ໃນຕອນເຊົ້້າວັນທີ 8 ກໍລະກົດ 2024 ທີ່ ຫໍສະໜຸດ ສມປຊ ຊັ້ນ 2 ຕຶກສູນຂໍ້ມູນຂ່າວສານການເມືອງ ແລະການປົກຄອງ. ສູນຄົ້ນຄວ້າແນວຄິດ ໄກສອນ ພົມວິຫານ ໄດ້ມອບມອບປຶ້ມໃຫ້ ຫໍສະໝຸດ ສມປຊ ເຊິ່ງມອບໂດຍ: ທ່ານ: ປອ ນາງ ລໍາພູນ ດວນສຸວັນ ຫົວໜ້າສູນຄົ້ນຄວ້າແນວຄິດ ໄກສອນ ພົມວິຫານ ພ້ອມດ້ວຍຄະນະ ແລະຕາງໜ້າຮັບໂດຍ: ທ່ານ ປທ ບຸນປັນ ສຸມຸນທອງ ຮອງຫົວໜ້າສູນຂໍ້ມູນຂ່າວສານການເມືອງ ແລະການປົກຄອງ ພ້ອມດ້ວຍຄະນະ.
ປຶ້ມດັ່ງກ່າວລວມທັງໝົດ 160 ຫົວ, ມີ 8ຂົງເຂດ, ເຊິ່ງລາຍລະອຽດມີດັ່ງລຸ່ມນີ້:
- ແນວຄິດ ໄກສອນ ພົມວິຫານ ກ່ຽວກັບພັກ ປະຊາຊົນປະຕິວັດລາວ ໃນພາລະກິດປ່ຽນແປງໃໜ່ຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບວຽກພະນັກງານ ໃນພາລະກິດປ່ຽນແປງໃໜ່ຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບການປ່ຽນແປງໃໜ່ ໃນຂົງເຂດອໍານາດລັດຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບການປ່ຽນແປງໃໜ່ ໃນຂົງເຂດເສດຖະກິດຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບການປ່ຽນແປງໃໜ່ ໃນຂົງເຂດວຽກງານປ້ອງກັນຊາດຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບການປ່ຽນແປງໃໜ່ ໃນຂົງເຂດວຽກງານປ້ອງກັນຄວາມສະຫງົບຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບການປ່ຽນແປງໃໜ່ ໃນຂົງເຂດວັດທະນະທໍາ-ສັງຄົມຈໍານວນ 20 ຫົວ.
- ແນວຄິດ ໄກສອນ ພົມວິຫານ ກ່ຽວກັບວຽກງານແນວໂຮມ ແລະອົງການຈັດຕັ້ງມະຫາຊົນ ໃນພາລະກິດປ່ຽນແປງ ໃໜ່ຈໍານວນ 20 ຫົວ.
ໃນຕອນທ້າຍ ທ່ານ ປທ ບຸນປັນ ສຸມຸນທອງ ຮອງຫົວໜ້າສູນຂໍ້ມູນຂ່າວສານການເມືອງ ແລະການປົກຄອງ ພ້ອມດ້ວຍຄະນະ ໄດ້ສະແດງຄໍາຂອບໃຈມາຍັງ ທ່ານ: ປອ ນາງ ລໍາພູນ ດວນສຸວັນ ຫົວໜ້າສູນຄົ້ນຄວ້າແນວຄິດ ໄກ ສອນ ພົມວິຫານ ປະທານສະຫະພັນແມ່ຍິງ ສມປຊ ພ້ອມດ້ວຍຄະນະ ທີ່ໄດ້ມອບປຶ້ມອັນແສນທີ່ມີຄຸນຄ່າໃຫ້ແກ່ ຫໍສະໝຸດສະຖາບັນການເມືອງ ແລະ ການປົກຄອງແຫ່ງຊາດ ແລະຈະນໍາເອົາປຶ້ມດັ່ງກ່າວປະກອບສ່ວນເຂົ້າໃນການສະໜອງຂໍ້ມູນຂ່າວສານໃຫ້ແກ່ການຄົ້ນຄວ້າສິດ-ສອນຂອງພະນັກງານ, ຄູ-ອາຈານ ແລະນັກສຶກສາ ທັງເປັນການປະກອບສ່ວນອັນມີຄຸນຄ່າໃຫ້ກັບຜູ້ມັກໃນການສຶກສາ, ຄົ້ນຄວ້າເອົາບົດຮຽນທັງພາຍໃນ ແລະຕ່າງປະເທດໃຫ້ເກີດຜົນປະໂຫຍດສູງທີ່ສຸດ.
ຂ່າວ/ພາບ: ນາງ ທິດດາວອນ ດວງປະເສີດ
ບັນນາທິການ: ປທ ບຸນປັນ ສຸມຸນທອງ