າກົມ, ຫ້ອງການ, ຄະນະວິຊາ, ສູນຂໍ້ມູນຂ່າວສານ, ສູນຄົ້ນຄວ້າແນວຄິດ ໄກສອນ ພົມວິຫານ ແລະ ພະນັກງານ, ຄູ-ອາຈານ ເຂົ້າຮ່ວມ.

 ໃນພິທີ ທ່ານ ປທ ນ. ໃບຊ່ຽນ ມູນຕີວົງ ຄະນະບໍລິຫານງານພັກ,ຫົວໜ້າກົມຈັດຕັ້ງ-ພະນັກງານ ສມປຊ ໄດ້ຂຶ້ນຜ່ານຂໍ້ຕົກລົງຂອງຫົວໜ້າ ສມປຊ ວ່າດ້ວຍການແຕ່ງຕັ້ງ ພະນັກງານເຂົ້າໃສ່ຕຳແໜ່ງບໍລິຫານຂັ້ນກົມ ຫຼື ທຽບເທົ່າເຊິ່ງມີດັ່ງນີ້:

  1/ ທ່ານ ປອ ນ. ຄຳແພນ ເພັງພັກດີ ຫົວໜ້າພາກວິຊາ ເສດຖະສາດການເມືອງ ຂຶ້ນເປັນ ຮອງຫົວໜ້າຄະນະເສດຖະສາດການເມືອງ ແລະ ຄຸ້ມ ຄອງເສດຖະກິດ.

2/ ທ່ານ ປທ ແສງຈັນ ຈັນທະສຸກ ຫົວໜ້າພາກວິຊາ ວຽກງານກວດກາຂຶ້ນເປັນຮອງຫົວໜ້າຄະນະກໍ່ສ້າງພັກ ແລະ ປະຫວັດສາດພັກ.

  3/ທ່ານ ປທ ສົມສີ ຈັນຕະພົມ ຫົວໜ້າພາກວິຊາ ການເມືອງວິທະຍາ ຂຶ້ນເປັນຮອງຫົວໜ້າ ຄະນະລັດທິສັງຄົມນິຍົມວິທະຍາສາດ.

ໃນຕ້ອນທ້າຍຂອງພິທີ ທ່ານປະທານໄດ້ໂອ້ລົມຊີ້ທິດເຍືອງທາງໃຫ້ແກ່ຜູ້ທີ່ໄດ້ຮັບໜ້າທີ່ໃໝ່ໃນຄັ້ງນີ້ ຈົ່ງເພີ່ມທະວີໃນການຊີ້ນຳ-ນຳພາ,​ເປັນແບບຢ່າງໃນການປະຕິບັດໜ້າທີ່ວຽກງານໃຫ້ມີຜົນສຳເລັດຍິ່ງໃຫຍ່ກວ່າເກົ່າ, ພ້ອມທັງເຕົ້າໂຮມຄວາມສາມັກຄີ ເປັນປຶກແຜ່ນແໜ້ນໜາພາຍໃນກົມກອງຂອງຕົນໃຫ້ໜັກແໜ້ນຂຶ້ນຕື່ມ ເພື່ອເປັນກຳລັງແຮງໃນການປະຕິບັດໜ້າທີ່ວຽກງານໃຫ້ກ້າວໜ້າຍິ່ງໆຂຶ້ນ.

ບັນນາທິການ: ທ່ານ ຄອນສະຫວັນ ແສນຍານຸພາບ 

ຂ່າວ/ພາບ: ທ່ານ ຕາອັອດ ແສນທະວີສຸກ