ສະຫະພັນແມ່ຍິງຮາກຖານ ນັກສຶກສາ ປະລິນຍາຕີ ຮຸຸ່ນທີ XXIV ຫ້ອງ ຂ ສຳເລັດກອງປະຊຸມໃຫຍ່ຄັ້ງທີ I

ເພື່ອເປັນການຢັ້ງຢືນເຖິງຜົນສຳເລັດຂອງ ສະຫະພັນແມ່ຍິງຮາກຖານ ນັກສຶກສາ ປະລິນຍາຕີ ຮຸ່ນທີ XXIV ຫ້ອງ ຂ ສາມາດຍາດມາໄດ້ ແລະ ກໍ່ເພື່ອເປັນການສະຫຼຸບຖອດຖອນບົດຮຽນ ແລະ ຂໍ້ຄົງຄ້າງ ພ້ອມທັງການເຄື່ອນໄຫວຕະຫຼອດໄລຍະທີ່ຜ່ານມາ. ດັ່ງນັ້ນ ໃນຕອນແລງຂອງວັນທີ ກຸມພາ ທີ່ຜ່ານມາຈຶ່ງໄດ້ຈັດກອງປະຊຸມໃຫຍ່ຄັ້ງທີ I ຂອງຕົນຂຶ້ນ ໂດຍພາຍໃຕ້ການເປັນປະທານຂອງ ສະຫາຍ ປອ ນ. ລຳພູນ ດວນສຸວັນ ປະທານສະຫະພັນແມ່ຍິງ ສມປຊ, ມີປະທານສະຫະພັນແມ່ຍິງຮາກຖານຂອງຫ້ອງ, ຕາງໜ້າໜ່ວຍແມ່ຍິງ ນັກສຶກສາພາຍໃນ ສມປຊ ແລະສະມາຊິກສະຫະພັນແມ່ຍິງພາຍໃນຫ້ອງ ເຂົ້າຮ່ວມຢ່າງພ້ອມພຽງ.

 ສະຫາຍ ນ. ແສງພອນ ຫັບລະກອນ ປະທານສະຫະພັນແມ່ຍິງຮາກຖານ ໄດ້ຂຶ້ນຜ່ານບົດລາຍງານການເມືອງທັງສອງ

ພາກ. ເຊິ່ງມີເນື້ອໃນດ້ານຜົນສຳເລັດໄດ້ສ່ອງແສງໃຫ້ເຫັນວ່າເອື້ອຍ ນ້ອງແມ່ຍິງພາຍໃນໜ່ວຍມີທັດສະນະຫຼັກໝັ້ັ້ນທາງດ້ານການເມືອງໜັກແໜ້ນ,ເຊືີ່ອໜັັ້ນຕໍໍ່ການນໍາພາຂອງພັກ ແລະເປັນເອກະພາບຕໍໍ່ແນວທາງນະໂຍບາຍຂອງພັກ ແລະລະບຽບກົດໜາຍຂອງລັດມີຄວາມສາມັກຄີອົດທົນຜ່ານຜ່າຄວາມຫຍຸ້ງຍາກນາໆປະ ການເອົາໃຈໃສ່ປະຕິບັດໜ້າທີີ່ຕາມການຈັດຕັັ້ງມອບໜາຍມີຜົນສໍາເລັດ.ນອກນັ້ນການສຶກສາຄົ້ນຄວ້າຮໍ່າຮຽນ, ການນຸ່ງຖື, ການປະຕິບັດລະບຽບຂອງສະຖະບັນການເມືອງ ແລະ ການປົກຄອງແຫ່ງຊາດກໍຄືການຈັດຕັັ້ງປະຕິບັດຂໍ້ແຂ່ງຂັນ 3 ດີເຊິ່ງມັນສະແດງອອກໃນການຂຶ້ນຫ້ອງປົກກະຕິມີຄວາມສາມາດແລກປ່ຽນບົດຮຽນນໍາຄູ-ອາຈານ ແລະໜູ່ຄູ່ໃນຫ້ອງຮຽນ. ວຽກງານຂະບວນການເຂົ້າຮ່ວມຂະບວນການຍ່າງ ເພືີ່ອສຸຂະພາບໃນການສະເຫຼີມສະຫຼອງ ວັນແມ່ຍິງສາກົນວັນທີ 8 ມີນາຄົບຮອບ 109 ປີວັນກໍາມະກອນສາກົນວັນທີ 1 ພຶດສະພາຄົບຮອບ 133 ປີເຂົ້າຮ່ວມເຕັ້ນເອໂລບິກ ຕ້ອນຮັບວັນແມ່ຍິງສາກົນວັນ ທີ 8 ມີນາຄົບຮອບ 109 ປີ ແລະວັນສ້າງຕັັ້ງແມ່ຍິງລາວວັນທີ 20 ກໍລະກົດຄົບຮອບ 64 ປີເຂົ້າຮ່ວມງານແຂ່ງຂັນກິລາ-ສິລະປະວັນນະຄະດີທີີ່ທາງສະຖາບັນການເມືອງ-ການປົກຄອງແຫ່ງຊາດຈັດຂຶ້ນ. ບົດລາຍງານດັ່ງກ່າວນີ້ຍັງຕີລາຄາດ້ານຄົງຂ້າງໃນໄລຍະຜ່ານມາຢ່າງພາວະວິໄວ ກົງໄປ ກົງມາ ເພື່ອໃຫ້ມີການສືບຕໍແກ້ໄຂໃນຕໍ່ໜ້າ.

     ຫຼັງຈາກນັ້ນ ຄະນະໜ່ວຍຊຸດເກົ່າໄດ້ຂຶ້ນຜ່ານບົດສຳຫຼວດຕີລາຄາການນຳພາໄລຍະຜ່ານມາ ແລະກ່າວອຳລາໜ້າທີ່ ເພື່ອໃຫ້ມີການເລືອກຕັ້ງເອົາຄະນະຊຸດໃໝ່.

     ຜ່ານການປ່ອນບັດຄັດເລືອກເອົາຄະນະ ປະທານສະຫະພັນແມ່ຍິງຮາກຖານຊຸດໃໝ່ ມີຜູ້ສະໝັກ ສະຫາຍຍິງ 5 ສະຫາຍ. ໃນນັ້ນກອງປະຊຸມໄດ້ເລືອກເອົາ 3 ສະຫາຍກອງປະຊຸມຄັ້ງປະຖົມມະລືກໄດ້ເປັນເອກະສັນເລືອກເອົາສະຫາຍ ນ. ແສງພອນ ຫັບລະກອນ ເປັນປະທານ, ສະຫາຍ ນ. ຟອງເພັດ ສຸດທິໄຊ ເປັນຮອງ ແລະ ເປັນປະທານກວດກາສະຫາຍ ນ. ແສງນວນ ວົງປະເສີດ ເປັນຄະນະ.

     ໃນຕອນທ້າຍ ສະຫາຍ ປອ ນ. ລຳພູນ ດວນສຸວັນ ໃຫ້ກຽດໂອ້ລົມເພື່ອຊີ້ທິດເຍືອງທາງໃຫ້ແກ່ກອງປະຊຸມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານດ້ານຕ່າງໆ ທີ່ສາມາດຍາດມາໄດ້ ແລະ ຍັງໄດ້ໃຫ້ທິດຊີ້ນຳຕໍ່ກອງປະຊຸມ ເພື່ອເປັນບ່ອນອີງໃນການເຄື່ອນໄຫວຕໍ່ໜ້າ ໃນການສືບຕໍ່ສຶກສາອົບຮົມດ້ານການເມືອງແນວຄິດ ໃຫ້ສະມາຊິກແມ່ຍິງພາຍໃນໜ່ວຍ ໃຫ້ເປັນປົກກະຕິ ແລະຮຽກຮ້ອງໃຫ້ຄະນະໜ່ວຍສະຫະພັນແມ່ຍິງຊຸດໃໝ່ ໃຫ້ເອົາໃຈໃສ່ນໍາພາສະມາຊິກຂອງຕົນ ຮ່ວມຊີວິດປະຈໍາເດືອນໃຫ້ເປັນປົກກະຕິ ເພື່ອຜັນຂະຫຍາຍດ້ານດີ ແລະ ພ້ອມກັນແກ້ໄຂດ້ານອ່ອນໃຫ້ມີຄວາມກ້າວໜ້າ,ປັບປຸງແບບແຜນວີທີນໍາພາແບບແຜນວິທີການເຮັດວຽກໃຫ້ມີປະສິດທິຜົນສູງ ແລະປຸກລະດົມເອື້ອຍນ້ອງແມ່ຍິງເພີ່ມທະວີຄວາມສາມັກຄີ-ຮັກແພງ ຊ່ວຍເຫຼືອເຊິ່ງກັນແລະກັນມີຄວາມເປັນເອກະພາບ ໃນການປະຕິບັດໜ້າທີ່ວຽກ ງານ ເປັນໝູ່ຄະນະເອົາໃຈໃສ່ຈັດຕັ້ງປະຕິບັດ, ກວດກາ, ປະເມີນຜົນຂອງຂະບວນການແຂ່ງຂັນ ດີ ໃນຕໍ່ໜ້າໃຫ້ປະກົດຜົນເປັນຈິງ.

ຂ່າວ/ພາບ: ຕາອັອດ ແສນທະວີສຸກ 

ບັນນາທິການ: ຄອນສະຫວັນ ແສນຍານຸພາບ