ພິທີຮັບມະຫາຊົນກ້າວໜ້າເຂົ້າເປັນສະມາຊິກພັກໃໝ່

ໃນລະຫວ່າງວັນທີ 10-13 ມີນາ ຢູ່ທີ່ຫ້ອງປະຊຸມ ຊັ້ນ 3 ຕຶກຫ້ອງການຂອງສະຖາບັນ ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ, ໂດຍພາຍໃຕ້ການເປັນປະທານໃນພິທີມີ ສະຫາຍ ຮສ ພູວົງ ອຸ່ນຄຳແສນ ຮັກສາການເລຂາຄະນະບໍລິຫານງານພັກ, ຮັກສາການຫົວໜ້າ ສມປຊ, ສະຫາຍ ປທ ອຸບົນ ມະຫາໄຊ ຄະນະບໍລິຫານງານພັກດ ຮອງຫົວໜ້າ ສມປຊ, ສະຫາຍ ປທ ນ. ບຸນມີ ຈຸນລະຈັກ ຄະນະບໍລິຫານງານພັກ, ປະທານກວດກາ, ຮອງຫົວໜ້າ ສມປຊ, ມີແຂກຖືກເຊິີນຈາກບັນດາໜ່ວຍພັກຮາກຖານພາຍໃນ ສມປຊ ແລະສະມາຊິກພັກພາຍໃນໜ່ວຍພັກເຂົ້າຮ່ວມ.

 ໃນພິທີພະແນກພັກ ແລະປ້ອງກັນພັກ ຂຶ້ນຜ່ານມະຕິຕົກລົງຂອງຄະນະບໍລິຫານງານພັກ ສມປຊ ວ່າດ້ວຍການອະນຸມັດຮັບເອົາ ມະຫາຊົນກ້າວໜ້າທັງ 4 ສະຫາຍ, ຍິງ 1 ສະຫາຍຄື: ສະຫາຍ ບົວພອນນິກ ພົນອາສາ, ສະຫາຍ ນ ບຸນມີ ສິງຄຳຢອງ ໜ່ວຍພັກຮາກຖານກົມຄຸ້ມຄອງການຮຽນ-ການສອນ ແລະກົມຄຸ້ມຄອງການຄົ້ນຄວ້າວິທະຍາສາດສະຫາຍ ວໍລະວົງ ວົງໄຊ ໜ່ວຍພັກຮາກຖານຫ້ອງການ ແລະ ທ່ານ ພູມີ ສີປະເສີດ ໜ່ວຍພັກຮາກຖານສູນຂໍ້ມູນຂ່າວສານ-ສູນຄົ້ນຄວ້າແນວຄິດໄກສອນພົມວິຫານເຂົ້າເປັນສະມາຊິກພັກສໍາຮອງຂອງພັກປະຊາຊົນປະຕິວັດລາວ. ຫຼັງຈາກນັ້ນ, ສະຫາຍເລຂາພັກແຕ່ລະຮາກຖານກໍໄດ້ຂຶ້ນກ່າວຮັບບັນດາສະຫາຍທັງ 4, ພ້ອມທັງຢັ້ງຢືນວ່າ ສະຫາຍທັງ 4 ນີ້ເປັນຜູ້ທີ່ມີຄວາມຫ້າວຫັນໃນການປະຕິບັດໜ້າທີ່ວຽກງານມີທັດສະນະຫຼັກໝັ້ນທາງດ້ານການເມືອງໜັກແໜ້ນມີຄວາມສາມັກຄີກັບເພື່ອນມິດສະຫາຍຕັ້ງໜ້າຝຶກຝົນຫຼໍ່ຫຼອມຕົນເອງ, ມີຄວາມຮັບຜິດຊອບ ແລະເຮັດສຳເລັດໜ້າທີ່ວຽກງານຕາມການມອບໝາຍເປັນຢ່າງດີ; ພ້ອມນັ້ນ, ກໍມີເງື່ອນໄຂຄົບຖ້ວນ ຖືກຕ້ອງຕາມມາດຖານຂອງການເຂົ້າເປັນສະມາຊິກພັກ; ພ້ອມນັ້ນ, ກໍໄດ້ມອບມະຕິຕົກລົງໃຫ້ທັງ 4 ສະຫາຍ ເພື່ອເປັນເອກະສານສຳຄັນໃນການຢັ້ງຢືນຄວາມຖືກຕ້ອງກັບພາກສ່ວນກ່ຽວຂ້ອງຕໍ່ໄປ.

 ໂອກາດດັ່ງກ່າວນີ້ຄະນະບໍລິຫານງານພັກ ສມປຊ ໄດ້ໃຫ້ກຽດໂອ້ລົມ ແລະ ກ່າວສະແດງ ຄວາມຍ້ອງຍໍຊົມເຊີຍ ຕໍ່ມະຫາຊົນກ້າວໜ້າທີ່ມີຄວາມຫ້າວຫັນບຸກບືນໃນການຈັດຕັ້ງປະຕິບັດໜ້າທີ່ວຽກງານຈົນກາຍເປັນສະມາຊິກພັກໃໝ່ ແລະ ຊົມເຊີຍທັງ 3 ໜ່ວຍພັກຮາກຖານ ທີ່ສາມາດຂະຫຍາຍພັກເຕີບໃຫຍ່ໃນຄັ້ງນີ້. ພ້ອມນັ້ນສະຫາຍ ຍັງໄດ້ຮຽກຮ້ອງມາຍັງບັນດາສະມາຊິກພັກທັງໝົດຈົ່ງສືບຕໍ່ຮັກສາມູນເຊື້ອ ແລະຕັ້ງໜ້າຝຶກຝົນຫຼໍ່ຫຼອມຕົນເອງຢ່າງຕໍ່ເນື່ອງໂດຍຖືເອົາການຍົກສູງທາງດ້ານຄຸນທາດການເມືອງເປັນຫຼັກຢຶດໝັ້ນໃນທາດແທ້ ແລະ ອຸດົມການຂອງພັກຍົກສູງສະຕິຕໍ່ການຈັດຕັ້ງຊື່ສັດ ແລະ ຈົ່ງຮັກພັກດີຕໍ່ພັກ-ລັດຕໍ່ປະເທດຊາດຕ້ານ ແລະ ສະກັດກັ້ນການສໍ້ລາດບັງຫຼວງທຸກຮູບແບບເອົາໃຈໃສ່ເພີ່ມທະວີຄວາມສາມັກຄີຮັກແພງເຊິ່ງກັນແລະກັນ ໃຫ້ເປັນປຶກແຜ່ນເພື່ອສືບຕໍ່ຈັດຕັ້ງປະຕິບັດວຽກງານທີ່ພັກ ແລະລັດ ມອບໝາຍໃຫ້ມີຜົນສໍາເລັດຂຶ້ນເລື່ອຍໆ.

ຂ່າວ/ພາບ: ທ່ານ ຕາອັອດ ແສນທະວີສຸກ

ທ່ານ ນ. ດາວັນ ສີສຸພັນ

ບັນນາທິການ: ທ່ານ ຄອນສະຫວັນ ແສນຍານຸພາບ