ການນໍາສະຖາບັນການເມືອງ ແລະ ການປົກຄອງແຫ່ງຊາດ ໄດ້ເດີນທາງພ້ອມດ້ວຍຄະນະ ໄປແຂວງອັດຕະປື ນໍາໂດຍ: ທ່ານ ປອ ດາວສະຫວັນ ເຄືອມີໄຊ ກໍາມະການຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະການປົກຄອງແຫ່ງຊາດ ໂດຍມີ 2 ຈຸດປະສົງຄື:
1). ໃນຕອນເຊົ້າຂອງວັນທີ 21 ກໍລະກົດ ຢູ່ທີ່ຫ້ອງປະຊຸມຂອງໂຮງຮຽນການເມືອງ ແລະ ການປົກຄອງແຂວງອັດຕະປືໄດ້ຈັດຕັ້ງພິທີພົບປະ ລະຫວ່າງ ການນໍາສະຖາບັນການເມືອງ ແລະການປົກຄອງແຫ່ງຊາດ ນໍາໂດຍ: ທ່ານ ປອ ດາວສະຫວັນ ເຄືອມີໄຊ ກໍາມະການຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ກັບພະນັກງານ, ຄູ-ອາຈານໂຮງຮຽນການເມືອງ ແລະ ການປົກຄອງແຂວງອັດຕະປື ໂດຍມີພະນັກງານ, ຄູ-ອາຈານເຂົ້າຮ່ວມທັງໝົດ 23 ທ່ານ ແລະ ຍິງ 10 ທ່ານ.
![](https://www.nappa.gov.la/wp-content/uploads/2022/07/06111b97-7492-4990-ba60-3d604e47f7a0-1024x407.jpg)
ໃນພິທີດັ່ງກ່າວໄດ້ຮັບຟັງການລາຍງານສະພາບລວມ, ຜົນສໍາເລັດ, ຂໍ້ຄົງຄ້າງ ແລະບາງຂໍ້ສະເໜີໂດຍຫຍໍ້ຈາກ ທ່ານ ປທ ບຸນປອນ ອ່ອນໄຊວຽງ ຫົວໜ້າໂຮງຮຽນການເມືອງ ແລະ ການປົກຄອງແຂວງອັດຕະປື ເຊິ່ງໄດ້ຍົກໃຫ້ເຫັນບາງເນື້ອໃນຄື: ໂຮງຮຽນການເມືອງ ແລະ ການປົກຄອງແຂວງອັດຕະປື ໄດ້ຮັບການສ້າງຕັ້ງຂຶ້ນໃນປີ 1997 ມີພາລະບົດບາດດໍາເນີນການຮຽນ-ການສອນທິດສະດີລະບົບ 45 ວັນ ແລະຊັ້ນຕົ້ນ. ມາຮອດປີ 2005 ໄດ້ດໍາເນີນການຮຽນ-ການສອນທິດສະດີຫຼັກສູດຊັ້ນກາງລະບົບ 15 ເດືອນເປັນຕົ້ນມາ; ປັດຈຸບັນໂຮງຮຽນແມ່ນໄດ້ຈັດຕັ້ງການຮຽນ-ການສອນທິດສະດີລະບົບ 10 ວັນ, 45 ວັນ, 3 ເດືອນ ແລະ 15 ເດືອນ ໃຫ້ແກ່ພະນັກງານນໍາພາຄຸ້ມຄອງຂອງ 5 ຕົວເມືອງພາຍໃນແຂວງ ແລະອ້ອມຂ້າງແຂວງ. ໂຮງຮຽນການເມືອງ ແລະ ການປົກຄອງແຂວງອັດຕະປືມີພະນັກງານ, ຄູ-ອາຈານທັງໝົດ 26 ທ່ານ, ຍິງ 13 ທ່ານ, ລະດັບວິຊາສະເພາະຈົບປະລິນຍາໂທ 4 ທ່ານ, ປະລິນຍາຕີ 18 ທ່ານ, ຊັ້ນສູງ 4 ທ່ານ, ຊັ້ນກາງ 1 ທ່ານ ແລະບໍ່ມີຊັ້ນ 2 ທ່ານ. ສໍາລັບລະດັບທິດສະດີຂອງຄູ-ອາຈານມີດັ່ງນີ້: ທິດສະດີຂັ້ນສູງມີ 6 ທ່ານ, ຂັ້ນກາງມີ 4 ທ່ານ, ຂັ້ນຕົ້ນມີ 1 ທ່ານ ແລະ 45 ວັນມີ 1 ທ່ານ (ຈໍານວນໜຶ່ງແມ່ນບໍ່ທັນໄດ້ຜ່ານ); ມີຄະນະໜ່ວຍພັກ 3 ສະຫາຍ ສະມາຊິກ 20 ສະຫາຍ, ຍິງ 9 ສະຫາຍ; ນອກນີ້ຍັງມີຄະນະອໍານວຍການ 4 ສະຫາຍ, ຍິງ 1 ສະຫາຍ. ການເຄື່ອນໄຫວຽກງານແມ່ນປະຕິບັດຕາມແຜນການ 1 ເດືອນ, 3 ເດືອນ, 6 ເດືອນ ແລະ 1 ປີ. ການຈັດຕັ້ງວຽກງານວິຊາການ ປີ 2021-2022 ມີນັກສຶກສາຈົບຊັ້ນກາງຈໍານວນ 52 ທ່ານ, ຊັ້ນຕົ້ນ 3 ເດືອນຈໍານວນ 51 ທ່ານ. ຄຽງຄູ່ກັບຜົນສໍາເລັດທີ່ຍາດມາໄດ້ນັ້ນ ແຕ່ຍັງມີຂໍ້ຄົງຄ້າງຈໍານວນໜຶ່ງເປັນຕົ້ນແມ່ນ: ຄວາມຮັບຮູ້ດ້ານທິດສະດີຂອງຄູ-ອາຈານຈໍານວນໜຶ່ງແມ່ນບໍ່ທັນເລິກເຊິ່ງ, ພຶດຕິກໍາຍັງບໍ່ທັນຫຼາກຫຼາຍ, ງົບປະມານຮັບໃຊ້ວຽກງານລວມຂອງໂຮງຮຽນຍັງມີຈໍາກັດ, ການດຶງດູດເອົາການຊ່ວຍເຫຼືອຈາກຕ່າງປະເທດ (ແຂວງແຮກສ່ຽວ ຈາກ ສສ ຫວຽດນາມ) ຍັງເຮັດບໍ່ທັນໄດ້ດີ, ອຸປະກອນຮັບໃຊ້ມີຄວາມເກົ່າແກ່ຫຼາຍ. ສໍາລັບທິດທາງໃນຕໍ່ໜ້າຈະສືບຕໍ່ການບໍາລຸງ-ກໍ່ສ້າງພະນັກ ງານທັງໄລຍະສັ້ນ ແລະໄລຍະຍາວໃຫ້ແກ່ນໍາພາຄຸ້ມຄອງພາຍໃນແຂວງ ກໍຄືແຂວງອ້ອມຂ້າງ, ສຶກສາອົບຮົມການເມືອງ-ແນວຄິດພະນັກງານ, ຄູ-ອາຈານໃຫ້ເປັນປົກກະຕິ, ສືບຕໍ່ເຝິກອົບຮົມທິດສະດີລັດທິມາກ-ເລນິນໃຫ້ພະນັກງານ, ຄູ-ອາຈານໃຫ້ເຂົ້າໃຈເລິກເຊິ່ງເຖິງຖອງນໍາພາອົງການຈັດຕັ້ງມະຫາຊົນໃຫ້ເຄື່ອນໄຫວໃຫ້ຖຶກຕ້ອງຕາມແນວທາງຂອງພັກ-ລັດວາງອອກໃຫ້ປະກົດຜົນເປັນຈິງ.
![](https://www.nappa.gov.la/wp-content/uploads/2022/07/6a49b7d5-4c7c-4f69-bdc5-1093cec717c0-1024x502.jpg)
ໃນພິທີຍັງໄດ້ຮັບຟັງຄໍາຄິດ, ຄໍາເຫັນຂອງພະນັກງານ, ຄູ-ອາຈານພາຍໃນໂຮງຮຽນ ກ່ຽວກັບບາງຂໍ້ຫຍຸ້ງຍາກໃນການຮຽນ-ການສອນ ເຊັ່ນ: ຄວາມເປັນເອກະພາບ ໃນການຈັດຕັ້ງປະຕິບັດການເປີດຊຸດຮຽນຍັງບໍ່ທັນມີຄວາມຕໍ່ເນື່ອງ, ການປະເມີນຄູ-ອາຈານສອນ ຢູ່ໂຮງຮຽນການເມືອງ ແລະ ການປົກຄອງແຂວງ ຍັງບໍ່ທັນມີນິຕິກໍາອ້າງອີງ, ການຂຽນວາລະສານ ແລະສະເໜີຂໍເຂົ້າຮ່ວມການຝຶກອົບຮົມຕ່າງໆທີ່ ສມປຊ ຈັດຂຶ້ນ…
ໃນຕອນທ້າຍຂອງພິທີ ໄດ້ຮັບຟັງການໂອ້ລົມຈາກ ທ່ານ ປອ ດາວສະຫວັນ ເຄືອມີໄຊ ເຊິ່ງໄດ້ເນັ້ນໜັກໃຫ້ຄູ-ອາຈານໃນໂຮງຮຽນເອົາໃຈໃສ່ສຶກສາຄົ້ນຄວ້າເອກະສານຂອງພັກ, ກໍາໃຫ້ໄດ້ສະ ພາບການຂອງໂລກ ກໍຄືສະພາບລວມພາຍໃນປະເທດເປັນຕົ້ນແມ່ນບັນຫາການຂາດແຄນພະລັງ ງານ, ວິກິດການດ້ານອາຫານ, ໄພເງິນເຟີ້ ໃຫ້ສາມາດອະທິບາຍຊີ້ແຈງເຫດຜົນຂອງບັນຫາເພື່ອນໍາມາສຶກສາອົບຮົມການເມືອງ-ແນວຄິດໃຫ້ແກ່ພະນັກງານ, ຄູ-ອາຈານ ແລະນັກສຶກສາ ໃຫ້ເຊື່ອໝັ້ນ; ທ່ານຍັງໄດ້ໃຫ້ທິດຊີ້ນໍາຕື່ມວ່າຢາກເຮັດໄດ້ຄືແນວນັ້ນຕ້ອງພ້ອມກັນປະຕິບັດດັ່ງນີ້:
ໜຶ່ງ, ຄວນມີການຫັນປ່ຽນຢ່າງຕັ້ງໜ້າດ້ານເນື້ອໃນຫຼັກສູດ ອັນທີ່ບໍ່ສອດຄ່ອງໂດຍສັງລວມແລ້ວສະເໜີຫາສະຖາບັນພິຈາລະນາ, ການສິດສອນຄວນຄວບຄູ່ກັບພຶດຕິກໍາ, ໃນການຂຶ້ນຫ້ອງຕ້ອງເປັນຊ່ຽວຊານໃນບົດນັ້ນຢາກເຮັດໄດ້ຕ້ອງອ່ານຫຼາຍຄົ້ນຄວ້າໃຫ້ຫຼາຍ, ການສຶກສາອົບຮົມຄວນເຮັດຢ່າງໜັກແໜ້ນ ໄປລວງດຽວກັນຕາມແນວທາງ ແລະເປັນປົກກະຕິຕໍ່ເນື່ອງ.
ສອງ, ວຽກງານການຄົ້ນຄວ້າວິທະຍາສາດ ສມປຊ ໄດ້ສະໜອງບັນດານິພົນຕ່າງໆແລ້ວສໍາລັບການຂຽນບົດວິທະຍາສາດ, ວາລະສານ ແຕ່ລະປີເພື່ອໃຫ້ມີຄຸນນະພາບອາດສ້າງເປັນຫົວຂໍ້ສະເພາະແລ້ວເຊີນອາຈານ ສມປຊ ມາຝຶກອົບຮົມໃຫ້; ນອກນີ້ຍັງໄດ້ແນະນໍາໃຫ້ຄູ-ອາຈານເອົາໃຈໃສ່ເຄື່ອນໄຫວວຽກງານຮອບດ້ານໃຫ້ເປັນແບບຢ່າງແກ່ພາກ ສ່ວນອື່ນໆ.
2). ໃນຕອນເຊົ້າຂອງວັນທີ 22 ກໍລະກົດ ຢູ່ທີ່ສະໂມສອນຂອງໂຮງຮຽນການເມືອງ ແລະການປົກຄອງແຂວງອັດຕະປື ໄດ້ຈັດຕັ້ງກອງປະຊຸມສໍາມະນາວິທະຍາສາດຫົວຂໍ້: ກໍ່ສ້າງໂຮງຮຽນການ ເມືອງ ແລະການປົກຄອງແຂວງ ໃຫ້ກາຍເປັນໂຮງຮຽນພັດທະນາທີ່ມີຄຸນນະພາບ ໂດຍການເປັນປະທານຮ່ວມ ຂອງ ທ່ານ ບຸນຮຽນ ແກ້ວບົວພາດ ຄະນະປະຈໍາພັກ, ຮອງເລຂາພັກແຂວງ, ຜູ້ຊີ້ນໍາວຽກງານແນວຄິດທິດສະດີຂັ້ນແຂວງອັດຕະປື, ທ່ານ ປອ ດາວສະຫວັນ ເຄືອມີໄຊ ກໍາມະການຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ທ່ານ ປທ ບຸນປອນ ອ່ອນໄຊວຽງ ຫົວໜ້າໂຮງຮຽໜການເມືອງ ແລະການປົກຄອງແຂວງອັດຕະປື.
![](https://www.nappa.gov.la/wp-content/uploads/2022/07/517f0783-400a-4035-a757-c1e0422593af-1024x550.jpg)
ໃນກອງປະຊຸມມີແຂກຮັບເຊີນຈາກຄະນະໂຄສະນາອົບຮົມແຂວງ, ຫ້ອງວ່າການປົກຄອງແຂວງ, ບັນດາຄະນະອໍານວຍການຂອງໂຮງຮຽນການເມືອງ ແລະການປົກຄອງແຂວງອັດຕະປື, ແຂວງຈໍາປາສັກ, ແຊວງສາລະວັນ, ແຂວງເຊກອ ງ, ແຂວງສະຫວັນນະເຂດ ແລະແຂວງຄໍາມ່ວນ; ພ້ອມດ້ວຍພະນັກງານ, ຄູ-ອາຈານຈາກ ສມປຊ ແລະໂຮງຮຽນການເມືອງ ແລະການປົກຄອງແຂວງອັດຕະປື ໂດຍມີພະນັກງານ, ຄູ-ອາຈານເຂົ້າຮ່ວມທັງມົດ 39 ທ່ານ, ຍິງ 13 ທ່ານ.
ໃນພິທີແມ່ນໄດ້ກ່າວເປີດກອງປະຊຸມໂດຍ: ທ່ານ ບຸນຮຽນ ແກ້ວບົວພາດ ຄະນະປະຈໍາພັກ, ຮອງເລຂາພັກແຂວງ, ຜູ້ຊີ້ນໍາວຽກງານແນວຄິດທິດສະດີຂັ້ນແຂວງ. ທ່ານ ປທ ບຸນປອນ ອ່ອນໄຊວຽງ ໄດ້ກ່າວຕ້ອນຮັບແຂກພ້ອມທັງຍົກໃຫ້ເຫັນຄວາມຈໍາເປັນ ແລະຄວາມສໍາຄັນຂອງການຈັດຕັ້ງກອງປະຊຸມສໍາມະນາວິທະຍາສາດຄັ້ງນີ້; ພ້ອມກັນນັ້ນ ທ່ານ ປອ ດາວສະຫວັນ ເຄືອມີໄຊ ກໍາມະການຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະການປົກຄອງແຫ່ງຊາດ ກໍໄດ້ນໍາພາບັນຊາກອງປະຊຸມໃນການຜ່ານບົດວິທະຍາສາດ, ການຕັ້ງບັນຫາເຈາະຈິ້ມ ກ່ຽວກັບເນື້ອໃນບົດ ແລະການປະກອບຄໍາເຫັນຂອງບັນດາຜູ້ເຂົ້າຮ່ວມ.
![](https://www.nappa.gov.la/wp-content/uploads/2022/07/88254416-e60d-49f7-9b5b-fff5f9e2cf93-1024x401.jpg)
ພາຍໃນກອງປະຊຸມ ແມ່ນໄດ້ຮັບຟັງການລາຍງານບົດວິທະຍາສາດໂດຍສັງເຂບ ຈາກບັນດາຄະນະອໍານວຍການຂອງໂຮງຮຽນການເມືອງ ແລະການປົກຄອງແຂວງອັດຕະປື, ແຂວງເຊກອງ, ແຂວງຈໍາປາສັກ, ແຂວງສາລະວັນ, ແຂວງສະຫວັນນະເຂດ ແລະແຂວງຄໍາມ່ວນ ຫົວຂໍ້: ສຶກສາອົບຮົມແນວຄິດທິດສະດີຂອງພັກ ໃຫ້ແກ່ພະນັກງານ, ຄູ-ອາຈານຢູ່ໂຮງຮຽນການເມືອງ ແລະການປົກຄອງແຂວງອັດຕະປື, ເພີ່ມທະວີຄວາມສາມັກຄີເປັນປຶກແຜ່ນຂອງພະນັກ ງານ, ຄູ-ອາຈານຢູ່ໂຮງຮຽນການເມືອງ ແລະການປົກຄອງແຂວງເຊກອງ, ພັດທະນາພື້ນຖານໂຄງລ່າງຢູ່ໂຮງຮຽນການເມືອງ ແລະການປົກຄອງແຂວງຈໍາປາສັກໃຫ້ບັນລຸມາດຖານໂຮງຮຽນພັດທະນາທີ່ມີຄຸນນະພາບ, ພັດທະນາສິ່ງ ແວດລ້ອມຕາມທິດຍືນຍົງ ຢູ່ໂຮງຮຽນການເມືອງ ແລະການປົກຄອງ ແຂວງສາລະວັນ, ສ້າງການຫັນປ່ຽນຢ່າງແຂງ ແຮງໃນການກໍ່ສ້າງ, ບໍາລຸງສ້າງຄູ-ອາຈານ ໂຮງຮຽນການເມືອງ ແລະການປົກຄອງແຂວງສະຫວັນນະເຂດຕາມມາດ ຕະຖານ ຂອງການສຶກສາຊັ້ນສູງ, ເພີ່ມທະວີການນໍາພາ ຂອງອົງຄະນະພັກແຂວງຄໍາມ່ວນ ສ້າງໂຮງຮຽນພັດທະນາ ຢູ່ໂຮງຮຽນການເມືອງ ແລະການປົກຄອງແຂວງຄໍາມ່ວນ.
ໃນພິທີຍັງໄດ້ຜັດປ່ຽນກັນປະກອບຄໍາເຫັນ ຕາມຄໍາເຫັນເຈາະຈິ້ມຂອງທ່ານ ປອ ດາວສະຫວັນ ເຄືອມີໄຊ ໃນ 4 ບັນຫາໃຫຍ່ຄື: ຄວາມຮັບປະກັນໃນໂຄງສ້າງຂອງບົດ, ເນື້ອໃນບົດສາມາດຕອບສະໜອງໄດ້ຕາມມາດຖານຂອງຫົວຂໍ້ບໍ, ບ່ອນອີງດ້ານວິທະຍາສາດມີບໍ, ບົດຮຽນຂອງແຕ່ລະແຂວງມີບໍ. ບັນດາຄໍາເຫັນແລກປ່ຽນລ້ວນແຕ່ມີຄວາມຮັດກຸມ ແນໃສ່ສ້າງຄວາມກະຈ່າງແຈ້ງໃນແຕ່ລະບັນຫາ.
ເພື່ອເປັນທິດໃນການປັບປຸງບົດ ທ່ານ ປອ ດາວສະຫວັນ ເຄືອມີໄຊ ໄດ້ໃຫ້ຄໍາເຫັນວ່າ: ບັນດາບົດວິທະຍາ ສາດຄວນໄດ້ເບິ່ງຄືນບາງດ້ານຄື: ໂຄງສ້າງຂອງບົດຄວນຍົກຄວາມຈໍາເປັນໃນການຄົ້ນຄວ້າບັນຫາດັ່ງກ່າວ, ຮູບແບບ ແລະເນື້ອໃນການຈັດຕັ້ງປະຕິບັດ; ບາງບົດເນື້ອໃນອຸດົມສົມບູນ ແຕ່ຄວນຈັດໃຫ້ເປັນລະບົບຕື່ມ ສິ່ງສໍາຄັນຄວນຍົກໃຫ້ເຫັນສະພາບຄວາມເປັນຈິງຂອງໂຮງຮຽນກ່ຽບກັບບົດຮຽນທີ່ສາມາດເຮັດໄດ້ ແລະຂໍ້ຄົງຄ້າງທີ່ເປັນສາເຫດຕົ້ນຕໍເຮັດໃຫ້ບໍສາມາດປະຕິບັດວຽກງນສໍາເລັດຜົນໄດ້; ສໍາລັບທິດທາງຄວນຍົກເປັນຂໍ້ສະເໜີໃນການຈັດຕັ້ງປະຕິບັດວຽກງານ ນັ້ນໆ ຕິດພັນກັບການແກ້ໄຂຂໍ້ຄົງຄ້າງຕ່າງໆທີ່ສະເໜີມາ ແລະມີຄວາມສາມາດໃນການຈັດຕັ້ງປະຕິບັດ ເພື່ອເຮັດໃຫ້ໂຮງຮຽນການເມືອງ ແລະການປົກຄອງແຂວງ ກາຍເປັນໂຮງຮຽນພັດທະນາທີ່ມີຄຸນນະພາບດີຂຶ້ນເລື້ອຍໆ.
ໃນຕອນທ້າຍກອງປະຊຸມ ຍັງໄດ້ໄດ້ມອບປຶ້ມຜົນງານການຄົ້ນຄວ້າວິທະຍາສາດທີ່ແຂວງສະຫວັນນະເຂດເປັນເຈົ້າພາບກອງປະຊຸມຊຸດກ່ອນໃຫ້ແຂວງອັດຕະປື, ແຂວງຈໍາປາສັກ, ແຂວງສາລະວັນ, ແຂວງເຊກອງ ແລະແຂວງຄໍາມ່ວນ. ນອກນີ້, ຍັງມີພິທີການຈັບມືມອບຄວາມເປັນເຈົ້າພາບຈັດກອງປະຊຸມໃນປີ 2023 ໃຫ້ແກ່ໂຮງຮຽນການ ເມືອງ ແລະການປົກຄອງແຂວງຄໍາມ່ວນ.
ຂ່າວ/ພາບ: ປທ ນ. ຍຸຍທອງ ສົມແພງພັນ
ບັນນາທິການ: ປທ ບຸນປັນ ສຸມຸນທອງ