ກອງປະຊຸມສະພາຄູ ໂຮງຮຽນການເມືອງ ແລະການປົກຄອງ ແຂວງວຽງຈັນ

ໃນຕອນເຊົ້າຂອງວັນທີ 12 ກຸມພາ 2020 , ເວລາ 8:30 ນາທີ ທີ່ຫ້ອງປະຊຸມໂຮງຮຽນການ  ເມືອງ ແລະການປົກຄອງແຂວງວຽງຈັນ ໄດ້ເປີດກອງປະຊຸມສະພາຄູຂຶ້ນ ໂດຍການເປັນປະທານ ຂອງທ່ານ ສົມຄິດ ອິນທະວົງ ເລຂາໜ່ວຍພັກ, ຫົວໜ້າໂຮງຮຽນການເມືອງ ແລະການປົກຄອງ ແຂວງວຽງຈັນ ທັງເປັນປະທານສະພາຄູ, ເຂົ້າຮ່ວມກອງປະຊຸມໃນຄັ້ງນີ້ ມີບັນດາທີ່ສະມາຊິກສະພາ ຄູຈໍານວນທັງໝົດ 11 ທ່ານ, ຍິງ 1 ທ່ານ ຕາມຕໍ້ຕົກລົງ ແຕ່ງຕັ້ງຂອງປະທານສະພາວິທະຍາ ສາດສະຖາບັນການເມືອງ ແລະການປົກຄອງແຫ່ງຊາດ.

 ກອງປະຊຸມຄັ້ງນີ້ໄດ້ພ້ອມກັນສັງເກດຕີລາຄາຄືນຜົນການຈັດຕັ້ງປະຕິບັດໂຄງການຫຼັກສູດຊັ້ນກາງ, ຊັ້ນຕົ້ນ, ຫຼັກສູດຝຶກອົບຮົມທິດສະດີການເມືອງ ແລະການປົກຄອງໄລຍະສັ້ນ 45 ວັນ ແລະໂຄງການຫຼັກສູດຝຶກອົບຮົມຄະນະ ພັກບ້ານ, ນາຍບ້ານໃນລະບົບ 10 ວັນ ທີ່ສະຖາບັນການ ເມືອງ ແລະການປົກຄອງແຫ່ງຊາດວາງອອກ, ພ້ອມນີ້ຍັງ ໄດ້ເຊື່ອມຊືມກ່ຽວ ບຂໍ້ກໍານົດເລກທີ 130/ສວ, ລົງວັນທີ 24 ຕຸລາ 2019 ຂອງປະທານສະພາວິທະຍາສາດສະຖາ ບັນການເມືອງ ແລະການປົກຄອງແຫ່ງຊາດ ວ່າດ້ວຍການຈັດຕັ້ງ ແລະເຄື່ອນໄຫວຂອງສະພາຄູ. ນອກຈາກນີ້ສະມາ ຊິກສະພາຄູຍັງໄດ້ພ້ອມກັນປະກອບຄໍາຄິດຄໍາເຫັນໃສ່ຮ່າງຄໍາຖາມ ເຈາະຈີ້ມຂອງ່ທານປະທານ ກອງປະຊຸມເພື່ອໃຫ້ ມີຄວາມເປັນເອກະພາບໃນການປັບປຸ ງວຽກງານຄຸ້ມຄອງການຮຽນ-ການສອນ ກໍ່ຄືວຽກງານບໍລິຫານຮອບດ້ານຂອງ ໂຮງຮຽນ ເພື່ອຍົກລະດັບວຽກງານການຮຽນ-ການສອນໃຫ້ນັບມື້ ມີຄຸນນະພາບສູງກວ່າເກົ່າ, ສ້າງໃຫ້ໂຮງຮຽນ ການເມືອງ ແລະການປົກຄອງແຂວງວຽງຈັນ ກາຍເປັນໂຮງຮຽນພັດທະນາໃນອະ ນາຄົດ. ໃນຕອນທ້າຍປະທານກອງ ປະຊຸມໄດ້ມີຄໍາເຫັນຊີ້ນໍາ ແລະພ້ອມກັນຮັບຮອງເອົາມະຕິກອງ ປະຊຸມຢ່າງ ເປັນເອກະສັນ.

 

ຂ່າວ/ພາບ: ທ່ານ ສະຫວ່າງ ຊາມຸນຕີ ຄູ-ອາຈານ

ໂຮງຮຽນການເມືອງ ແລະການປົກຄອງ ແຂວງວຽງຈັນ

ບັນນາທິການ: ຄອນສະຫວັນ ແສນຍານຸພາບ