ເພື່ອເຮັດໃຫ້ການຈັດຕັ້ງເຄື່ອນໄຫວວຽກງານໃຫ້ໄປຕາມແຜນການທີ່ໄດ້ວາງໄວ້, ຄະນະຮັບຜິດຊອບການລົງກໍ່ສ້າງຮາກຖານການເມືອງ ຂອງສະຖາບັນໄດ້ແຕ່ງຕັ້ງ ແລະຈັດແບ່ງໜ່ວຍການລົງຝຶກງານ ຂອງນັກສຶກສາລະບົບປະລິນຍາຕີ ຮຸ່ນທີ 25 ຢູ່ກຸ່ມບ້ານ ເມືອງທຸລະ ຄົມ ແຂວງວຽງຈັນ, ເຊິ່ງແບ່ງອອກເປັນ 13 ໜ່ວຍ ເພື່ອລົງຝຶກງານກໍ່ສ້າງຮາກຖານຈໍານວນ 13 ບ້ານ. ໃນນັ້ນ: ປະກອບມີ: ອາຈານຊີ້ນໍາປະຈໍາແຕ່ລະບ້ານຈໍານວນ 13 ສະຫາຍ, ນາຍບ້ານຈໍານວນ 13 ສະຫາຍ ແລະນັກສຶກສາຈໍານວນ 119 ສະຫາຍ, ລວມທັງໝົດ 145 ສະຫາຍ. ເຊິ່ງໃນນັ້ນ ໜ່ວຍໜຶ່ງຈະປະກອບມີອາຈານຊີ້ນໍາ 1 ສະຫາຍ, ນາຍບ້ານ 1 ສະຫາຍ ແລະນັກສຶກສາສະເລ່ຍ 8-10 ສະຫາຍຕໍ່ໜ່ວຍ. ໃນແຕ່ລະໜ່ວຍກໍ່ໄດ້ແຕ່ງຕັ້ງຫົວໜ້າ ແລະຮອງເພື່ອນໍາພາ-ຊີ້ນໍາການເຄື່ອນໄຫວວຽກງານໃນ 4 ກຸ່ມວຽກຄື:ວຽກງານການເມືອງ, ວຽກງານເສດຖະກິດ, ວຽກງານວັດທະນະທໍາ-ສັງຄົມ ແລະວຽກປກຊ-ປກສ.ເຊິ່ງໄດ້ເລີ່ມແຕ່ວັນທີ 3 ພຶດສະພາຈົນເຖິງວັນທີ 15 ມິຖຸນາຈຶ່ງສຳເລັດ.
ສະນັ້ນ, ສະຖາບັນການເມືອງ ແລະ ການປົກຄອງແຫ່ງຊາດຈຶ່ງໄດ້ສະຫຼຸບການຈັດຕັ້ງປະຕິບັດການລົງກໍ່ສ້າງຮາກຖານການເມືອງຂອງນັກສຶກສາປະລິນຍາຕີຮຸ່ນທີ XXV ຢູ່ເມືອງທຸລະຄົມແຂວງວຽງຈັນໃນວັນທີ 24 ມິຖຸນາທີ່ສະໂມ ສອນ ສມປຊ ,ໂດຍການເຂົ້າຮ່ວມເປັນປະທານຂອງທ່ານປອດາວສະຫວັນເຄອມີໄຊຄະນະບໍລິຫານງານພັກ, ຮອງຫົວໜ້າ ສມປຊ, ພ້ອມດ້ວຍ ທ່ານປອ ນ. ໄກສອນ ຈັນສີນາ ຄະນະບໍລິຫານງານພັກ, ຫົວໜ້າກົມຄຸ້ມຄອງການຮຽນ-ການສອນ ແລະທ່ານ ບຸນເລີດ ສີຫາປັນຍາ ຮອງເລຂາພັກເມືອງ, ປະທານກວດກາ, ຮອງເຈົ້າເມືອງໆທຸລະຄົມ, ມີຕາງໜ້າຄະນະອຳ ນາດການປົກຄອງບ້ານ 13 ບ້ານ ແລະ ນັກສຶກສາປະລິນຍາຕີ ຮຸ່ນທີ XXV ເຂົ້າຮ່ວມຢ່າງພ້ອມພຽງ.
ທ່ານ ປທ ສີຈັນ ສູນດາລາ ຮອງຫົວໜ້າກົມຄຸ້ມຄອງການຮຽນ-ການສອນ ໄດ້ຜ່ານບົດສະຫຼຸບລາຍງານຜົນຂອງການຈັດຕັ້ງປະຕິບັດການລົງກໍ່ສ້າງຮາກຖານການເມືອງຂອງນັກສຶກສາປະລິນຍາຕີ ຮຸ່ນທີ XXV ຢູ່ເມືອງທຸລະຄົມ ແຂວງວຽງຈັນໂດຍອີງຕາມການຈັດຕັ້ງປະຕິບັດວຽກງານຕົວຈິງ ຂອງຄະນະທີມງານລົງກໍ່ສ້າງຮາກຖານການເມືອງ ໃນຈໍານວນ 13 ບ້ານ ເຫັນວ່າແຕ່ລະຄະນະໄດ້ເອົາໃຈໃສ່ຢ່າງຕັ້ງໜ້າປະກອບສ່ວນເຂົ້າໃນທຸກຂົງເຂດວຽກງານ ໂດຍສະເພາະແມ່ນປະຕິ ບັດຕາມ 4 ເນື້ອໃນ 4 ຄາດໝາຍ ຂອງຄໍາສັ່ງຂອງນາຍົກລັດຖະມົນຕີ, ສະບັບເລກທີ 34/ນຍ, ລົງວັນທີ 23/8/2016 ວ່າດ້ວຍທິດທາງ, ເປົ້າໝາຍ ແລະມາດຕະການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບ ດ້ານ, ສ້າງບ້ານເປັນຫົວໜ່ວຍພັດທະນາ ໂດຍສຸມໃສ່ປະຕິບັດວຽກງານການເມືອງ, ເສດຖະກິດ, ວັດທະນະທໍາ-ສັງຄົມ ແລະວຽກງານປ້ອງກັນຊາດ-ປ້ອງກັນຄວາມສະຫງົບ ແລະວຽກງານທີ່ປິ່ນອ້ອມຢ່າງເປັນຂະບວນຟົດຟື້ນ ແລະສາມາດຍາດໄດ້ຜົນສໍາເລັດຈໍານວນໜຶ່ງທີ່ໜ້າເພິ່ງພໍໃຈ, ເຊິ່ງມັນໄດ້ສະແດງອອກໃນການຈັດຕັ້ງເຊື່ອມຊຶມເຜີຍແຜ່ບັນດານິຕິກໍາ ແລະເອ ກະສານມູນເຊື້ອວັນສໍາຄັນຕ່າງໆ ເປັນຕົ້ນແມ່ນ: ເອກະສານສໍາຄັນຂອງພັກ-ລັດ, ລະບຽບ, ກົດໝາຍຂອງລັດ, ແຈ້ງການແລະຂໍ້ກຳນົດຕ່າງໆ ຂອງເມືອງ ແລະບ້ານດ້ວຍຮູບການປະກາດທາງໂທລະໂຄງ, ຈັດພິທີປາຖະກະຖາ, ເລົ່າມູນເຊື້ອ ແລະຈັດຕັ້ງນຳພາຂະບວນການຕົວຈິງຢູ່ພາຍໃນບ້ານໄດ້ທັງໝົດ 43 ຄັ້ງ, ມີຜູ້ເຂົ້າຮ່ວມທັງໝົດ 1471 ເທື່ອຄົນ, ຍິງ 753 ເທື່ອຄົນ. ຈັດຕັ້ງກອງປະຊຸມລວມກັບບັນດາຂະແໜງການຂອງບ້ານ 81 ຄັ້ງ, ຈຳນວນຜູ້ເຂົ້າຮ່ວມ 522 ເທື່ອຄົນ, ຍິງ 148ເທື່ອຄົນ, ປຸກລະດົມຂະບວນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ສະໜອງເອກະສານຈໍານວນໜຶ່ງໃນການເຜີຍແຜ່ບັນດາເນື້ອໃນ ແລະວິທີການເຮັດວຽກຂອງອຳນາດການປົກຄອງບ້ານ, ບັນດາເນື້ອໃນ ແລະວິທີການສຶກສາອົບ ຮົມມະຫາຊົນຜູ້ກ້າວໜ້າເພື່ອຂະຫຍາຍພັກ. ຊ່ວຍປັບປຸງກົງຈັກການຈັດຕັ້ງບ້ານ, ມີກົງຈັກໃນການນໍາພາ-ຄຸ້ມຄອງເປັນລະ ບົບເປັນຕົ້ນແມ່ນຫົວໜ້າຈຸ, ຫົວໜ້າໜວ່ຍ ໄດ້ຈໍານວນ 13 ບ້ານເພື່ອແນໃສ່ເຮັດໃຫ້ການເຄື່ອນໄຫວວຽກງານ ຢູ່ຂັ້ນບ້ານ ມີຄວາມສະດວກຂຶ້ນກວ່າເກົ່າ, ລົງເຄື່ອນໄຫວຕິດຕາມ-ກວດກາເວນຍາມ, ເກັບກໍາສະພາບການຕ່າງໆ ພາຍໃນບ້ານເປັນ ຕົ້ນແມ່ນການເຄື່ອນໄຫວຂອງຊາວໜຸ່ມ ແລະປະກົດການຫຍໍ້ທໍ້ອື່ນໆ ແລະໄດ້ຈັດຕັ້ງເຜີຍແຜ່ຜົນຮ້າຍຂອງຢາເສບຕິດໃຫ້ແກ່ຊາວໜຸ່ມ, ນັກຮຽນໄດ້ທັງໝົດ 9 ຄັ້ງ, ມີຜູ້ເຂົ້າຮ່ວມ 652 ຄົນ, ຍິງ 288 ຄົນ. ເຂົ້າຮ່ວມປ້ອງກັນເວນຍາມ, ຕິດ ຕາມສະພາບຂີ້ລັກງັດແງະຮ່ວມກັບບ້ານໄດ້ທັງໝົດ 13 ຄັ້ງ, ເຂົ້າຮ່ວມໄກ່ເກ່ຍປະກົດການຫຍໍ້ທໍ້ພາຍໃນບ້ານໄດ້ຈຳນວນ 43 ຄັ້ງ. ສົມທົບກັບອົງການປົກຄອງບ້ານຊ່ວຍປຸກລະດົມພໍ່ແມ່ປະຊາຊົນ ປະກອບສ່ວນເສຍເງິນບໍາລຸງເຂົ້າໃນວຽກງານ ປກສ-ປກຊ.
ຜ່ານການຕິດຕາມກວດກາແລະປະເມີນຜົນ ການຈັດຕັ້ງປະຕິບັດການລົງກໍ່ສ້າງຮາກຖານການເມືອງ ຂອງນັກສຶກສາ ໂດຍລວມແລ້ວເຫັນໄດ້ວ່າ ຢູ່ໃນລະດັບດີ ເຊິ່ງສະແດງອອກດັ່ງນີ້:
| ລ/ດ | ເນື້ອໃນການປະເມີນ | ຄະແນນສະເລ່ຍ | ປະເພດ |
| 1 | ການລົງນໍາພາ-ຊີ້ນໍາ, ຕິດຕາມ, ຊຸກຍູ້ຂອງຄະນະຮັບຜິດຊອບ ສະຖາບັນ ການເມືອງ ແລະ ການປົກຄອງແຫ່ງຊາດ | 3,88 | ດີ |
| 2 | ການລົງນໍາພາ-ຊີ້ນໍາ, ຕິດຕາມ ຊຸກຍູ້ ຂອງຄະນະຮັບຜິດຊອບເມືອງທຸລະຄົມ | 3,87 | ດີ |
| 3 | ກົນໄກປະສານງານ ລະຫວ່າງ ຄະນະຮັບຜິດຊອບ ເມືອງທຸລະຄົມ ແລະສມປຊ | 3,90 | ດີ |
| 4 | ກົນໄກປະສານງານ ລະຫວ່າງ ຄະນະບ້ານ, ອາຈານຊີ້ນໍາ ແລະນັກສຶກສາ | 3,86 | ດີ |
| 5 | ການເຄື່ອນໄຫວເຮັດວຽກຮ່ວມກັບ ຄູ-ອາຈານ ແລະນັກສຶກສາພາຍໃນບ້ານ | 3,79 | ດີ |
| 6 | ການເຄື່ອນໄຫວເຮັດວຽກງານຕ່າງໆ ຂອງນັກສຶກສາ | 3,75 | ດີ |
| 7 | ການເຄື່ອນໄຫວກິດຈະກໍາຕ່າງໆ ຂອງນັກສຶກສາ | 3,80 | ດີ |
| 8 | ການລົງກໍ່ສ້າງຮາກຖານການເມືອງ ຂອງນັກສຶກສາຄັ້ງນີ້ ໄດ້ມີການພັດທະນາ | 3,90 | ດີ |
| 9 | ອົງການປົກຄອງ ຂັ້ນບ້ານ ໄດ້ມີການພັດທະນາ | 3,85 | ດີ |
| 10 | ປະຊາຊົນພາຍໃນບ້ານມີຄວາມຮັບຮູ້, ເຂົ້າໃຈ ແລະໃຫ້ຄວາມສໍາຄັນຕໍ່ການລົງເຄື່ອນໄຫວ ກໍ່ສ້າງຮາກຖານ ຂອງນັກສຶກສາ ໃນຄັ້ງນີ້ | 3,90 | ດີ |
| 11 | ດ້ານຄວາມຮັບຮູ້ ໃນການເຄື່ອນໄຫວກໍ່ສ້າງຮາກຖານໃນຄັ້ງນີ້ | 3,75 | ດີ |
| 12 | ດ້ານທັກສະ ໃນການເຄື່ອນໄຫວລົງກໍ່ສ້າງຮາກຖານໃນຄັ້ງນີ້ | 3,70 | ດີ |
| 13 | ດ້ານການນໍາໃຊ້ທິດສະດີ ເຂົ້າໃນພຶດຕິກໍາຕົວຈິງ | 3,77 | ດີ |
| 14 | ດ້ານທັດສະທາງສັງຄົມ ໃນການລົງເຄື່ອນໄຫວກໍ່ສ້າງຮາກຖານໃນຄັ້ງນີ້ | 3,79 | ດີ |
| 15 | ການສະໜອງສິ່ງອໍານວຍຄວາມສະດວກຕ່າງໆ ແລະການຮ່ວມມື ຂອງບ້ານ | 3,85 | ດີ |
| 16 | ຜົນການໄດ້ຮັບໃນການເຄື່ອນໄຫວລົງກໍ່ສ້າງຮາກຖານການເມືອງໃນຄັ້ງນີ້ | 9,87 | ດີ |
ໃນພິທີ, ໄດ້ໄດ້ມອບໃບຍ້ອງຍໍ, ໃບຊົມເຊີຍຈາກສະຖາບັນການເມືອງ ແລະ ການປົກຄອງແຫ່ງຊາດໃຫ້ບັນດາຜູ້ປະກອບສ່ວນຊ່ວຍລົງຊຸກຍູ້, ຊ່ວຍເຫຼືອທາງດ້ານວັດຖຸ, ຈິດໃຈ ຕໍ່ຄະນະຮັບຜິດຊອບ ແລະຜູ້ອຸປະຖໍາຂອງເມືອງ ແລະບ້ານ ຈໍານວນ 31 ທ່ານ, ໃຫ້ຄະນະຄູ-ອາຈານ ຈໍານວນ 20 ທ່ານ ແລະນັກສຶກສາ, ນັກທຸລະກິດຈໍານວນ 125 ທ່ານ.
ທ່ານ ປອ ດາວສະຫວັນ ເຄືອມີໄຊໄດ້ໂອ້ລົມ ແລະໃຫ້ທິດຊີ້ນຳຕໍ່ກັບການຈັດຕັ້ງປະຕິບັດການລົງກໍ່ສ້າງຮາກຖານການເມືອງຂອງນັກສຶກສາປະລິນຍາຕີຮຸ່ນທີ XXV ຢູ່ເມືອງທຸລະຄົມແຂວງວຽງຈັນວ່າ: ເພື່ອເປັນການສືບຕໍ່ເສີມຂະຫຍາຍຜົນສຳເລັດ, ບົດຮຽນທີ່ຖອດຖອນໄດ້ໃນຄັ້ງນີ້ ຂ້າພະເຈົ້າຮຽກຮ້ອງມາຍັງຄະນະຮັບຜິດຊອບ ສືບຕໍ່ຄົ້ນຄວ້າຖອດໃຫ້ໄດ້ອັນດີທີ່ເປັນພື້ນຖານ, ບັນຫາຄົງຄ້າງທີ່ຈະຕ້ອງໄດ້ສືບຕໍ່ແກ້ໄຂ, ຊອກໃຫ້ເຫັນສາເຫດທີ່ແທ້ຈິງຂອງບັນຫາ; ຕີລາຄາໃຫ້ຊັດເຈນວ່າອັນທີ່ເຮົາໄດ້ຈາກບັ້ນລົງຮາກຖານຄັ້ງນີ້ແມ່ນຫຍັງແທ້? ອັນໃດທີ່ຕ້ອງລາຍງານໃຫ້ຄະນະພັກ, ຄະນະນໍາຊີ້ນຳແກ້ໄຂ ເພື່ອຈະເປັນພື້ນຖານເປັນຖານ ໃຫ້ແກ່ບັ້ນລົງຮາກຖານຂອງນັກສຶກສາ ໃນປີຕໍ່ໄປ.
ທ່ານໄດ້ກ່າວຕື່ມວ່າ: ຕາງໜ້າໃຫ້ແກ່ຄະນະພັກ, ຄະນະອຳນວຍການ ຂໍສະແດງ ຄວາມຂອບອົກຂອບໃຈຢ່າງສູງ ມາຍັງຄະນະພັກຄະນະປະຈຳພັກແຂວງວຽງຈັນ, ຄະນະພັກ, ອໍານາດການປົກຄອງ ເມືອງທຸລະຄົມ ຕະຫຼອດຮອດອໍານາດການປົກຄອງກຸ່ມບ້ານ ແລະບ້ານຈຳນວນ 13 ບ້ານ ທີ່ໄດ້ໃຫ້ການອູ້ມຊູຊ່ວຍເຫຼືອ ສ້າງເງື່ອນໄຂທຸກດ້ານຈົນເຮັດໃຫ້ບັ້ນລົງຮາກຖານໃນຄັ້ງນີ້ມີຜົນສຳເລັດເປັນຢ່າງສູງ.
ຂ່າວ: ຕາອັອດ ແສນທະວີສຸກ
ພາບ: ນ. ທິດດາວອນ ດວງປະເສີດ
ບັນນາທິການ: ປທ ບຸນປັນ ສຸມຸນທອງ