ໜ່ວຍສະຫະພັນແມ່ຍິງ ນັກສຶກສາ ປະລິນຍາຕີ XXIV ຫ້ອງ ກ ເປີດກອງປະຊຸມໃຫຍ່ ຄັ້ງທີ I

   

    ໜ່ວຍສະຫະພັນແມ່ຍິງ ນັກສຶກສາ ປະລິນຍາຕີ ຫ້ອງ ກ ໄດ້ຈັດກອງປະຊຸມໃຫຍ່ ຄັ້ງທີ I ຂຶ້ນຢ່າງເປັນທາງການ ພາຍໃຕ້ການເປັນປະທານ ຂອງສະຫາຍ ປທ ນ. ອານົງ ຂັນທະຍົງ ຮອງປະທານສະຫະພັນແມ່ຍິງ ສມປຊ, ມີ ສະຫາຍ ນ.ລຳພອນ ວົງພະຈັນ ປະທານໜ່ວຍສະຫະພັນແມ່ຍິງ ແລະສະຫາຍ ມີໄຊ ບົວຄຳສຸກ ເລຂາໜ່ວຍພັກຮາກຖານ, ມີຜູ້ຕາງໜ້າໜ່ວຍແມ່ຍິງແຕ່ລະຮາກຖານນັກສຶກສາ ພາຍໃນ ສມປຊ ແລະສະມາຊິກສະຫະພັນແມ່ຍິງພາຍໃນໜ່ວຍເຂົ້າຮ່ວມຢ່າງພ້ອມພຽງ.

 

     ສະຫາຍ ນ.ລຳພອນ ວົງພະຈັນ ປະທານໜ່ວຍສະຫະພັນແມ່ຍິງ ໄດ້ຂຶ້ນຜ່ານບົດລາຍງານການເມືອງທັງສອງພາກ. ເຊິ່ງມີເນື້ອໃນດ້ານຜົນສຳເລັດໄດ້ສ່ອງແສງໃຫ້ເຫັນວ່າ ເອື້ອຍນ້ອງແມ່ຍິງພາຍໃນໜ່ວຍມີທັດສະນະຫຼັກໜັັ້ນທາງດ້ານການເມືອງໜັກແໜ້ນ,ເຊືີ່ອໜັັ້ນຕໍໍ່ການນໍາພາຂອງພັກ ແລະເປັນເອກະພາບຕໍໍ່ແນວທາງນະໂຍບາຍຂອງພັກ ແລະລະບຽບກົດໜາຍຂອງລັດ, ມີຄວາມສາ ມັກຄີ, ອົດທົນຜ່ານຜ່າຄວາມຫຍຸ້ງ ຍາກນາໆປະການ, ເອົາໃຈໃສ່ປະຕິບັດໜ້າທີີ່ຕາມການຈັດຕັັ້ງມອບໜາຍມີຜົນສໍາເລັດ.ນອກນັ້ນ, ການສຶກສາຄົ້ນຄວ້າຮໍ່າຮຽນ, ການນຸ່ງຖື, ການປະຕິບັດລະບຽບຂອງສະຖະບັນການເມືອງແລະການປົກຄອງແຫ່ງຊາດ ກໍຄືການຈັດຕັັ້ງປະຕິບັດຂໍ້ແຂ່ງຂັນ 3 ດີເຊິ່ງມັນສະແດງອອກໃນການຂຶ້ນຫ້ອງປົກກະຕິ, ມີຄວາມສາມາດແລກປ່ຽນບົດຮຽນນໍາຄູ-ອາຈານ ແລະໜູ່ຄູ່ໃນຫ້ອງຮຽນ, ຂຶ້ນສໍາມະນາວິຊາຮຽນຕ່າງໆໄດ້ 73 ເທືີ່ອຄົນ, ຕອບຄໍາຖາມຄົ້ນຄວ້າໄດ້ 65 ເທືີ່ອຄົນ, ສອບເສັງສໍາເລັດແລ້ວຈໍານວນ 18 ວິຊາ, ຄະແນນອອກແລ້ວ 16 ວິຊາ, ສາມາດຍາດຄະແນນເກຼດA ກວມເອົາ 38,5%. ວຽກງານຂະບວນການເຂົ້າຮ່ວມຂະບວນການຍ່າງເພືີ່ອສຸຂະພາບໃນການສະເຫຼີມສະຫຼອງວັນແມ່ຍິງສາກົນວັນທີ 8 ມີນາຄົບຮອບ 109 ປີ, ວັນກໍາມະກອນສາກົນວັນທີ 1 ພຶດສະພາຄົບຮອບ 133 ປີ. ເຂົ້າຮ່ວມເຕັ້ນເອໂລບິກ ຕ້ອນຮັບວັນແມ່ຍິງສາກົນວັນທີ 8 ມີນາຄົບຮອບ 109 ປີ ແລະວັນສ້າງຕັັ້ງແມ່ຍິງລາວວັນທີ 20 ກໍລະກົດຄົບຮອບ 64 ປີ, ເຂົ້າຮ່ວມງານແຂ່ງຂັນກິລາ-ສິລະປະວັນນະຄະດີທີີ່ທາງສະຖາບັນການເມືອງ-ການປົກຄອງແຫ່ງຊາດຈັດຂຶ້ນ.

     ນອກຈາກນັ້ນ, ບົດລາຍງານຍັງຕີລາຄາດ້ານຄົງຂ້າງໃນໄລຍະຜ່ານມາຢ່າງພາວະວິໄວ ກົງໄປ ກົງມາ ເພື່ອໃຫ້ມີການສືບຕໍແກ້ໄຂໃນຕໍ່ໜ້າ.

     ຫຼັງຈາກນັ້ນ ຄະນະໜ່ວຍຊຸດເກົ່າໄດ້ຂຶ້ນຜ່ານບົດສຳຫຼວດຕີລາຄາການນຳພາໄລຍະຜ່ານມາ ແລະກ່າວອຳລາໜ້າທີ່ ເພື່ອໃຫ້ມີການເລືອກຕັ້ງເອົາຄະນະຊຸດໃໝ່.

     ຜ່ານການປ່ອນບັດຄັດເລືອກເອົາຄະນະປະທານໜ່ວຍສະຫະພັນແມ່ຍິງຊຸດໃໝ່ ມີຜູ້ສະໝັກ 5 ສະຫາຍ, ຍິງ 5 ສະຫາຍ. ໃນນັ້ນ, ກອງປະຊຸມໄດ້ເລືອກເອົາ 3 ສະຫາຍ, ໄດ້ຍິງທັງ 3 ສະຫາຍ, ກອງປະຊຸມຄັ້ງປະຖົມມະລືກໄດ້ເປັນເອກະສັນເລືອກເອົາ ສະຫາຍ ນ.ສາຍຈິດ ສົນທິສັກເປັນປະທານ, ສະຫາຍ ນ.ແສງອາລຸນ ມະນີທວງ ເປັນຮອງປະທານ, ທັງເປັນປະທານກວດກາ, ສະຫາຍ ນ.ບຸດສະດີ ແກ້ວລໍຄຳ ເປັນຄະນະ.    

     ໃນຕອນທ້າຍ ສະຫາຍ ປທ ນ. ອານົງ ຂັນທະຍົງ ໃຫ້ກຽດໂອ້ລົມເພື່ອຊີ້ທິດເຍືອງທາງໃຫ້ແກ່ກອງປະຊຸມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານດ້ານຕ່າງໆ ທີ່ສາມາດຍາດມາໄດ້ ແລະ ຍັງໄດ້ໃຫ້ທິດຊີ້ນຳຕໍ່ກອງປະຊຸມ ເພື່ອເປັນບ່ອນອີງໃນການເຄື່ອນໄຫວຕໍ່ໜ້າ ໃນການສືບຕໍ່ສຶກສາອົບຮົມດ້ານການເມືອງແນວຄິດ ໃຫ້ສະມາຊິກແມ່ຍິງພາຍໃນໜ່ວຍ ໃຫ້ເປັນປົກກະຕິ ແລະຮຽກຮ້ອງໃຫ້ຄະນະໜ່ວຍສະຫະພັນແມ່ຍິງຊຸດໃໝ່ ໃຫ້ເອົາໃຈໃສ່ນໍາພາສະມາຊິກຂອງຕົນ ຮ່ວມຊີວິດປະຈໍາເດືອນໃຫ້ເປັນປົກກະຕິ ເພື່ອຜັນຂະຫຍາຍດ້ານດີ ແລະ  ພ້ອມກັນແກ້ໄຂດ້ານອ່ອນໃຫ້ມີຄວາມກ້າວໜ້າ,ປັບປຸງແບບແຜນວີທີນໍາພາ, ແບບແຜນວິທີການເຮັດວຽກໃຫ້ມີປະສິດທິຜົນສູງ ແລະປຸກລະດົມເອື້ອຍນ້ອງແມ່ຍິງເພີ່ມທະວີຄວາມສາມັກຄີ-ຮັກແພງຊ່ວຍເຫຼືອເຊິ່ງກັນແລະກັນ ມີຄວາມເປັນເອກະພາບໃນການປະຕິບັດໜ້າທີ່ວຽກງານ ເປັນໝູ່ຄະນະ, ເອົາໃຈໃສ່ຈັດຕັ້ງປະຕິບັດ, ກວດກາ, ປະເມີນຜົນຂອງຂະບວນການແຂ່ງຂັນ 3 ດີ ໃນຕໍ່ໜ້າໃຫ້ປະກົດຜົນເປັນຈິງ.

ຂ່າວ/ພາບ: ຕາອັອດ ແສນທະວີສຸກ

ບັນນາທິການ: ຄອນສະຫວັນ ແສນຍານຸພາບ