ສະຖາບັນການເມືອງ ແລະ ການປົກຄອງແຫ່ງຊາດ ລະນຶກເຖິງວັນສ້າງຕັ້ງພັກ ປປ ລາວ ຄົບຮອບ 65 ປີ

     

    ຕອນເຊົ້າຂອງ ວັນທີ 20 ມີນາ 2020 ເວລາ 7:30 ໂມງ ຢູ່ຕໍ່ໜ້າ ຮູບຫຼໍ່ ທ່ານ ປະທານໄກສອນ ພົມວິຫານສະຖາບັນການເມືອງ ແລະການປົກຄອງແຫ່ງຊາດ, ສະຫາຍ ຮສ ພູວົງ ອຸ່ນຄຳແສນ ຮັກສາການເລຂາຄະນະບໍລິຫານງານພັກ, ຮັກສາການຫົວໜ້າ ສມປຊ ໄດ້ນຳພາຄະນະພັກ-ຄະນະນຳທຸກຂັ້ນ ທັງພະນັກງານ, ຄູ-ອາຈານ ແລະນັກສຶກສາພາຍໃນ ສມປຊ ເຂົ້າຮ່ວມພິທີວາງກະຕ່າດອກໄມ້ ເນື່ອງ​ໃນ​ໂອ​ກາດ​​ສະ​ເຫຼີມ​ສະຫຼອງວັນ​ສ້າງ​ຕັ້ງພັກ​ປະ​ຊາ​ຊົນ​ປະ​ຕິ​ວັດລາວ ຄົບ​ຮອບ 65 ປີ (22 ມີນາ 1955 – 22 ມີນາ 2020).

 

     ເພື່ອ​ເປັນ​ການ​ສະແດງ ເຖິງ​ຄວາມ​ເຄົາລົບ​ຮັກຄວາມກະຕັນຍູ​ຮູ້​ບຸນຄຸນ​ເຖິງຄຸນງາມຄວາມດີ ​ແລະນ້ຳ​ໃຈ​ຕໍ່ສູ້ ​ຢ່າງ​ພິລະ​ອາດ​ຫານ ​ແລະ ບໍ່​ຍອມ​ຈຳນົນຂອງ ​ບັນພະ​ບູລຸດລາວ ກໍຄື ບັນດານັກຮົບປະຕິວັດ ທີ່​ເສຍສະຫຼະ​ຊີວິດ,ເລືອດ​ເນື້ອ ​ເພື່ອ​ປະ​ເທດ​ຊາດ ແລະ ປະຊາຊົນຢ່າງ​ອົງອາດ​ກ້າຫານ ພາຍໃຕ້ນຳພາຂອງພັກປະຊາຊົນປະຕິວັດລາວ ຈົນໄດ້ຮັບໄຊຊະນະ ແລະ ປະກາດເອກະລາດສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໃນ ວັນທີ 2 ທັນວາ 1975, ຊຶ່ງຄຸນງາມຄວາມດີ ​ແລະຜົນງານ​ອັນ​ໃຫຍ່​ຫລວງ ​ດັ່ງກ່າວໄດ້​ຖືກ​ຈາລຶກ​ໄວ້​ໃນ​ຊີວິດ​ຈິດ​ໃຈ ຂອງ​ທົ່ວ​ປວງ​ຊົນ​ລາວ​ທັງ​ຊາດ​ຕະຫຼອດ​ໄປ.

ຂ່າວ/ພາບ: ຕາອັອດ ແສນທະວີສຸກ

ບັນນາທິການ: ຄອນສະຫວັນ ແສນຍານຸພາບ