ການເຄື່ອນໄຫວ ລົງກໍ່ສ້າງຮາກຖານການເມືອງໆ ສັງທອງ, ນະຄອນຫຼວງວຽງຈັນ ຂອງນັກຄົ້ນຄວ້າ ປະລິນຍາໂທ ຮຸ່ນທີ XVIII

ຫຼັງຈາກເປີດພິທີບັ້ນລົງກໍ່ສ້າງຮາກຖານການເມືອງຂອງນັກຄົ້ນຄວ້າປະລິນຍາໂທຮຸ່ນທີ XVIII ໃນວັນທີ 1 ກຸມພາ 2023 ນັກຄົ້ນຄວ້າຮຸ່ນດັ່ງກ່າວໄດ້ເຄື່ອນໄຫວວຽກງານລົງກໍ່ສ້າງຮາກຖານໃນ 14 ກຸ່ມບ້ານໃນໄລຍະເວລາທັງໝົດ 20 ວັນ (1 ກຸມພາ 2023-20 ກຸມພາ 2023), ຊຶ່ງຫາກໍ່ໄດ້ 10 ວັນ ເຫັນວ່ານັກຄົ້ນຄວ້າປະລິນຍາໂທ ຮຸ່ນທີ XVIII ໄດ້ວາງແຜນການເຄື່ອນໄຫວປະສານສົມທົບກັບຄະນະບ້ານລົງສູ່ບ້ານຮາກຖານທີ່ຕົນຮັບຜິດຊອບ, ປະສານສົມທົບກັບຄະນະບ້ານເພື່ອສ້າງແຜນການເຄື່ອນໄຫວປະຈໍາອາທິດຕາມ 4 ເນື້ອໃນ 4 ຄາດໝາຍ ກໍ່ຄື 4 ກຸ່ມວຽກໃຫຍ່ຄື: ວຽກງານການເມືອງ, ວຽກງານ ປກສ-ປກຊ, ວຽກງານເສດຖະກິດ, ວຽກງານວັດທະນະທຳ-ສັງຄົມ ແລະແຜນລວມຂອງສະຖາບັນ, ຈາກນັ້ນກໍ່ໄດ້ຫັນເປັນແຜນວຽກລະອຽດ ໃນການຈັດຕັ້ງປະຕິບັດເປັນລາຍວັນ ແລະເປັນລາຍອາທິດຊຶ່ງມີດັ່ງນີ້: ໄດ້ຜ່ານການປະຊຸມຮ່ວມກັບຄະນະ, ອຳນາດການປົກຄອງຂອງບ້ານ ແຈ້ງຈຸດປະສົງໃຫ້ການຈັດຕັ້ງຂອງບ້ານໄດ້ຮັບຊາບ ແລະຮັບຟັງການລາຍງານສະພາບການລວມຂອງບ້ານໃນການຈັດຕັ້ງ ແລະການເຄື່ອນໄຫວບັນດາໜ້າວຽກໃນໄລຍະທີ່ຜ່ານມາ ແລະໄດ້ປຶກສາຫາລືຮ່ວມກັບນັກສຶກສາທີ່ລົງກໍ່ສ້າງຮາກຖານ ໃນການເຮັດວຽກຮ່ວມກັບຄະນະບ້ານ ໃນຮ່າງສະຖິຕິໃຫ້ບັນດາໜ່ວຍງານຂອງບ້ານເພື່ອເກັບກຳສັງລວມສະຖິຕິໃນແຕ່ລະກຸ່ມວຽກ ພ້ອມທັງໄດ້ມີການໂຄສະນາເຜີຍແຜ່ເຊື່ອມຊືມນິຕິກຳຕ່າງໆ ຂອງຂັ້ນເທິງ, ປຸກ ລະດົມຊຸກຍູ້ໃຫ້ປະຊາຊົນພັດທະນາຄອບຄົວໃຫ້ຮັ່ງມີເຂັ້ມແຂງ, ໃຫ້ມີສ່ວນຮ່ວມໃນການປະກອບພັນທະຕໍ່ພັກ-ລັດ ແລະສ້າງຂະບວນການອອກແຮງງານອານາໄມລວມຢ່າງເປັນປົກກະຕິ.

ສະຫຼຸບລວມແລ້ວ ຜ່ານໄລຍະເວລາ 10 ວັນ ເຫັນໄດ້ວ່າ: ນັກຄົ້ນຄວ້າ ປະລິຍາໂທ ຮຸ່ນທີ XVIII ໄດ້ມີຜົນສຳເລັດຫຼາຍດ້ານໃນການລົງກໍ່ສ້າງຮາກຖານການເມືອງໆ ສັງທອງ ນະຄອນຫຼວງວຽງຈັນ, ສາມາດຕອບສະໜອງວຽກງານການເມືອງໃຫ້ຄະນະບ້ານ ຕະຫຼອດຮອດພໍ່ແມ່ປະຊາຊົນ ແລະສອດຄ່ອງກັບ 4 ເນື້ອໃນ 4 ຄາດໝາຍ ຂອງພັກວາງອອກຢ່າງເຂັ້ມງວດເຮັດໃຫ້ປະຊາຊົນມີຄວາມຕື່ນຕົວເຂົ້າຮ່ວມປະຕິ ບັດແນວທາງຂອງພັກ-ລັດ, ແນວທາງການນຳພາຂອງຄະນະພັກບ້ານ, ເປັນເຈົ້າການທໍາການຜະລິດພັດທະນາເສດຖະກິດຄອບຄົວຕົນເອງຕາມທ່າແຮງຄວາມສາມາດແຕ່ລະຄອບຄົວ. ຊຶ່ງຜົນສຳເລັດໃນ 10 ວັນດັ່ງກ່າວ, ຍ້ອນໄດ້ຮັບການຕິດຕາມ, ກວດກາ ແລະຊຸກຍູ້ຂອງ ຄະນະອຳນວຍການ ສມປຊ ຕະຫຼອດຮອດພາກສ່ວນຕ່າງໆທີ່ກ່ຽວຂ້ອງ.

ປະມວນຮູບພາບການເຄື່ອນໄຫວຂອງ ນັກຄົ້ນຄວ້າ ປະລິນຍາໂທ ຮຸ່ນທີ XVIII

ບ້ານ ຫີນລັບ