ໃນຕອນເເລງ ວັນທີ 30 ທັນວາ 2024 ຢູ່ທີ່ສະໂມສອນໃຫຍ່ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດພິທີປະກາດການພັກຮັບເງິນອຸດໜູນ ແລະແຕ່ງຕັ້ງຕໍາແໜ່ງບໍລິຫານ, ພາຍໃຕ້ການເປັນປະທານໂດຍ: ທ່ານ ຮສ ພູວົງ ອຸ່ນຄໍາແສນ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີຄະນະພັກ, ມີພະນັກງານ, ຄູ-ອາຈານ ທົ່ວ ສມປຊ ເຂົ້າຮ່ວມທັງໝົດ 143 ທ່ານ, ຍິງ 68 ທ່ານ.
ໃນພິທີດັ່ງກ່າວ ທ່ານ ປທ ນ. ພອນໄຊ ລາດຊະວົງ ຫົວໜ້າຫົວໜ້າກົມຈັດຕັ້ງ-ພະນັກງານ ໄດ້ຜ່ານ 4 ເອກະສານ ຄື:
- ອີງຕາມຂໍ້ຕົກລົງ ສະຖາບັນການເມືອງ ແລະການປົກຄອງແຫ່ງຊາດ ເລກທີ 1767/ສມປຊ, ລົງວັນທີ 18 ທັນວາ 2024 ວ່າດ້ວຍການອະນຸມັດ ໃຫ້ທ່ານ ວຽງທອງ ອາໄພຍະວົງ ຫົວໜ້າພະແນກຄຸ້ມຄອງນັກສຶກສາ ຂຶ້ນກັບກົມຄຸ້ມຄອງ ການຮຽນ-ການສອນ ສະຖາບັນການເມືອງ ແລະ ການປົກຄອງແຫ່ງຊາດ ອອກພັກການ-ຮັບອຸດໜູນບຳນານ ນັບແຕ່ວັນທີ 1 ມັງກອນ 2025 ເປັນຕົ້ນໄປ.
- ອີງຕາມຂໍ້ຕົກລົງ ສະຖາບັນການເມືອງ ແລະການປົກຄອງແຫ່ງຊາດ ເລກທີ 1792/ສມປຊ, ລົງວັນທີ 27 ທັນວາ 2024, ວ່າດ້ວຍການຍົກຍ້າຍ ທ່ານ ປທ ດາວອນ ຊາມູນຕີ ຫົວໜ້າພະແນກຄົ້ນຄວ້າຄໍາຮ້ອງ-ຄໍາສະເໜີ ໄປປະຈໍາການເປັນ ຫົວໜ້າພະແນກກວດກາລັດ ຂຶ້ນກັບກົມກວດກາ.
- ອີງຕາມຂໍ້ຕົກລົງ ສະຖາບັນການເມືອງ ແລະການປົກຄອງແຫ່ງຊາດ ເລກທີ 1793/ສມປຊ, ລົງວັນທີ 27 ທັນວາ 2024 ວ່າດ້ວຍ ການແຕ່ງຕັ້ງຕຳແໜ່ງບໍລິຫານຂັ້ນຫົວໜ້າພະແນກ ແລະ ທຽບເທົ່າ, ເຊິ່ງມີລາຍຊື່ລະອຽດດັ່ງນີ້:
- ທ່ານ ປອ ຄໍາມີຊົ່ງ ໄຊຄືເຢຍຕົວ ຮອງຫົວໜ້າພາກວິຊາເສດຖະສາດການເມືອງມາກ-ເລນິນ ຂຶ້ນເປັນ ຫົວໜ້າພະແນກແຜນການສັງລວມ ຂຶ້ນກັບ ສູນຄົ້ນຄ້ວາແນວຄິດໄກສອນ ພົມວິຫານ.
- ທ່ານ ປທ ນ. ສຸດໃຈ ວົງພະຈັນ ຮອງຫົວໜ້າພະແນກຄຸ້ມຄອງລະບົບກໍ່ສ້າງ ຂຶ້ນເປັນຫົວໜ້າພະແນກ ຄຸ້ມຄອງນັກສຶກສາ ຂຶ້ນກັບກົມຄຸ້ມຄອງການຮຽນ-ການສອນ ຂອງສະຖາບັນການເມືອງ ແລະ ການປົກຄອງແຫ່ງຊາດ.
- ທ່ານ ປທ ອຸທິດ ເຟືອງສະຫວັນ ຮອງຫົວໜ້າພາກວິຊາປັດຊະຍາມາກ-ເລນິນ ຂຶ້ນເປັນຫົວໜ້າພາກວິ ຊາປັດຊະຍາມາກ-ເລນິນ ຂຶ້ນກັບຄະນະປັດຊະຍາ.
- ທ່ານ ປທ ນ. ພວງແສງ ວົງວິຫານ ຮອງຫົວໜ້າພະແນກຄົ້ນຄວ້າຄໍາຮ້ອງ-ຄໍາສະເໜີ ຂຶ້ນເປັນຫົວໜ້າ ພະແນກຄົ້ນຄວ້າຄໍາຮ້ອງ-ຄໍາສະເໜີ ຂຶ້ນກັບກົມກວດກາ.
- ທ່ານ ປທ ນ ພາວັນ ວິລະວົງ ຮອງຫົວໜ້າພະແນກຄົ້ນຄວ້າວິໄຈຂ່າວ ຂຶ້ນເປັນຫົວໜ້າພະແນກຫໍສະ ໝຸດ ຂຶ້ນກັບສູນຂໍ້ມູນຂ່າວສານການເມືອງ ແລະ ການປົກຄອງ.
- ອີງຕາມຂໍ້ຕົກລົງ ສະຖາບັນການເມືອງ ແລະການປົກຄອງແຫ່ງຊາດ ເລກທີ 1794/ສມປຊ, ລົງວັນທີ 27 ທັນວາ 2024 ວ່າດ້ວຍການແຕ່ງຕັ້ງຕຳແໜ່ງບໍລິຫານຂັ້ນຮອງຫົວໜ້າພະແນກ ແລະ ທຽບເທົ່າ ຂອງສະຖາບັນການເມືອງ ແລະ ການປົກຄອງແຫ່ງຊາດ, ເຊິ່ງມີລາຍລະອຽດດັ່ງນີ້:
- ທ່ານ ປທ ນ. ແພງຄໍາຫຼ້າ ສິງດາລາ ພະນັກງານວິຊາການ ຂຶ້ນເປັນຮອງຫົວໜ້າພະແນກຄຸ້ມຄອງລະ ບົບກໍ່ສ້າງ ຂື້ນກັບກົມຄຸ້ມຄອງການຮຽນ-ການສອນ.
- ທ່ານ ນ. ປັດຕິຍາ ບານມະນີວົງ ພະນັກງານວິຊາການ ຂຶ້ນເປັນຮອງຫົວໜ້າພະແນກກວດກາລັດ ຂຶ້ນກັບກົມກວດກາ.
- ທ່ານ ປທ ນ. ພຸດສະດາພອນ ພົມມະວົງສາ ພະນັກງານວິຊາການ ຂື້ນເປັນຮອງຫົວໜ້າພາກວິຊາລັດ ແລະກົດໝາຍ ຂຶ້ນກັບຄະນະບໍລິຫານສາດ.
- ທ່ານ ປທ ຖາວອນ ພົມມະຈະລິນ ພະນັກງານວິຊາການ ຂຶ້ນເປັນຮອງຫົວໜ້າພາກວິຊາລັດທິສັງ ຄົມນິຍົມວິທະຍາສາດ ຂຶ້ນກັບຄະນະລັດທິສັງຄົມນິຍົມວິທະຍາສາດ.
ໃນໂອກາດດັ່ງກ່າວ ທ່ານປະທານໄດ້ໂອ້ລົມ ແລະໃຫ້ທິດຊີ້ນໍາທີ່ມີຄວາມໝາຍຄວາມສໍາຄັນຕໍ່ຄວາມຮຽກ ຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ ໃຫ້ຖືກຕ້ອງ ແລະສອດຄ່ອງກັບສະພາບເງື່ອນໄຂຕົວຈິງ ຂອງ ສມປຊ ສໍາລັບຜູ້ທີ່ໄດ້ພັກຮັບເງິນອຸດໜູນ ຂໍໃຫ້ສືບຕໍ່ພັດທະນາທາງບ້ານ ແລະຮັກສາສຸຂະພາບ, ພ້ອມທັງຮຽກ ຮ້ອງມາຍັງບັນດາທ່ານທີ່ຖືກແຕ່ງຕັ້ງ ຈົ່ງນຳພາວຽກງານຂອງຕົນທີ່ຮັບຜິດຊອບໃຫ້ມີປະສິດທິຜົນ ແລະຍົກສູງພາ ລະບົດບາດການນຳພາ-ຊີ້ນຳ ພາຍໃນກົມກອງຕົນເອງໃຫ້ມີຄວາມໜັກແໜ້ນເຂັ້ມແຂງ ແລະກວ້າງຂວາງ, ມີແບບ ແຜນວິທີການເຮັດວຽກ, ມີຄວາມຮັບຜິດຊອບຕໍ່ວຽກງານທີ່ອົງການຈັດຕັ້ງມອບໝາຍໃຫ້ ໂດຍສະເພາະການຈັດ ຕັ້ງປະຕິບັດໜ້າທີ່ວຽກງານໃຫ້ມີປະສິດທິຜົນສູງ, ສຶກສາອົບຮົມການເມືອງນຳພາແນວຄິດໃຫ້ເຂັ້ມແຂງ, ມີຄວາມສາມັກຄີພາຍໃນໃຫ້ແໜ້ນແຟ້ນ, ປັບປຸງແບບແຜນການນຳພາເຮັດວຽກລວມສູນປະຊາທິປະໄຕເປັນໝູ່ຄະນະ ແລະສໍາລັບຜູ້ທີ່ບໍ່ທັນຖືກແຕ່ງຕັ້ງກໍ່ຂໍໃຫ້ສືບຕໍ່ພັດທະນາຕົນເອງ ແລະປະຕິບັດໜ້າທີ່ຕາມຂັ້ນເທິງມອບໝາຍໃຫ້.
ພາບ/ຂ່າວ: ນ. ທິດດາວອນ ດວງປະເສີດ
ບັນນາທິການ: ປທ ວຽງສະຫວັນ ຈັນທະວີໄຊ