ໃນຕອນເຊົ້າຂອງວັນທີ 3 ເມສາ 2023 ທີ່ຫ້ອງປະຊຸມຂອງເມືອງວຽງພູຄາແຂວງຫຼວງນໍ້າທາໄດ້ຈັດພິທີເປີດການຝຶກອົບຮົມທິດສະດີການເມືອງ-ການປົກຄອງລະບົບ 10 ວັນຊຸດທີ III ໃຫ້ເລຂາພັກບ້ານ, ນາຍບ້ານ ໃນຄັ້ງນີ້ມີຈຳນວນທັງໝົດ 43 ທ່ານ, ຍິງ 6 ທ່ານ ຢູ່ເມືອງວຽງພູຄາ ແຂວງຫຼວງນໍ້າທາ. ກໍເພື່ອເປັນການຈັດຕັ້ງປະຕິບັດຕາມເນື້ອໃນ ຂອງກອງປະຊຸມໃຫຍ່ຂອງພັກໃນແຕ່ລະໄລຍະໃຫ້ປະກົດຜົນເປັນຈິງເທື່ອລະກ້າວ. ໃຫ້ກຽດ ເປັນປະທານໂດຍ: ທ່ານ ປທ ຄຳຟອງ ລາດຊະພົນ ຮອງເລຂາໜ່ວຍພັກ, ຮອງຫົວໜ້າໂຮງຮຽນການເມືອງ ແລະການປົກຄອງແຂວງ. ມີ ທ່ານ ຕຽງສະໝອນ ພອນປະເສີດ ກຳມະການປະຈຳພັກແຂວງ, ເລຂາພັກເມືອງ, ເຈົ້າເມືອງ ເມືອງວຽງພູຄາ ແຂວງຫຼວງນໍ້າທາກໍເປັນກຽດເຂົ້າຮ່ວມ; ພ້ອມດ້ວຍບັນດາທ່ານທີ່ເປັນຄະນະຮັບຜິດຊອບການເຝິກອົບຮົມໃນຄັ້ງນີ້, ມີຕົວແທນມາຈາກ ຫ້ອງວ່າການເມືອງ, ໂຄສະນາອົບຮົມເມືອງ, ຄະນະຈັດຕັ້ງເມືອງ, ອົງການຈັດຕັ້ງມະຫາຊົນອ້ອມຂ້າງພາຍໃນເມືອງ, ຕະຫຼອດຮອດພະນັກງານ, ຄູ-ອາຈານ ແລະນັກເຝິກອົບຮົມເຂົ້າຮ່ວມຢ່າງພ້ອມພຽງ.
ຫຼັງຈາກນັ້ນ, ທ່ານ ປທ ແສງ ເຊືອຍສົມບັດ ຫົວໜ້າຂະແໜງວິຊາການ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດການຮຽນ-ການສອນ. ໂຮງຮຽນພວກເຮົາເລີ່ມຈັດຕັ້ງປະຕິບັດໂຄງການຫຼັກສູດການຮຽນ-ການສອນໃຫ້ນັກເຝິກອົບຮົມທິດສະດີການເມືອງ-ການປົກຄອງໂຄງການຫຼັກສູດ 10 ວັນ ຊຸດທີ III ເມືອງວຽງພູຄາ ແຕ່ວັນທີ 3 ເມສາ 2023 ເປັນຕົ້ນມາໄດ້ສຳເລັດການຮຽນ-ການສອນໃນວັນທີ14ເມສາ 2023. ສ່ວນເນື້ອໃນບົດຮຽນລວມມີ 03 ພາກວິຊາຮຽນມີ 19 ບົດ, ມີ 87 ຊົ່ວໂມງເທົ່າກັບ 4,68 ໜ່ວຍກິດ. ພວກເຮົາໄດ້ຈັດຕັ້ງປະຕິບັດຕົວຈິງຊຶ່ງມີລາຍລະອຽດດັ່ງນີ້:
| ລໍາດັບ | ວິຊາຮຽນ | ຈໍານວນບົດ | ຊົ່ວໂມງ |
| 01 | ພາກທີ 1: ທິດທາງລວມ | 4 ບົດ | 18 ຊົ່ວໂມງ |
| 02 | ພາກທີ 2: ວຽກງານພັກ | 7 ບົດ | 25 ຊົ່ວໂມງ |
| 03 | ພາກທີ 3: ວຽກງານບໍລິຫານ ແລະການປົກຄອງ | 8 ບົດ | 32 ຊົ່ວໂມງ |
| ລວມ: | 19 ບົດ | 75 ຊົ່ວໂມງ |
– ໃນນີ້, ໂຮງຮຽນການເມືອງ ແລະການປົກຄອງແຂວງໄດ້ນຳໃຊ້ຄູ-ອາຈານພາຍໃນຂຶ້ນຫ້ອງສິດສອນ 100%.
– ຄູ-ອາຈານແຕ່ລະສະຫາຍກໍມີຄວາມພະຍາຍາມຄົ້ນຄ້ວາ, ແຕ່ງບົດສອນ, ຂຶ້ນຫ້ອງສິດສອນ, ອະທິບາຍດ້ານທິດສະດີ ແລະສົມທຽບພຶດຕິກຳເຮັດໃຫ້ນັກເຝິກອົບຮົມມີຄວາມເຂົ້າໃຈໄດ້ດີສົມຄວນ.
– ບັນດານັກເຝິກອົບຮົມກໍ່ໄດ້ມີຄວາມພະຍາຍາມຕັ້ງໃຈຂຶ້ນຫ້ອງ, ຄົ້ນຄ້ວາ-ຮ່ຳຮຽນ, ປະຕິບັດກົດລະບຽບຂອງການຮຽນ ແລະໄດ້ປະກອບຄຳຄິດ-ຄຳເຫັນແລກປ່ຽນສົນທະນາບົດຮຽນນໍາກັນຢ່າງມີບັນຍາກາດຟົດຟື້ນພໍສົມຄວນ.
– ຈາກການຄົ້ນຄ້ວາຮ່ຳຮຽນດັ່ງກ່າວ, ພວກເຮົາກໍໄດ້ຈັດຕັ້ງການປະເມີນຄວາມຮັບຮູ້ຂອງນັກເຝິກອົບຮົມເພື່ອປະເມີນຜົນການຮຽນ-ການສອນ ແລະເປັນການວັດແທກຄວາມຮັບຮູ້ຂອງນັກເຝິກອົບຮົມຊຶ່ງສະແດງອອກດັ່ງນີ້: ດີເລີດກວມ 85,25%, ດີຫຼາຍ14,75%ລື່ນຄາດໝາຍຂອງແຜນການທີ່ວາງໄວ້ 5,25%.
ໃນຕອນທ້າຍ; ທ່ານ ຕຽງສະໝອນ ພອນປະເສີດ ກຳມະການປະຈຳພັກແຂວງ, ເລຂາພັກເມືອງ, ເຈົ້າເມືອງ ເມືອງວຽງພູຄາ ແຂວງຫຼວງນໍ້າທາ; ໄດ້ໃຫ້ກຽດໂອ້ລົມຕໍ່ພິທີເປີດຊຸດຮຽນ ຊຶ່ງທ່ານໄດ້ຮຽກຮ້ອງໃຫ້ນັກເຝິກອົບຮົມຈົ່ງພ້ອມກັນສູ້ຊົນໃຫ້ສຳເລັດຕາມລະດັບຄາດໝາຍ ທີ່ທາງໂຮງຮຽນໄດ້ວາງໄວ້. ການຄົ້ນຄວ້າຮ່ຳຮຽນທິດສະດີການເມືອງ-ການປົກຄອງໃນຄັ້ງບັນດານັກເຝິກອົບຮົມຕ້ອງຖືເປັນສຳຄັນ ແລະໝູນໃຊ້ເຂົ້າໃນການນໍາພາ-ຊີ້ນໍາວຽກງານຕົວຈິງໃຫ້ແກ່ສະມາຊິກພາຍໃນບ້ານຂອງຕົນໃຫ້ມີປະສິດທິຜົນຂຶ້ນໄປເລື້ອຍໆ.
ຂ່າວ/ພາບ: ປທ ນ. ມະນີລາ ແກ້ວລະກໍາ
ບັນນາທິການ: ປທ ບຸນປັນ ສຸມຸນທອງ