ກອງປະຊຸມສະຫຼຸບຖອດຖອນບົດຮຽນຜູ້ບໍລິຫານ-ຄຸ້ມຄອງ ໂຮງຮຽນການເມືອງ-ການປົກຄອງແຂວງ ແລະ ນະຄອນຫຼວງວຽງຈັນ ປະຈຳສົກປີ 2018-2019

ໃນຕອນເຊົ້າຂອງວັນທີ 2 ກັນຍາ 2019 ນີ້, ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດກອງປະຊຸມສະຫຼຸບຖອດຖອນບົດຮຽນຜູ້ບໍລິຫານ-ຄຸ້ມຄອງໂຮງຮຽນການເມືອງ-ການປົກຄອງແຂວງ ແລະ ນະຄອນຫຼວງວຽງຈັນ ປະຈຳສົກປີ 2018-2019 ຂຶ້ນທີ່ ໂຮງຮຽນການເມືອງ-ການປົົກຄອງແຂວງເຊກອງ,  ໂດຍໃຫ້ກຽດເຂົ້າຮ່ວມເປັນຄະນະປະທານຂອງທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ສະມາຊິກສະພາແຫ່ງຊາດຊຸດທີ 8 , ເລຂາຄະນະບໍລິຫານງານພັກ, ຫົວໜ້າສະຖາບັນການເມືອງ ແລະການປົກຄອງແຫ່ງຊາດ ພ້ອມດ້ວຍ ທ່ານ ຄຳເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ ເຈົ້າແຂວງເຊກອງ, ມີບັນດາຄະນະບໍລິຫານງານພັກ, ຮອງຫົວໜ້າ ສະຖາບັນການເມືອງ ແລະ ການປົກຄອງແຫ່ງຊາດ, ຫົວໜ້າກົມ, ຫົວໜ້າຄະນະວິຊາ, ສູນຂໍ້ມຸນຂ່າວສານ, ຫ້ອງການ ແລະ ບັນດາຜູ້ອໍານວຍການ, ຮອງອໍານວຍການ, ພະນັກງານ, ຄູ-ອາຈານຈາກໂຮງຮຽນການເມືອງ-ການປົກຄອງທ້ອງຖິ່ນທົ່ວປະເທດເຂົ້າຮ່ວມຢ່າງພ້ອມພຽງກວ່າ 57ຄົນ.

ອ່ານຕໍ່

ສະຖາບັນການເມືອງ ແລະ ການປົກຄອງແຫ່ງຊາດ ເປີດຊຸກຝຶກອົບຮົມ ທິດສະດີການເມືອງ-ການປົກຄອງ ລະບົບ 45 ວັນ ໃຫ້ ລັດວິສາຫະກິດໄຟຟ້າລາວ ຊຸດທີ XII

ໃນຕອນເຊົ້າຂອງວັນທີ 2 ກັນຍາ 2019, ສະຖາບັນການເມືອງ ແລະ ການປົກຄອງແຫ່ງຊາດ ໄດ້ອະນຸມັດເປີດຊຸດຝຶກອົບຮົມ ທິດສະດີການເມືອງ-ການປົກຄອງ ລະບົບ 45 ວັນ ໃຫ້ແກ່ພະນັກງານຫຼັກແຫຼ່ງອ້ອມຂ້າງ ລັດວິສາຫະກິດ ໄຟຟ້າລາວ ຊຸດທີ XII ໃຫ້ກຽດເປັນປະທານໂດຍ ທ່ານ ນ. ຈັນສະຫວາດ ບຸບຜາ ຄະນະປະຈຳພັກ, ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ຄຳປະເສີດ ເທບປັນຍາ ຄະນະພັກຮາກຖານ, ຮອງຜູ້ອຳນວຍການໃຫຍ່ ລັດວິສາຫະກິດ ໄຟຟ້າລາວ ແລະ ໃຫ້ກຽດເປັນປະທານຮ່ວມ ຂອງ ທ່ານ ປທ ແສງແກ້ວ ວົງລຳພັນ ຮອງຫົວໜ້າກົມຄຸ້ມຄອງ ການຮຽນ-ການສອນ ແລະ ຕາງໜ້າຫ້ອງການ, ກົມ ແລະ ຫົວໜ້າໜ່ວຍງານພາຍໃນລັດ ວິສາຫະກິດໄຟຟ້າ ລາວ.

ອ່ານຕໍ່

ໜ່ວຍພັກຮາກຖານກົມຈັດຕັ້ງ-ພະນັກງານ ແລະ ກົມກວດກາ ສຳເລັດການເລືອກຕັ້ງຄະນະບໍລິຫານງານໜ່ວຍພັກ ຄັ້ງທີ I

    ຫຼັງຈາກໜ່ວຍພັກຮາກຖານຫ້ອງການ ແລະ ກົມຈັດຕັ້ງພະນັກງານ ໄດ້ສຳເລັດກອງປະຊຸມໃຫຍ່ຄັ້ງທີ VII ຂອງຕົນ ແລ້ວນັ້ນ ກໍໄດ້ແຍກອອກເປັນ 2 ໜ່ວຍພັກ ຄື: ໜ່ວຍພັກຮາກຖານຫ້ອງການ ແລະ ໜ່ວຍພັກຮາກຖານກົມຈັດຕັ້ງ-ພະນັກງານ ໃນວັນທີ 2 ສິງຫາ ທີ່ຜ່ານມາ, ດັ່ງນັ້ນ, ເພື່ອເປັນການສືບຕໍ່ໃນການຈັດກອງປະຊຸມໃຫຍ່ຄັ້ງທີ I ຂອງໜ່ວຍພັກຮາກຖານ ກົມຈັດຕັ້ງ-ພະນັກງານ ແລະ ກົມກວດກາຂຶ້ນ ໃນວັນທີ 23 ສິງຫາ ເຊິ່ງໃຫ້ກຽດເປັນປະທານ ແລະ ດຳເນີນກອງປະຊຸມ ຂອງສະຫາຍ ຮສ ພູວົງ ອຸ່ນຄຳແສນ ຮອງເລຂາຄະນະບໍລິຫານງານພັກ, ຮອງຫົວໜ້າ ສມປຊ ພ້ອມດ້ວຍຄະນະ ໜ່ວຍພັກຮາກຖານ ແລະ ຕາງໜ້າໜ່ວຍພັກພາຍໃນ ສມປຊ ເຂົ້າຮ່ວມຢ່າງພ້ອມພຽງ.

ອ່ານຕໍ່

ກອງປະຊຸມສະໄໝສາມັນເທື່ອທີ 3 ຂອງສະພາວິທະຍາສາດ ສມປຊ ຊຸດທີ IV

      ໃນຕອນເຊົ້າຂອງວັນທີ 27 ສິງຫາ 2019 ກົມຄຸ້ມຄອງຄົ້ນຄວ້າວິທະຍາສາດ ໄດ້ຈັດກອງປະຊຸມສະໄໝສາມັນເທື່ອທີ 3 ຂອງສະພາວິທະຍາສາດ ສມປຊ ຊຸດທີ IV ຂຶ້ນ, ໂດຍການເປັນປະທານຂອງທ່ານ ຮສ ປອ ທອງສະລິດ ມັງໜໍ່ເມກ ປະທານສະພາວິທະຍາສາດ ສມປຊ, ຫົວໜ້າ ສມປຊ, ມີຮອງປະທານສະພາສະພາວິທະ ຍາສາດ ແລະ ສະມາຊິກສະພາວິທະຍາສາດ ສມປຊ ເຂົ້າຮ່ວມ.

ອ່ານຕໍ່