ພິທີເລື່ອນສະມາຊິກພັກສໍາຮອງ ຂຶ້ນເປັນສະມາຊິກພັກສົມບູນ ຂອງໜ່ວຍພັກຮາກຖານຫ້ອງການໄດ້ຈັດຂຶ້ນຂອງຕອນເຊົ້າວັນທີ 03 ກັນຍາ 2024 ທີ່ຫ້ອງປະຊຸມຊັ້ນ 3ຕຶກຫ້ອງການ ສມປຊ, ໃຫ້ກຽດເປັນປະທານໂດຍ: ສະຫາຍ ຮສ ພູວົງ ອຸ່ນຄໍາແສນ ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີ ສະຫາຍ ປອ ນາງ ຈັນທະໝອມ ບັນດາວົງ ຮອງຫົວໜ້າກົມຈັດຕັ້ງ-ພະນັກງານ, ສະຫາຍ ປອ ນາງ ໄກສອນ ຈັນສີນາ ກໍາມະການຄະນະພັກ, ເລຂາໜ່ວຍພັກຮາກຖານຫ້ອງການ, ຫົວໜ້າຫ້ອງການມີແຂກຖືກເຊີນຈາກໜ່ວຍພັກບັນດາຄະນະຕ່າງໆ, ກົມ, ສອງສູນ ແລະສະມະຊິກພັກພາຍໃນໜ່ວຍພັກເຂົ້້າຮ່ວມທັງໝົດ 36 ສະຫາຍ, ຍິງ 16 ສະຫາຍ.
ໃນກອງປະຊຸມ ສະຫາຍ ປທ ນ.ຈອນນີ ໄຊຍະຈັກ ຮອງຫົວໜ້າພະແນກພັກ ແລະປ້ອງກັນພັກໄດ້ຂຶ້ນຜ່ານມະຕິຕົກລົງຂອງອົງຄະນະພັກ ສມປຊ ວ່າດ້ວຍການເລື່ອນສະມາຊິກພັກສໍາຮອງ ຂຶ້ນເປັນສະມາຊິກພັກສົມບູນຈຳ ນວນ 3ສະຫາຍ ແລະສະຫາຍ ປອ ນາງ ໄກສອນ ຈັນສີນາ ກໍາມະການຄະນະພັກ, ເລຂາໜ່ວຍພັກຮາກຖານຫ້ອງ ການ, ຫົວໜ້າຫ້ອງການຂື້ນກ່າວຮັບເອົາສະມາຊິກພັກສົມບູນ ແລະໄດ້ມອບມະຕິຕົກລົງເລື່ອນສະມະຊິກພັກສໍາຮອງຂຶ້ນເປັນສະມາຊິກພັກສົມບູນໃຫ້ແກ່ 3 ສະຫາຍຄື:
1). ສະຫາຍ ສຸກສະຫວັດ ເພັດພູທອນ;
2). ສະຫາຍ ຄໍາຫຼ້າ ທອງພະຈັນ;
3). ສະຫາຍ ນາງ ຈັນສະໄໝ ນັນທະວົງ.
ໃນຕອນທ້າຍພິທີ ທ່ານ ປະທານໄດ້ມີຄຳເຫັນໂອ້ລົມຕໍ່ສະມາຊິກພັກສົມບູນໃໝ່ ແລະສະມາຊິກພາຍໃນໜ່ວຍພັກຮາກຖານຫ້ອງການຄື:
- ຕໍ່ກັບສະມາຊິກພັກສົມບູນໃໝ່.
- ຕ້ອງກໍາໃຫ້ໄດ້ບັນດາກົດລະບຽບຂອງພັກ ແລະເຊື່ອມຊຶມບັນດາມະຕິ, ກົດລະບຽບຂອງພັກ ແລະເນື້ອໃນຈິດໃຈແນວທາງຂອງພັກ;
- ສືບຕໍ່ຕັ້ງໜ້າເຝິກຝົນຫຼໍ່ຫຼອມຕົນເອງນັບທັງຄວາມຮູ້,ຄວາມສາມາດຢ່າງຮອບດ້ານລວມທັງແບບແຜນ ການດໍາລົງຊີວິດ;
- ປະກອບສ່ວນເຂົ້າໃນການປັບປຸງກໍ່ສ້າງພັກຕາມ 5ທິດນໍາ 3ຫຼັກການ ແລະໃກ້ຊິດຕິດແທດກັບປະຊາ ຊົນ;
- ກໍາແໜ້ນນະໂຍບາຍການຕ່າງປະເທດຂອງພັກ, ເອົາໃຈໃສ່ເຂົ້າຮ່ວມຊີວິດພາຍໃນຈຸພັກ ແລະໜ່ວຍພັກ.
- ຕໍ່ກັບສະມາຊິກພັກພາຍໃນໜວ່ຍ.
1) ໃຫ້ສືບຕໍ່ກໍ່ສ້າງຊ່ວຍເຫຼືອສະມະຊິກພັກສົມບູນໃໝ່ ແລະເພີ່ມທະວີຄວາມສາມັກຄີພາຍໃນໜ່ວຍ;
2) ສືບຕໍ່ຊຸກຍູ້ກໍ່ສ້າງໜ່ວຍພັກປອດໃສ, ໜັກແໜ້ນ, ເຂັ້ມແຂງໂດຍເນັ້ນຄຸນນະພາບເປັນກົກ.
ຂ່າວ: ພະແນກຄົ້ນຄວ້າວິໄຈຂ່າວ
ພາບ: ສຸກສະຫວັດ ເພັດພູທອນ
ບັນນາທິການ: ປທ ບຸນປັນສຸມຸນທອງ