ໂຮງຮຽນການເມືອງ ແລະການປົກຄອງແຂວງຫຼວງພະບາງ ປີດຝຶກອົບຮົມທິດສະດີການເມືອງ ແລະການປົກຄອງ ໃຫ້ຄະນະພັກບ້ານ, ນາຍບ້ານ ໄລຍະ 10 ວັນຊຸດທີ I

ໃນຕອນເຊົ້າຂອງວັນທີ 31 ມັງກອນ 2020 ຢູ່ທີ່ໂຮງຮຽນການເມືອງ ແລະການປົກຄອງ ແຂວງຫຼວງພະບາງ ໄດ້ຈັດພິທີປີດຊຸດຝຶກອົບຮົມທິດສະດີການເມືອງ ແລະການປົກຄອງໄລຍະ 10 ວັນ ໃຫ້ຄະນະພັກບ້ານ, ນາຍບ້ານ ຂຶ້ນຢ່າງເປັນທາງການ. ໂດຍພາຍໃຕ້ການເປັນປະທານຂອງ ທ່ານ ຄໍາຫຼ້າ ລຽນປະດິດ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ສະມາຊິກສະພາ ປະຊາຊົນແຂວງຫຼວງພະບາງ, ມີທ່ານ ປທ ສົມສັກ ອ່ອນຈັນ ເລຂາໜ່ວຍພັກ, ຫົວໜ້າໂຮງຮຽນການ ເມືອງ ແລະການປົກຄອງແຂວງຫຼວງພະບາງ, ມີແຂກຖືກເຊີນ, ພະນັກງານ, ຄູອາຈານ ແລະນັກຝຶກ ອົບຮົມ ເຂົ້າຮ່ວມຢ່າງພ້ອມພຽງ.

ອ່ານຕໍ່

ສະຖາບັນການເມືອງ ແລະ ການປົກຄອງແຫ່ງຊາດ ຈັດກອງປະຊຸມ ເຜີຍແຜ່ ປາຖະກະຖາ ວັນຕ້ານການສໍ້ລາດບັງຫຼວງສາກົນ ຄົບຮອບ 16 ປີ

   

    ໃນຕອນເຊົ້າ ຂອງວັນທີ 30 ມັງກອນນີ້, ທີ່ສະໂມສອນ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດກອງປະຊຸມປາຖະກະຖາວັນຕ້ານການສໍ້ລາດບັງຫຼວງສາກົນ ຄົບຮອບ 16ປີ (9ທັນວາ 2003-9ທັນວາ 2019) ໃຫ້ກຽດເປັນປະທານເຜີຍແຜ່ໂດຍ ທ່ານ ປອ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ, ມີຄະນະພັກ, ຄະນະນຳ ສມປຊ, ພະນັກງານ, ຄູ-ອາຈານ ແລະ ນັກສຶກສາທົ່ວ ສມປຊ ເຂົ້າຮ່ວມຮັບຟັງ.ເຊິ່ງທ່ານໄດ້ເລົ່າຄືນປະຫວັດຄວາມເປັນມາຂອງສົນທິສັນຍາສະຫະປະຊາຊາດ ວ່າດ້ວຍການຕ້ານການສໍ້ລາດບັງຫຼວງສາກົນ ທີ່ໄດ້ໝູນວຽນມາບັນຈົບ ຄົບຮອບ 16 ປີ ເພື່ອໃຫ້ພະນັກງານມີຄວາມຮັບຮູ້ ເຂົ້າໃຈຢ່າງເລິກເຊິ່ງ ຕໍ່ຜົນຮ້າຍກໍ່ຄືໄພອັນຕະລາຍ ຂອງການຕ້ານການສໍ້ລາດບັງຫຼວງ, ເນື່ອງຈາກການສໍ້ລາດບັງຫຼວງ ພວມເປັນໄພຂົ່ມຂູ່ເຖິງຄວາມມີສະຖຽນລະພາບ ຂອງການຈັດຕັ້ງທັງພາກລັດ ແລະ ເອກະຊົນ ກໍ່ໃຫ້ເກີດຄວາມບໍ່ສະຫງົບ, ຄວາມບໍ່ຍຸຕິທຳໃນທົ່ວສັງຄົມ, ເປັນການບັ່ນທອນກຳລັງແຮງ ກໍ່ຄືຄວາມເຊື່ອໝັ້ນ ແລະ ຄ່ານິຍົມຂອງສັງຄົມ ຕໍ່ອຳນາດການປົກຄອງແຕ່ລະຂັ້ນ ແລະການຈັດຕັ້ງຕ່າງໆ ຂອງພາກລັດ, ຕ້ານການຟຸມເຟີອຍ ແລະປະຕິບັດນະໂຍບາຍປະຢັດແຫ່ງຊາດເພື່ອຂຸດຄົ້ນ ແລະຄຸ້ມຄອງທຸກແຫຼ່ງລາຍຮັບ ແລະຊັບພະຍາກອນເປັນຂອງຊາດ ເພື່ອນຳໃຊ້ເຂົ້າໃນພາລະກິດແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມັ່ງຄັ້ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ມີປະຊາທິປະໄຕ, ຍຸຕິທຳ ແລະ ສີວິໄລ.

ອ່ານຕໍ່

ຊາວໜຸ່ມຮາກຖານ ນັກສຶກສາ ປະລິນຍາຕີ ຮຸ່ນທີ XXIV ຫ້ອງ ຂ ສຳເລັດກອງປະຊຸມໃຫຍ່ຄັ້ງທີ I

     ໃນຕອນບ່າຍ ຂອງວັນທີ 29 ເດືອນ ມັງກອນ ຢູ່ທີ່ຫ້ອງປະຊຸມຂອງ 302 ຕຶກ H  ສມປຊ, ຊາວໜຸ່ມຮາກຖານ ນັກສຶກສາ ປະລິນຍາຕີ ຮຸ່ນທີ XXIV ຫ້ອງ ຂ ໄດ້ຈັດກອງປະຊຸມໃຫຍ່ຄັ້ງທີ I ຂອງຕົນຂຶ້ນຢ່າງເປັນທາງການ. ໂດຍການເປັນປະທານ ຂອງ ສະຫາຍ ປອ ດາວສະຫວັນ ເຄືອມີໄຊ ກຳມະການສູນກາງ ຊປປລ, ເລຂາຄະນະບໍລິຫານງານຊາວໜຸ່ມ ສມປຊ, ມີ ສະຫາຍ ເຊົາຢ່າ ເຈີຕົ່ງ ເລຂາຊາວໜຸ່ມຮາກຖານຂອງຫ້ອງ, ສະຫາຍ ນ. ໃບ ສຸລິທັນ ເລຂາໜ່ວຍພັກຫ້ອງ, ມີຜູ້ຕາງໜ້າຄະນະໜ່ວຍຊາວໜຸ່ມແຕ່ລະຮາກຖານພາຍໃນ ສມປຊ ແລະສະມາຊິກຊາວໜຸ່ມພາຍໃນຫ້ອງເຂົ້າຮ່ວມຢ່າງພ້ອມພຽງ.

ອ່ານຕໍ່

ໜ່ວຍສະຫະພັນແມ່ຍິງ ນັກສຶກສາ ປະລິນຍາຕີ XXIV ຫ້ອງ ກ ເປີດກອງປະຊຸມໃຫຍ່ ຄັ້ງທີ I

   

    ໜ່ວຍສະຫະພັນແມ່ຍິງ ນັກສຶກສາ ປະລິນຍາຕີ ຫ້ອງ ກ ໄດ້ຈັດກອງປະຊຸມໃຫຍ່ ຄັ້ງທີ I ຂຶ້ນຢ່າງເປັນທາງການ ພາຍໃຕ້ການເປັນປະທານ ຂອງສະຫາຍ ປທ ນ. ອານົງ ຂັນທະຍົງ ຮອງປະທານສະຫະພັນແມ່ຍິງ ສມປຊ, ມີ ສະຫາຍ ນ.ລຳພອນ ວົງພະຈັນ ປະທານໜ່ວຍສະຫະພັນແມ່ຍິງ ແລະສະຫາຍ ມີໄຊ ບົວຄຳສຸກ ເລຂາໜ່ວຍພັກຮາກຖານ, ມີຜູ້ຕາງໜ້າໜ່ວຍແມ່ຍິງແຕ່ລະຮາກຖານນັກສຶກສາ ພາຍໃນ ສມປຊ ແລະສະມາຊິກສະຫະພັນແມ່ຍິງພາຍໃນໜ່ວຍເຂົ້າຮ່ວມຢ່າງພ້ອມພຽງ.

ອ່ານຕໍ່