ໂຮງຮຽນການເມືອງ ແລະການປົກຄອງ ແຂວງຊຽງຂວາງ ຈັດພິທີປະຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 64 ປີ (1 ກຸມພາ 1956 - 1 ກຸມພາ 2020)

ໂດຍປະຕິບັດຕາມ ແຈ້ງການແນະນໍາ ຂອງສະຫະພັນກຳມະບານແຂວງຊຽງຂວງ ສະບັບເລກທີ 01/ກບຂ ລົງວັນ 13 ມັງກອນ 2020 ມາໃນວັນທີ 06 ກຸມພາ 2020 ຢູ່ທີ່ໂຮງຮຽນການເມືອງ ແລະການປົກຄອງແຂວງຊຽງຂວາງ ຈັດພິທີປະຖະກະຖາວັນສ້າງຕັ້ງສະຫະພັນກຳມະບານລາວ ແລະມອບໃບຢັ້ງຢືນ 5 ເປັນເຈົ້າ ພາຍໃຕ້ການເປັນປະທານ ຂອງສະຫາຍ ປທ ຄຳຜຸຍ ໂນລາ ຮອງເລຂາໜ່ວຍພັກ ຮອງຫົວໜ້າ ໂຮງຮຽນ ການເມືອງ ແລະການປົກຄອງ, ມີສະຫາຍ ພູວອນ ສີຄຳອອນ ຮອງປະທານກຳມະບານແຂວງ, ມີສະຫາຍ ນາງ ມາລີ ດວງທອງລາ ຮອງປະທານຮາກຖານກຳມະບານ ໂຮງຮຽນ,  ມີບັນດາສະຫາຍສະມາຊິກກຳມະບານທີ່ເປັນ ພະນັກງານຄູ-ອາຈານ ແລະນັກສຶກສາ ຮຸ່ນທີ XVI ເຂົ້າຮ່ວມຢ່າງພ້ອມພຽງ.

ອ່ານຕໍ່

ພະແນກວາລະສານ ຈັດພິທີ ຝຶກອົບຮົມ ແນະນໍາທັກສະໃນການຂຽນບົດວິທະຍາສາດ

     

     ວາລະສານທິດສະດີການເມືອງ-ການປົກຄອງ ແມ່ນຜະລິດຕະພັນໜຶ່ງຂອງການຄົ້ນຄວ້າທີ່ມີລັກສະນະວິທະຍາ ສາດ  ຂອງສະຖາບັນການເມືອງ ແລະການປົກຄອງແຫ່ງຊາດ ເຊິ່ງມີເນື້ອໃນທີ່ການຄົ້ນຄວ້າກ່ຽວກັບບັນຫາຕ່າງໆ ທີ່ຕິດພັນກັບທິດສະດີ ແລະພຶດຕິກຳໃນການຈັດຕັ້ງປະຕິບັດແນວທາງນະໂຍບາຍຂອງພັກ-ລັດ ຕໍ່ທຸກຂົງເຂດວຽກງານການເມືອງ-ການປົກຄອງ ໃຫ້ແກ່ບັນດາສະມາຊິກພັກພະນັກງານ, ຄູ-ອາຈານ ຕະຫຼອດຮອດນັກສຶກສາ, ປັນຍາຊົນ ໄດ້ຮັບຮູ້,ເຊື່ອມຊຶມ ແລະເຂົ້າໃຈຢ່າງເລິກເຊິ່ງ.

ອ່ານຕໍ່

ສະຖາບັນການເມືອງ ແລະ ການປົກຄອງແຫ່ງຊາດ ສຳເລັດການປ້ອງກັນບົດຈົບຊັ້ນ ນັກສຶກສາ ຊັ້ນສູງ ລະບົບເລັ່ງລັດ 5 ເດືອນ ຮຸ່ນທີ XXV

ວັນ​ທີ 4 ກຸມພາ ສະຖາບັນການເມືອງ-ການປົກຄອງ ໄດ້ຈັດພິ­ທີ​ປ້ອງ​ກັນ​ບົດ​ຈົບ​ຊັ້ນ​ທິດ​ສະດີ​ການ­ເມືອງ-ການ​ປົກ­ຄອງ​ ລະ­ບົບຊັ້ນ​ສູງເລັ່ງລັດ 5 ເດືອນ ຮຸ່ນທີ XXV.

ການ​ປ້ອງ​ກັນ​ບົດໄດ້ດຳເນີນໃນເວລາໜຶ່ງວັນມີ​ນັກ​ສຶກສາ​ເຂົ້າ​ຮ່ວມ​ປ້ອງ​ກັນ​ບົດ​ທັງ​ໝົດ 55 ທ່ານ ຍິງ 7 ທ່ານ. ໃນນັ້ນ, ແບ່ງອອກເປັນ 3 ສາຍຄື: ສາຍການເມືອງ ຈຳນວນ 24 ຄົນ, ຍິງ 3 ຄົນ, ສາຍການປົກ­ຄອງ ຈຳນວນ 12 ຄົນ, ຍິງ 1 ຄົນ ແລະ​ສາຍຄຸ້ມຄອງເສດຖະ​ກິດ 19 ຄົນ, ຍິງ 3 ຄົນ ຊຶ່ງ​ແມ່ນ​ພະ­ນັກງານ​ນຳ­ພາ​ຫຼັກ​ແຫຼ່ງຂັ້ນກົມ​ຈາກພາກສ່ວນຕ່າງໆ​ອ້ອມຂ້າງ 18 ກະຊວງ.

ອ່ານຕໍ່

ສະຖາບັນການເມືອງ ແລະ ການປົກຄອງແຫ່ງຊາດ ອວຍພອນວັນສ້າງຕັ້ງພັກກອມມູນິດ ຫວຽດນາມ ຄົບຮອບ 90 ປີ

   ເນື່ອງໃນວັນສ້າງຕັ້ງພັກກອມມູນິດຫວຽດນາມ ຄົບຮອບ 90 ປີ (3/2/1930-3/2/2020) ຄະນະພັກ, ຄະນະນຳ ສະຖາບັນການເມືອງ ແລະການປົກຄອງແຫ່ງຊາດ ເຊິ່ງນຳໂດຍ ທ່ານ ຮສ ພູວົງ ອຸ່ນຄຳແສນ ຮັກສາການເລຂາ ຄະນະບໍລິຫານງານພັກ, ຮັກສາການຫົວໜ້າ ສມປຊ ພ້ອມດ້ວຍຄະນະ, ພະນັກງານ, ຄູ-ອາຈານ ເຂົ້າຮ່ວມອວຍພອນ ທ່ານ ຫງວຽນ ບ໋າ ຮຸ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫຽດນາມ ປະຈຳລາວ. ເພື່ອເປັນການສະແດງຄວາມຊົມເຊີຍ ຕໍ່ຜົນສຳເລັດ ແລະໄຊຊະນະ ອັນໃຫຍ່ຫລວງ ທີ່ພັກກອມມູນິດຫວຽດນາມ ແລະປະຊາຊົນຫວຽດນາມ ອ້າຍນ້ອງຍາດມາໄດ້ຕະຫຼອດໄລຍະ 90ປີ ຜ່ານມາ.

ອ່ານຕໍ່