ໃນວັນທີ 21 ກຸມພາ 2021 ເວລາ 07:00 ໂມງ, ຢູ່ທີ່ ສະໂມສອນໃຫຍ່ ສະຖາບັນການ ເມືອງ ແລະ ການປົກຄອງແຫ່ງຊາດ (ໜ່ວຍເລືອກຕັ້ງທີ 67 ເຂດບ້ານທ່າງ່ອນ), ໄດ້ເປີດພິທີປ່ອນບັດເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II, ໂດຍການນໍາພາ ຂອງທ່ານ ຮສ ພູວົງ ອຸ່ນຄໍາແສນ ກໍາມະການສູນກາງພັກ, ເລຂາຄະນະພັກ, ຫົວໜ້າ ສມປຊ, ມີຄະນະພັກ-ຄະນະນໍາ, ພະນັກ ງານ, ຄູ-ອາຈານ, ນັກສຶກສາບາງສ່ວນທີ່ມີເງື່ອນໄຂໃຊ້ສິດຢູ່ ສມປຊ ແລະພໍ່ແມ່ປະຊາຊົນບ້ານທ່າງ່ອນ ໄດ້ພ້ອມພຽງກັນມາໃຊ້ສິດຢ່າງເປັນຂະບວນຟົດຟື້ນ.
ໃນພິທີທ່ານ ປທ ຄົມວິກິດ ສົມມະລີວົງ ຮອງຫົວໜ້າຫ້ອງການ ສມປຊ, ທັງເປັນຫົວໜ້າຄະນະກຳມະການໜ່ວຍເລືອກຕັ້ງທີ 67 ເຂດບ້ານທ່າງ່ອນ, ໄດ້ກ່າວວ່າ: ໜ່ວຍປ່ອນບັດເລືອກຕັ້ງ ຂອງພວກເຮົາ ໄດ້ດໍາເນີນພິທີປ່ອນບັດເລືອກຕັ້ງຂຶ້ນຢ່າງເປັນທາງການ ເພື່ອເລືອກເອົາຕົວແທນແຫ່ງສິດ ແລະຜົນປະໂຫຍດອັນຊອບທໍາ ຂອງປະຊາຊົນບັນດາເຜົ່າ ໃຫ້ສອດຄ່ອງກັບຄວາມ ມຸ່ງມາດປາຖະໜາ ຂອງຜູ້ມີສິດເລືອກຕັ້ງ. ການເລືອກຕັ້ງຄັ້ງນີ້, ເປັນສິດ ແລະໜ້າທີ່ຂອງທຸກຄົນ ຕາມທີ່ໄດ້ກໍານົດໄວ້ ໃນລັດຖະທໍາມະນູນແຫ່ງ ສປປ ລາວ. ສະນັ້ນ, ສະເໜີໃຫ້ທຸກຄົນໄດ້ນໍາໃຊ້ສິດຂອງຕົນ ເພື່ອເລືອກເອົາຜູ້ທີ່ເຫັນວ່າມີຄວາມຮູ້, ຄວາມສາມາດໃນການເປັນປາກ, ເປັນສຽງແທນຕົນເອງ, ເປັນຕົວແທນແຫ່ງສິດ ແລະຜົນປະໂຫຍດອັນຊອບທໍາຂອງປະຊາຊົນ.
[envira-gallery id=”2709″]ຂ່າວ\ພາບ: ຕາອັອດ ແສນທະວີສຸກ
ບັນນາທິການ: ຄອນສະຫວັນ ແສນຍານຸພາບ