ເພື່ອເປັນການຂຳ່ນັບຊົມເຊີຍວັນກໍາມະກອນສາກົນ ຄົບຮອບ 137 ປີ (1 ພຶດສະພາ 1886 ຫາ 1 ພຶດສະພາ 2023). ໃນວັນທີ 27 ເມສາ 2023 ທີ່ຜ່ານມາຢູ່ທີເດີ່ນກີລາເປຕັງ ສມປຊ ສະຫະພັນກໍາມະບານ ສມປຊ ໄດ້ຈັດຂະບວນການແຂ່ງຂັນກິລາເປຕັ່ງ ຊີງຂັນປະທານຄະນະບໍລິຫານງານສະຫະພັນກໍາມະບານ ສະຖາບັນການ ເມືອງ ແລະ ການປົກຄອງແຫ່ງຊາດ ໃຫ້ກຽດເປັນປະທານໂດຍ: ທ່ານ ປອ ສາຍຄໍາ ມູນມະນີວົງ ຄະນະພັກ, ຜູ້ຊີ້ນຳວຽກງານອົງການຈັດຕັ້ງມະຫາຊົນ ພ້ອມດ້ວຍຄະນະບໍລິຫານງານສະຫະພັນກໍາມະບານ ສມປຊ, ມີບັນດາຄະນະກໍາມະບານຮາກຖານ, ສະມາຊິກກໍາມະບານພະນັກງານ, ຄູ-ອາຈານ ແລະສະມະຊິກກໍາມະບານນັກສຶກສາທຸກຮຸ່ນ, ທຸກລະບົບກໍ່ໃຫ້ກຽດເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ປອ ສາຍຄໍາ ມູນມະນີວົງ ໄດ້ຜ່ານປະຫວັດຄວາມເປັນມາ ຂອງກຳມະກອນສາກົນ ແລະກ່າວຈຸດປະສົງຂອງການຈັດພິທີໃນຄັ້ງນີ້ ແມ່ນເປັນການສ້າງຂະບວນການຕ້ອນຮັບວັນສຳຄັນຕ່າງໆ ຂອງຊາດແລ້ວ ຍັງເປັນການເຝິກແອບຮ່າງກາຍໃຫ້ມີສຸຂະພາບແຂງແຮງ, ສ້າງໄມຕີຈິດມິດຕະພາບ ລະຫວ່າງ ຄູ-ອາຈານກັບນັກສຶກສາ ແລະພາກສ່ວນຕ່າງໆໃຫ້ແໜ້ນແຟ້ນ, ມີຄວາມສາມັກຄີຊ່ວຍເຫຼືອເຊິ່ງກັນແລະກັນ.
ຂະບວນການແຂ່ງຂັນກິລາດັ່ງກ່າວໄດ້ຈັດຂຶ້ນເປັນເວລາ 1 ວັນໃນການຊີງຂັນປະທານຄະນະບໍລິຫານງານສະຫະພັນກໍາມະບານ ສມປຊ ເຊິ່ງ ມີພະນັກງານ, ຄູ-ອາຈານ ແລະນັກສຶກສາທຸກຮຸ່ນ-ທຸກລະບົບກໍໄດ້ຮ່ວມລົງແຂ່ງຂັນ ເຊິ່ງຜົນການແຂ່ງຂັນມີດັ່ງນີ້:
– ທີມຊາຍ
ທີ 1 ແມ່ນນັກສຶກສາ ປທ ຮຸ່ນທີ 18 ຫ້ອງ ຂໍ
ທີ 2 ແມ່ນພະນັກງານ, ຄູ-ອຈານ ກົມຄຸ້ມຄອງການຮຽນ-ການສອນ ແລະກົມຄົ້ນຄວ້າວິທະຍາສາດ
ທີ 3 ແມ່ນນັກສຶກສາ ປທ ຮຸ່ນທີ 17 ຫ້ອງ ກໍ
- ທີມຍິງ
ທີ 1 ແມ່ນນັກສຶກສາ ປທ ຮຸ່ນທີ 18 ຫ້ອງ ກໍ
ທີ 2 ແມ່ນທີມພະນັກງານ, ຄູ-ອາຈານ ຫ້ອງການ
ທີ 3 ແມ່ນທີມນັກສຶກສາ ປທ ຮຸ່ນທີ 17 ຫ້ອງ ກໍ
ຂ່າວ: ນ. ທິດດາວອນ ດວງປະເສີດ
ຮູບພາບ: ຕາອັອດ ແສນທະວີສຸກ
ບັນນາທິການ: ປທ ບຸນປັນ ສຸມຸນທອງ