ໃນຕອນແລງວັນທີ 17 ກໍລະກົດ 2024 ສະຖາບັນການເມືອງ ແລະ ການປົກຄອງແຫ່ງຊາດ ຕ້ອນຮັບສະຖາບັນຄົ້ນຄວ້າການພົວພັນສາກົນໃນໄລຍະໃໝ່ ສປ ຈີນ, ເຊິ່ງໃຫ້ກຽດຕ້ອນຮັບ ທ່ານ ປອ ຟູ ຊຽວສຽງ ຮອງຫົວຫນ້າສະຖາບັນຄົ້ນຄວ້າການພົວພັນສາກົນໃນໄລຍະໃໝ່ ສປ ຈີນ ພ້ອມດ້ວຍຄະນະໂດຍ: ທ່ານ ປອ ຄໍາໃບ ມາລາສິງ ກຳມະການຄະນະພັກ, ຫົວໜ້ຄະນະລັດທິສັງຄົມນິຍົມວິທະຍາສາດ ພ້ອມດ້ວຍຄະນະ, ເຊິ່ງມີຜູ້ເຂົ້າຮ່ວມທັງໝົດ 16 ທ່ານ, ຍິງ 5 ທ່ານ.
ຈຸດປະສົງໃນການມາຄັ້ງນີ້ກໍ່ເພື່ຶອເຂົ້າຮ່ວມພົບປະ ແລະແລກປ່ຽນບົດວິທະຍາສາດພາຍໃຕ້ຫົວຂໍ້: ການພັດທະນາລະບອບສັງຄົມນິຍົມ ແລະທັດສະນະ ສປປ ລາວ ຕໍ່ບັນຫາສາກົນ. ໂດຍສະເພາະແມ່ນການບໍລິຫານກ່ຽວກັບເສັ້ນທາງລົດໄຟລາວ-ຈີນ ແລະການເຜີຍແຜ່ຜົນປະໂຫຍດເສັ້ນທາງລົດໄຟ ລະຫວ່າງ ສປປລາວ ແລະສປຈີນ. ນອກນັ້ນກໍ່ມີການສົນທະນາແລກປ່ຽນກັນໄປກ່ຽວກັບຜົນສໍາເລັດຂອງການສຶກສາຄົ້ນຄວ້າແນວຄິດ ໄກສອນ ພົມວິຫານ, ການຄຸ້ມຄອງທາງສື່ອອນລາຍ ແລະການເຂົ້າມາແຊກແຊງຂອງບັນດາປະເທດຕາເວັນຕົກ ແລະບັນຫາອື່ນໆທີ່ກ່ຽວຂ້ອງ.
ໃນຕອນທ້າຍພິທີ ທ່ານ ປອ ຄໍາໃບ ມາລາສິງ ກໍາມະການຄະນະພັກ, ຫົວໜ້ຄະນະລັດທິສັງຄົມນິຍົມວິທະຍາສາດ ພ້ອມດ້ວຍຄະນະ ໄດ້ກ່າວຄໍາຂອບໃຈມາຍັງ ທ່ານ ປອ ຟູ ຊຽວສຽງ ຮອງຫົວຫນ້າສະຖາບັນຄົ້ນຄວ້າການພົວພັນສາກົນໃນໄລຍະໃໝ່ ສປຈີນ ພ້ອມດ້ວຍຄະນະ ທີ່ໃຫ້ກຽດມາຢ້ຽມຍາມ, ແລກປ່ຽນບົດຮຽນ ເຊິ່ງທ່ານໄດ້ກ່າວຕື່ມວ່າການລົງມາພົບປະຄັ້ງນີ້ແມ່ນມີຄວາມໝາຍສໍາຄັນ ເປັນບົດຮຽນອັນລໍ້າຄ່າ ແລະຈະນໍາເອົາບົດຮຽນຄັ້ງນີ້ປະກອບສ່ວນເຂົ້າໃນການສຶກສາຄົ້ນຄວ້າຮໍ່າຮຽນ.
![](https://www.nappa.gov.la/wp-content/uploads/2024/07/WhatsApp-Image-2024-07-19-at-12.33.08-1.jpeg)
ຂ່າວ/ພາບ: ນາງ ທິດດາວອນ ດວງປະເສີດ
ບັນນາທິການ: ປທ ບຸນປັນ ສຸມຸນທອງ