ໃນຕອນເຊົ້າວັນທີ 14 ພະຈິກ 2024 ທີ່ ສະໂມສອນໃຫຍ່ ສະຖາບັນການເມືອງ ແລະ ການປົກຄອງແຫ່ງຊາດ ຄະນະສະຫະພັນແມ່ຍິງ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດກອງປະຊຸມສະຫຼຸບການຈັດ ຕັ້ງປະຕິບັດຂໍ້ແຂ່ງຂັນ 3ດີ ປະຈໍາ ປີ 2024 ແລະໄລຍະ 5 ປີ ໃຫ້ກຽດເປັນປະທານໂດຍ: ທ່ານ ທ່ານ ປອ ດາວສະ ຫວັນ ເຄືອມີໄຊ ຄະນະປະຈໍາພັກ, ຮອງຫົວໜ້າ ສມປຊ ມີຄະນະແມ່ຍິງຮາກຖານເສດຖະກິດຄອບຄົວ, ຄະນະແມ່ ຍິງແຕ່ລະຮາກຖານ ທົ່ວ ສມປຊ ແລະຄະນະແມ່ຍິງຮາກຖານນັກສຶກສາປະລິນຍາໂທ ແຕ່ລະຮຸ່ນພ້ອມດ້ວຍສະມະຊິກແມ່ຍິງກໍ່ໃຫ້ກຽດເຂົ້າຮ່ວມ ລວມທັງໝົດ 130 ກວ່າທ່ານ.
ໃນພິທີ ທ່ານ ປອ ນ. ລຳພູນ ດວນສຸວັນ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະ ຫະພັນແມ່ຍິງສະຖາບັນການເມືອງ ແລະການປົກຄອງແຫ່ງຊາດ, ຫົວໜ້າສູນຄົ້ນຄວ້າແນວຄິດ ໄກສອນ ພົມ ວິຫານ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3ດີປະຈໍາ ປີ 2024 ແລະໃນໄລຍະ 5 ປີ (2019-2024) ພ້ອມທັງຜ່ານທິດທາງແຜນການເຄື່ອນໄຫວວຽກງານ ຂອງສະຫະພັນແມ່ຍິງ ສມປຊ ປະຈໍາສົກປີ 2025 ແລະໃນໄລຍະ 5 ປີຕໍ່ໜ້າ (2024-2029)
ຫຼັງຈາກນັ້ນ ທ່ານ ປທ ນ. ຂັນໄຊ ກິດຕິລາດ ກໍາມະການສະຫະພັນແມ່ຍິງ ສມປຊ, ຮອງຫົວໜ້າກົມກວດ ກາ ໄດ້ຂຶ້ນຜ່ານຂໍຕົກລົງຍ້ອງຍໍ 3ດີ ແລະຍ້ອງຍໍກອງເລຂາຊ່ວຍວຽກເຊິ່ງມີດັ່ງນີ້:
1) ຍ້ອງຍໍແມ່ຍິງ 3ດີ ປະເພດ 1ມີ 104 ທ່ານ ໃຫ້ກຽດຂຶ້ນມອບໂດຍ: ທ່ານ ປອ ນ. ລຳພູນ ດວນສຸ ວັນ;
2) ຍ້ອງຍໍແມ່ຍິງ 3 ດີ ປະເພດ 2 ມີ 8 ທ່ານ ໃຫ້ກຽດຂຶ້ນມອບໂດຍ: ທ່ານ ປທ ນ. ອານົງ ຂັນທະຍົງ
3) ຍ້ອງຍໍຮາກຖານແມ່ຍິງ 3 ດີ ປະເພດ 1 ມີ 6 ຮາກຖານ ໃຫ້ກຽດຂຶ້ນມອບໂດຍ: ທ່ານ ປອ ດາວສະ ຫວັນ ເຄືອມີໄຊ ຄະນະປະຈໍາພັກ, ຮອງຫົວໜ້າ ສມປຊ.
4) ຍ້ອງຍໍກອງເລຂາຊ່ວຍວຽກ ຂອງຄະນະບໍລິຫານສະຫະພັນແມ່ຍິງ ສມປຊ ສະໄໝທີ V (2019-2024) ຈໍານວນ 9 ທ່ານ.ໃຫ້ກຽດຂຶ້ນມອບໂດຍ: ທ່ານ ປອ ນ. ຄໍາແພນ ພົມພັກດີ.
ເພື່ອໃຫ້ບົດສະຫຼຸບດັງກ່າວມີເນຶ້ອໃນຄົບຖ້ວນສົມບູນໃນພິທີໄດ້ ເປີດໂອກາດໃຫ້ສະມາຊິກມະຊິກແມ່ຍິງປະ ກອບຄໍາຄິດ-ຄໍາເຫັນຢ່າງກົງໄປກົງມາ.
ໃນຕອນທ້າຍປະທານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ທີ່ສະຫະພັນແມ່ຍິງ ສມປຊ ທີ່ຍາດມາໄດ້ໃນໄລຍະຜ່ານມາ ແລະທ່ານໄດ້ເນັ້ນຕື່ມວ່າ: ຄະນະປະທານສະຫະແມ່ຍິງເອົາໃຈໃສ່ໃນແຜນຍຸດທະສາດ, ແຜນພັດ ທະນາແມ່ຍິງຕ້ອງເຮັດຢ່າງຕໍ່ເນື່ອງເພື່ອໃຫ້ເອື້ອຍນ້ອງແມ່ຍິງມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດເພື່ອໃຫ້ອົງການຈັດຕັ້ງແມ່ຍິງມີຄວາມເຂັ້ມແຂງ ແລະຮຽກຮ້ອງໃຫ້ສະມາຊິກແມ່ຍິງແຕ່ລະທ່ານຈົ່ງເອົາໃຈ ໃສ່ເຝິກຝົນຫຼໍ່ຫຼອມຕົນເອງ, ຍົກລະດັບຄວາມຮູ້, ຄວາມສາມາດຕໍ່ວຽກງານວິຊາສະເພາະເພື່ອນໍາໃຊ້ເຂົ້າໃນວຽກງານທີ່ຕົນຮັບຜິດຊອບໃຫ້ໄດ້ຮັບຜົນສໍາເລັດ; ຍົກລະດັບສີມືແຮງງານເພື່ອພັດທະນາເສດຖະກິດຄອບຄົວໃຫ້ດີຂຶ້ນ, ມີຄວາມຮັບຜິດຊອບຕໍ່ວຽກງານທີ່ໄດ້ຮັບການມອບໝາຍຈາກຂັ້ນເທິງ, ສືບຕໍ່ຮັກສາຄວາມສາມັກຄີຊ່ວຍເຫຼືອເຊິ່ງກັນແລະກັນ, ສືບຕໍ່ຈັດຕັ້ງປະຕິບັດຂະບວນການຂໍ້ແຂ່ງຂັນ 3ດີ ຂອງແມ່ຍິງເພື່ອຂ່ຳນັບຮັບຕ້ອນກອງປະຊຸມໃຫຍ່ຂອງສະຫະພັນແມ່ຍິງ ສມປຊ ຄັ້ງທີ VI ທີ່ຈະມາເຖິງນີ້.
ພາບ-ຂ່າວ: ນາງ ທິດດາວອນ ດວງປະເສີດ
ບັນນາທິການ: ປທ ບຸນປັນ ສຸມຸນທອງ