ໂຮງຮຽນການເມືອງ ແລະການປົກຄອງ ແຂວງຊຽງຂວາງ ຈັດພິທີປະຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 64 ປີ (1 ກຸມພາ 1956 - 1 ກຸມພາ 2020)

ໂດຍປະຕິບັດຕາມ ແຈ້ງການແນະນໍາ ຂອງສະຫະພັນກຳມະບານແຂວງຊຽງຂວງ ສະບັບເລກທີ 01/ກບຂ ລົງວັນ 13 ມັງກອນ 2020 ມາໃນວັນທີ 06 ກຸມພາ 2020 ຢູ່ທີ່ໂຮງຮຽນການເມືອງ ແລະການປົກຄອງແຂວງຊຽງຂວາງ ຈັດພິທີປະຖະກະຖາວັນສ້າງຕັ້ງສະຫະພັນກຳມະບານລາວ ແລະມອບໃບຢັ້ງຢືນ 5 ເປັນເຈົ້າ ພາຍໃຕ້ການເປັນປະທານ ຂອງສະຫາຍ ປທ ຄຳຜຸຍ ໂນລາ ຮອງເລຂາໜ່ວຍພັກ ຮອງຫົວໜ້າ ໂຮງຮຽນ ການເມືອງ ແລະການປົກຄອງ, ມີສະຫາຍ ພູວອນ ສີຄຳອອນ ຮອງປະທານກຳມະບານແຂວງ, ມີສະຫາຍ ນາງ ມາລີ ດວງທອງລາ ຮອງປະທານຮາກຖານກຳມະບານ ໂຮງຮຽນ,  ມີບັນດາສະຫາຍສະມາຊິກກຳມະບານທີ່ເປັນ ພະນັກງານຄູ-ອາຈານ ແລະນັກສຶກສາ ຮຸ່ນທີ XVI ເຂົ້າຮ່ວມຢ່າງພ້ອມພຽງ.

 ໃນພິທີດັ່ງກ່າວ ສະຫາຍ ພູວອນ ສີຄຳອອນ ຮອງປະທານກຳມະບານແຂວງ ໄດ້ຂຶ້ນເລົ່າມູນເຊື້ອການກຳເນີດ ແລະການເຕີບໃຫຍ່ຂະຫຍາຍຕົວ ຂອງສະຫະພັນກຳມະບານລາວ ແລະປະຫວັດການຂະຫຍາຍຕົວຂອງ ສະຫະພັນກຳມະບານແຂວງຊຽງຂວາງ ມີຜົນສຳເລັດເປັນກ້າວໆມາ. ຈາກນັ້ນ ສະຫາຍ ນ. ມາລີ ດວງທອງລາ ໄດ້ຜ່ານບົດສະຫຼຸບໃນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າປະຈຳປີ 2019 ແລະແຜນການຈັດຕັ້ງປະຕິບັດ 2020. ເຊິ່ງສະຫາຍໄດ້ຍົກໃຫ້ເຫັນຜົນ ສຳເລັດຫຼາຍດ້ານ ເປັນຕົ້ນ ແມ່ນຂໍ້ແຂ່ງຂັນ ເປັນເຈົ້າໃນການສຶກສາອົບຮົມການເມືອງ-ແນວຄິດ ປະຕິບັດໄດ້ 94%, ເປັນເຈົ້າໃນການປັບປຸງແບບແຜນວິທີນຳພາ ແລະຂະຫຍາຍການຈັດຕັ້ງກຳມະບານ ປະຕິບັດໄດ້ 91%, ເປັນເຈົ້າປົກປ້ອງສິດຜົນປະໂຫຍດອັນຊອບທຳ ຂອງພະນັກງານ, ສະມາຊິກກຳມະບານ, ກຳມະກອນ ແລະຊາວຜູ່ອອກແຮງງານ ປະຕິບັດໄດ້ 90% ເປັນເຈົ້າເຂົ້າຮ່ວມໃນການຕິດຕາມ, ກວດກາ, ຄຸ້ມຄອງເສດຖະກິດ, ວັດທະນາທຳ-ສັງຄົມ ປະຕິບັດໄດ້ 90%, ເປັນເຈົ້າຈັດຕັ້ງປະຕິບັດແນວທາງການຕ່າງປະເທດ ຂອງພັກ ແລະກົດໝາຍ ຂອງລັດ ປະຕິບັດໄດ້ 93 %.ໃນນີ້ມີບຸກຄົນ ໄດ້ຮັບການຍ້ອງຍໍ 70 ສະຫາຍ, ຍິງ 28 ສະຫາຍ ແລະວາງທິດທາງໃນການຈັດຕັ້ງປະຕິບັດຂໍ້ ແຂ່ງຂັນ ໃນສົກປີ 2020. ຈາກນັ້ນສະຫາຍຮອງປະທານກຳມະບານແຂວງໄດ້ ມອບໃບຢັ້ງຢືນ 5 ເປັນເຈົ້າ ໃຫ້ຮາກຖານໂຮງຮຽນການເມືອງ ແລະການປົກຄອງປະຈຳປີ 2019. ພ້ອມກັນນັ້ນ, ຄະນະຮາກຖານກຳມະບານ ແລະສະມາຊິກກຳມະບານ ໄດ້ຂຶ້ນຈັບມືຮັບຮອງເອົາຂໍ້ແຂ່ງຂັນເພື່ອພ້ອມກັນນຳໄປຈັດຕັ້ງປະຕິບັດໃຫ້ມີຜົນສຳເລັດ.

    ໃນຕອນທ້າຍພິທີໄດ້ຮັບຟັງການໂອ້ລົມຂອງສະຫາຍຮອງປະທານກຳມະບານແຂວງ ສະຫາຍໄດ້ເນັ້ນໜັກໃຫ້ ສະມາຊິກຳມະບານໄດ້ເອົາໃຈ່ໃສ່ສືກສາອົບການເມືອງ-ແນວຄິດ ໃຫ້ສະມາຊິກກຳມະບານໃນຂອບເຂດຕົນເອງຮັບຜິດຊອບ, ພ້ອມ ກັນນັ້ນກໍ່ ຕ້ອງໄດ້ຮັກສາມູນເຊື້ອໃນການຈັດຕັ້ງປະຕິບັດຂໍ້ແຂ່ງຂັດ 5 ເປັນເຈົ້າໃຫ້ໄດ້ເປັນປົກກະຕິ ແລະຕໍໍ່ເນື່ອງ.

 

ຂ່າວ-ພາບໂດຍ: ທ່ານ ຈັນເພັງ ນັນທະວົງ

ຄູ-ອາຈານໂຮງຮຽນການເມືອງ ແລະການປົກຄອງແຂວງຊຽງຂວາງ.

ບັນນາທິການ: ຄອນສະຫວັນ ແສນຍານຸພາບ