ໃນຕອນເຊົ້າວັນທີ 21 ມິຖຸນາ 2023 ທີ່ຫ້ອງຮັບແຂກຊັ້ນ 5, ຕຶກ 5 ຊັ້ນ ສະຖານທູດຍີ່ປຸ່ນ ປະຈຳລາວ, ອົງການ JICA ໄດ້ເຂົ້າພົບປະຢ້ຽມຢາມ ສມປຊ ເພື່ອໄດ້ປຶກສາຫາລືວຽກງານກ່ຽວກັບການຮ່ວມມື ຊຶ່ງນຳໂດຍ: ທ່ານ ນ. ຟຸທະໂມໂຕະ ຢູໂກະ ເລຂາເອກ, ພະແນກ ການເມືອງ ພ້ອມດ້ວຍຄະນະ ແລະເປັນກຽດຕ້ອນຮັບໂດຍ: ທ່ານ ປອ ດາວສະຫວັນ ເຄືອມີໄຊ, ຄະນະປະຈໍາພັກ, ຮອງຫົວໜ້າ ສມປຊ.
ເຊິ່ງການຕ້ອນຮັບໃນຄັ້ງນີ້ ທ່ານ ປອ ດາວສະຫວັນ ເຄືອມີໄຊ, ຄະນະປະຈໍາພັກ, ຮອງຫົວໜ້າ ສມປຊ ໄດ້ລາຍງານສະພາບລວມ, ປະຫວັດຄວາມເປັນມາ, ພາລະບົດບາດ ແລະສະພາບການທີ່ພົ້ນເດັ່ນຂອງ ສມປຊ ລວມທັງວຽກການຮຽນ-ການສອນ, ນອກນັ້ນ, ທ່ານ ນ. ຟຸທະໂມໂຕະ ຢູໂກະ ໄດ້ນຳສະເໜີການແຜນການຮ່ວມມືຈັດປາຖະກະຖາໃຫ້ພະນັກງານ, ຄູ-ອາຈານເຝິກອົບຮົມ, ແນະນຳທຶນການສຶກສາ ແລະມາດຖານເງື່ອນໄຂໃນການສະໝັກ ແລະອື່ນໆ. ໃນວາລະສຸດທ້າຍ ທ່ານ ປອ ດາວສະຫວັນ ເຄືອມີໄຊ ໄດ້ປຶກສາຫາລື ແລະເປັນການນຳສະເໜີແຜນການຮ່ວມມືທີ່ມີຄວາມສຳຄັນ ແລະເປັນຂີດໝາຍອັນໜຶ່ງຕໍ່ກັບ ສມປຊ ໃນໄລຍະປັດຈຸບັນ ແລະອະນາຄົດທີ່ຈະເຮັດໃຫ້ ສມ ປຊ ໄດ້ເຂົ້າເຖິງທຶນການສຶກສາໃນການຍົກລະດັບຄວາມຮູ້, ຄວາມສາມາດ ຂອງຄຸູ-ອາຈານ ສມປຊ ແລະທ່ານກໍຍັງໄດ້ກ່າວຄໍາຂອບໃຈທີ່ທາງສະຖານທູດຍີ່ປຸ່ນປະຈຳລາວ, ອົງການ JICA ທີ່ໃຫ້ຄວາມຮ່ວມມື ທີ່ໄດ້ລົງມາຢ້ຽມຢາມ ແລະເຮັດວຽກຢູ່ ສມປຊ ໃນຄັ້ງນີ້.
ຂ່າວ: ນາງ ທິດດາວອນ ດວງປະເສີດ
ພາບ: ຕາອັອດ ແສນທະວີສຸກ
ບັນນາທິການ: ປທ ບຸນປັນ ສຸມຸນທອງ