ເພື່ອເປັນການຄໍານັບຮັບຕ້ອນວັນສໍາຄັນຕ່າງໆ ຂອງພັກຂອງຊາດ ແລະຮັດແໜ້ນຄວາມສາມັກຄີ ຂອງພະນັກ ງານ-ສະມາຊີກພາຍໃນສາມອົງການຈັດຕັ້ງມະຫາຊົນ ໃຫ້ມີຄວາມໜັກແໜ້ນຂຶ້ນກວ່າເກົ່າ.
ໃນຕອນບ່າຍ ຂອງວັນທີ 17 ທັນວາ 2020 ຢູທີ່ເດີ່ນກີລາ ຂອງສະຖາບັນການເມືອງ ແລະການປົກຄອງແຫ່ງຊາດ ໄດ້ຈັດພິທີປິດການແຂ່ງຂັນກິລາປະເພດຕ່າງໆຂຶ້ນ. ໂດຍການເຂົ້າຮ່ວມເປັນປະທານຂອງ ສະຫາຍ ປອ ສາຍຄໍາ ມູນມະນີວົງ ຄະນະບໍລິຫານງານພັກ ຜູ້ຊີ້ນໍາອົງການຈັດຕັ້ງມະຫາຊົນ, ຮອງຫົວໜ້າ ຄະນະປັດຊະຍາ, ເປັນກຽດເຂົ້າຮ່ວມ ຂອງສະຫາຍ ປທ ນາງ ບຸມມີ ຈຸນລະຈັກ ຮອງເລຂາ ຄະນະບໍລິຫານງານພັກ ຮອງຫົວໜ້າ ສມປຊ, ມີບັນດາຄະນະບໍລິຫານງານທັງ 3 ອົງການຈັດຕັ້ງມະຫາຊົນ, ຄະນະກົມ, ນັກກິລາ ແລະຕາງໜ້ານັກສຶກສາທຸກຮຸ່ນທຸກລະບົບເຂົ້າຮ່ວມ.
ໃນພິທີ ສະຫາຍ ປອ ນາງ ລໍາພູນ ດວນສຸວັນ ປະທານສະຫະພັນແມ່ຍິງ ສມປຊ ໄດ້ຂຶ້ນຜ່ານບົດສະຫຼຸບຕິລາຄາຜົນງານການແຂ່ງຂັນກິລາ ເຊິ່ງປະເພດຂອງການແຂ່ງຂັນມີທັງໝົດ 5 ປະເພດກິລາຄື: ເຕະບານຊາຍ, ບານສົ່ງຍິງ-ບານສົ່ງຊາຍ, ເປຕັ່ງປະສົມຍິງ-ຊາຍ, ແລ່ນໄຖ່ປະສົມຍິງ-ຊາຍ ແລະດຶງເຊືອກປະສົມຍິງ-ຊາຍ ເຊິ່ງຜົນງານການແຂ່ງຂັນຕົວຈິງ ຂອງກີລາປະເພດຕ່າງໆມີຄື:
+ ກິລາບານເຕະຊາຍ:
- ທີ I ໄດ້ແກ່ທີມຮາກຖານຫ້ອງການ,
- ທີ II ໄດ້ແກ່ທີມຮາກຖານຄະນະລັດທິສັງຄົມນິຍົມວິທະຍາສາດ-ຄະນະເສດຖະສາດການເມືອງ ແລະຄຸ້ມຄອງເສດຖະກິດ,
- ທີ III ໄດ້ແກ່ທີມຮາກຖານຈັດຕັ້ງ-ກົມກວດກາ,
- ລາງວັນຊົມເຊີຍ ຮາກຖານກົມຄົ້ນຄວ້າວິທະຍາສາດ-ກົມຄຸ້ມຄອງການຮຽນ-ການສອນ.
+ ກິລາບານສົ່ງທີມຍິງ, ກີລາບານສົ່ງທີມຊາຍ:
– ທີ I ທີມຊາຍໄດ້ແກ່ຮາກຖານຄະນະລັດທິສັງຄົມນິຍົມວິທະຍາສາດ-ຄະນະເສດຖະສາດການເມືອງ ແລະຄຸ້ມ ຄອງເສດຖະກິດ; ທີມຍິງໄດ້ແກ່ຮາກຖານປັດຊະຍາ-ກໍ່ສ້າງພັກ-ປະຫວັດສາດພັກ,
– ທີ II ທີມຊາຍໄດ້ແກ່ຮາກຖານກົມຈັດຕັ້ງ-ກົມກວດກາ, ທີມຍິງໄດ້ແກ່ຮາກຖານສູນຂໍ້ມູນຂ່າວສານ-ສູນຄົ້ນຄວ້າແນວຄິດ ໄກສອນ ພົມວິຫານ,
– ທີ III ທີມຊາຍໄດ້ແກ່ຮາກຖານປັດຊະຍາ-ກໍ່ສ້າງພັກ-ປະຫວັດສາດພັກ, ທີມຍິງໄດ້ແກ່ຮາກຖານຫ້ອງການ.
– ລາງວັນຊົມເຊີຍ ຮາກຖານຫ້ອງການ, ຮາກຖານຄະນະລັດທິສັງຄົມນິຍົມວິທະຍາສາດ-ຄະນະເສດຖະສາດການເມືອງ ແລະຄຸ້ມຄອງເສດຖະກິດ.
+ ເປຕັ່ງປະສົມຍິງ-ຊາຍ:
- ທີ I ໄດ້ແກ່ທີມຮາກຖານຫ້ອງການ,
- ທີ II ຮາກຖານກົມຄົ້ນຄວ້າວິທະຍາສາດ-ກົມຄຸ້ມຄອງການຮຽນ-ການສອນ,
- ທີ III ຮາກຖານກົມຈັດຕັ້ງ-ກົມກວດກາ.
- ລາງວັນຊົມເຊີຍ ຮາກຖານສູນຂໍ້ມູນຂ່າວສານ-ສູນຄົ້ນຄວ້າແນວຄິດ ໄກສອນ ພົມວິຫານ.
+ ແລ່ນໄຖ່ປະສົມຍິງ-ຊາຍ:
- ທີ I ຮາກຖານປັດຊະຍາ-ກໍ່ສ້າງພັກ-ປະຫວັດສາດພັກ,
- ທີ II ຮາກຖານຫ້ອງການ,
- ທີ III ຮາກຖານກົມຈັດຕັ້ງ-ກົມກວດກາ.
+ ດຶງເຊືອກປະສົມຍິງ-ຊາຍ:
- ທີ I ຮາກຖານຫ້ອງການ,
- ທີ II ຮາກຖານສູນຂໍ້ມູນຂ່າວສານ-ສູນຄົ້ນຄວ້າແນວຄິດ ໄກສອນ ພົມວິຫານ,
- ທີ III ຮາກຖານຄະນະລັດທິສັງຄົມນິຍົມວິທະຍາສາດ-ຄະນະເສດຖະສາດການເມືອງ ແລະຄຸ້ມຄອງເສດຖະກິດ.
ຕອນທ້າຍຂອງພິທີ ສະຫາຍ ປອ ສາຍຄໍາ ມູນມະນີວົງ ຄະນະບໍລິຫານງານພັກ, ຜູ້ຊີ້ນໍາອົງການຈັດຕັ້ງມະຫາຊົນ, ຮອງຫົວໜ້າຄະນະປັດຊະຍາ ໄດ້ມີຄໍາເຫັນໂອ້ລົມຕໍ່ພິທີດັ່ງກ່າວ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການແຂ່ງຂັນກິລາໃນຄັ້ງນີ້ ເຊິ່ງສະແດງອອກໃນຄວາມມີນໍ້າໃຈຂອງນັກກີລາຂອງແຕ່ລະສະຫາຍ ເພື່ອຮັດແໜ້ນຄວາມສາມັກຄີ, ພ້ອມທັງຮຽກຮ້ອງໃຫ້ 3 ອົງການຈັດຕັ້ງມະຫາຊົນ ສືບຕໍ່ແລກປ່ຽນບົດຮຽນເຊິ່ງກັນ ແລະກັນຂອງນັກກິລາແຕ່ລະຮາກຖານ, ແຕ່ລະປະເພດກີລາ ເພື່ອຂຸດຄົ້ນຄວາມສາມາດບົ່ມຊ້ອນ ສືບຕໍ່ກ້າວຂຶ້ນໃນຕໍ່ໜ້າ.
[envira-gallery id=”2270″]
ຂຽນໂດຍ: ນັກສຶກສາປະລິນຍາຕີຮຸ່ນທີ XXIII ສາຍໂຄສະນາ
ຮູບພາບ: ນາງ ທິດດາວອນ ດວງປະເສີດ
ບັນນາທິການໂດຍ: ຄອນສະຫວັນ ແສນຍານຸພາບ.