ສະຫະພັນ ແມ່ຍິງຮາກຖານວິຊາການ 2 ສ້າງກິດຈະກຳ ການປະດິດສ້າງດອກໄມ້ເຈ້ຍ

     

     ໃນຕອນເຊົ້າຂອງວັນທີ 5 ກຸມພາ 2020 ຢູ່ທີ່ຫ້ອງປະຊຸມໂຕະມົນ ຊັ້ນ 4 ຕຶກສູນຂໍ້ມູນຂ່າວສານ, ສະຫະພັນ ແມ່ຍິງຮາກຖານວິຊາການ 2 ໄດ້ຈັດກິດຈະກຳເຮັດດອກໄມ້ປະດິດຂຶ້ນ ໂດຍພາຍໃຕ້ການເປັນປະທານຂອງທ່ານ ປທ ນ. ອານົງ ຂັນທະຍົງ ຮອງປະທານສະຫະພັນແມ່ຍິງ ສມປຊ, ມີບັນດາຜູ້ຕາງໜ້າຈາກໜ່ວຍແມ່ຍິງຮາກຖານຕ່າງໆຂອງພະນັກງານ, ຄູ-ອາຈານພາຍໃນ ສມປຊ ເຂົ້າຮ່ວມ 30 ກວ່າທ່ານ.

          ກິດຈະກຳດັ່ງກ່າວ, ແມ່ນກິດຈະກຳໜຶ່ງທີ່ສຳຄັນ ສາມາດນຳໄປປະກອບເປັນອາຊີບ ຊຶ່ງແມ່ນກິດຈະກຳການປະດິດສ້າງດອກໄມ້ເຈ້ຍ ດ້ວຍການນຳເອົາເຈ້ຍສີຕ່າງໆປະດິດໃຫ້ເປັນດອກໄມ້ ນຳໄປເອ້ໂຊໃນຫ້ອງເຮັດວຽກ, ຫ້ອງຮັບແຂກ ແລະ ອື່ນໆ. ກິດຈະກຳດັ່ງກ່າວ ໄດ້ເຊີນວິທະຍາກອນ ທ່ານ ນ. ດອກໄມ້ ຈັນດາລາ ເປັນຜູ້ນຳພາເຮັດຢ່າງເປັນຂະບວນຝົດຟື້ນ ແລະ ເອົາໃຈໃສ່ແນະນຳຢ່າງລະອຽດຕໍ່ກັບກິດຈຳກຳ ຊຶ່ງເຮັດໃຫ້ຜູ້ເຂົ້າຮ່ວມສາມາດເຮັດດອກໄມ້ເຈ້ຍອອກມາຢ່າງງົດງາມ.

ຂ່າວ/ພາບ: ຕາອັອດ ແສນທະວີສຸກ 

ບັນນາທິການ: ຄອນສະຫວັນ ແສນຍານຸພາບ