ນັກສຶກສາ ປະລິນຍາໂທ ຮຸ່ນທີ XVIII  ຫ້ອງ ຂ ເປີດກອງປະຊຸມເຊື່ອມຊຶມແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຂໍ້ແຂ່ງຂັນ 3 ອົງການຈັດຕັ້ງມະຫາຊົນ

         ຫ້ອງຮຽນ ນັກສຶກສາ ປະລິນຍາໂທ ຮຸ່ນທີ XVIII (ຫ້ອງ ຂ)ໄດ້ເປີດກອງປະຊຸມເຊື່ອມຊືມແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຊຶ່ງແຜນດັ່ງກ່າວແມ່ນໄດ້ເປີດກອງປະຊຸມແຕ່ວັນທີ 18 ພຶດສະພາ 2023 ພ້ອມທັງຮັບຮອງແຜນ.

         ສະນັ້ນ, ເພື່ອເຮັດໃຫ້ແຜນດັ່ງກ່າວປະຕິບັດໄດ້ຢ່າງສ່ອດຄ່ອງ, ມີປະສິດທິພາບ ຈຶ່ງໄດ້ເປິດກອງປະຊຸມ ເພື່ອຜັນຂະຫຍາຍອັນລະອຽດໃຫ້ສະມາຊິກ ແລະຂໍ້ແຂ່ງຂັນ 3 ອົງການຈັດຕັ້ງມະຫາຊົນຂຶ້ນໃນຕອນແລງວັນທີ 13 ກໍລະກົດ 2023 ທີ່ຜ່ານມາ, ເປັນກຽດເຂົ້າຮ່ວມຮັບຟັງໂດຍ: ສະຫາຍ ປທ ນ. ກິ່ງໄຜ່ ພະສະຫວັນໄຊ ຫົວໜ້າພະແນກຄຸ້ມຄອງລະບົບກໍ່ສ້າງ, ທັງເປັນຄູປະຈຳຫ້ອງ, ສະຫາຍ ບຸນຖອງ ລາດສະວົງສຸກ ເລຂາໜ່ວຍພັກຮາກຖານນັກສຶກສາ ປະລິນຍາໂທຮຸ່ນທີ XVIII ຫ້ອງ ຂ ແລະສະມາຊິກນັກສຶກສາໃນຫ້ອງ 73 ສະຫາຍ, ຍິງ 19 ສະຫາຍ ເຂົ້າຮ່ວມຢ່າງພ້ອມພຽງ.

         ໃນພິທີ 3 ອົງການຈັດຕັ້ງມະຫາຊົນ ໄດ້ຂຶ້ນລາຍງານຂໍ້ແຂ່ງຂັນເພື່ອປຸກລະດົມຂະບວນການຈັດຕັັ້ງປະຕິບັດຂັ້ແຂ່ງຂັນໃຫ້ເປັນຂະບວນຟົດຟື້ນ, ແນໃສ່ສຶກສາອົບຮົມການເມືອງແນວຄິດ ໃຫ້ສະມາຊິກໃນຫ້ອງໃຫ້ເຝິກຝົນຫຼໍ່ຫຼອມ ແລະພັດທະນາຕົນເອງໃຫ້ມີຄຸນສົມບັດສິນທຳປະຕິວັດ, ມີຄວາມຮ້, ຄວາມສາມາດ ຕາມທິດທາງແຜນການຂອງຄະນະບໍລິຫານງານພັກ ສມປຊ ກໍ່ຄືທິດທາງແຜນການກໍ່ສ້າງໜ່ວຍພັກປອດໃສ, ເຂັັ້ມແຂງ, ໜັກແໜ້ນຂອງໜ່ວຍພັກຮາກຖານ ນັກສຶກສາປະລິນຍາໂທ ຮຸ່ນທີ XVIII ຫ້ອງ ຂ ຄື:

         1).ວຽກງານແມ່ຍິງ.

         ສະມາຊິກສະຫະພັນແມ່ຍິງ ຂອງຮາກຖານສະຫະພັນແມ່ຍິງ ນັກສຶກສາ ປະລິນຍາໂທ ຮຸ່ນທີ XVIII (ຫ້ອງ ຂ) ໄດ້ເຂົ້າຮ່ວມການເຊື່ອມຊຶມເນື້ອໃນຂໍ້ແຂ່ງຂັນ 3 ດີ ໃຫ້ກວມ 85% ຂຶ້ນໄປ; ສະມາຊິກສະຫະພັນແມ່ຍິງ ຂອງຮາກຖານສະຫະພັນແມ່ຍິງ ນັກສຶກສາ ປະລິນຍາໂທ ຮຸ່ນທີ XVIII (ຫ້ອງ ຂ) ໄດ້ເຂົ້າຮ່ວມແຂ່ງຂັນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ, ກວມ 85% ຂຶ້ນໄປຂອງ ຜູ້ເຂົ້າຮ່ວມຈັດຕັ້ງປະຕິບັດຂໍ້ແຂ່ງຂັນທັງໝົດ; ບຸກຄົນ 3 ດີ ປະເພດ I ກວມ 85% ຂອງຜູ້ເຂົ້າຮ່ວມຈັດຕັ້ງປະຕິບັດແຂ່ງຂັນ 3 ດີ; ບຸກຄົນ 3 ດີ ປະເພດ II ກວມ 10% ຂອງຜູ້ເຂົ້າຮ່ວມຈັດຕັ້ງປະຕິບັດແຂ່ງຂັນ 3 ດີ.

         2). ວຽກງານຊາວໜຸ່ມ.

1. ບຸກທາງດ້ານແນວຄິດການເມືອງ ມາດຖານນີ້ຈະສູ້ຊົນໃຫ້ໄດ້ 9,8%.
2. ບຸກທາງດ້ານການເຝິກຝົນຫຼໍ່ຫຼອມຮຳ່ຮຽນ ມາດຖານີ້ຈະສູ້ຊົນໃຫ້ໄດ້ 9,6%.
3. ບຸກດ້ານການຈັດຕັັ້ງ ມາດຖານນີ້ຈະສູ້ຊົນໃຫ້ໄດ້ 9,8 %.
4. ບຸກດ້ານວິຊາຊີບ-ສ້າງວຽກເຮັດງານທຳ ມາດຖານນີ້ຈະສູ້ຊົນໃຫ້ໄດ້ 9,7%.

    3). ວຽກງານກຳມະບານ.

1. ເປັນເຈົ້າການ ເຝິກຜົນຫຼຼໍ່ຫຼອມທາງດ້ານການເມືອງ – ແນວຄິດ ຄາດໝາຍສູ້ຊົນໃຫ້ບັນລຸ 95%.

2. ເປັນເຈົ້າການ ປະຕິບັດກົດໝາຍ ແລະລະບຽບການຂອງລັດ ຄາດໝາຍສູ້ຊົນໃຫ້ບັນລຸ 95%.

3. ເປັນເຈົ້າການ ພັດທະນາຕົນເອງ ແລະການຈັດຕັັ້ງ ຄາດໝາຍສູ້ຊົນໃຫ້ບັນລຸ 87%.

4. ເປັນເຈົ້າການປົກປ້ອງສິດ ແລະຜົນປະໂຫຍດອັນຊອບທໍາ ຄາດໝາຍສູ້ຊົນໃຫ້ບັນລຸ 92%.

5. ເປັນເຈ້ົາການ ປະຕິບັດໜ້າທີ່ວິຊາສະເພາະຢ່າງປະດິດສ້າງ ຄາດໝາຍສູ້ຊົນໃຫ້ບັນລຸ 95%.

   4). ວຽກງານພັກ.

1. ຕັ້ງໜ້າສູ້ຊົນປະຕິບັດໜ້າທີ່ໃນແຕ່ລະດ້ານໃຫ້ບັນລຸຕົວເລກຄາດໝາຍ, ສະມາຊິກພັກແຕ່ລະສະຫາຍເມື່ອເຖິງກຳນົດເວລາປະເມີນຜົນການຈັດຕັ້ງປະຕິບັດຕາມ5ເນື້ອໃນຕ້ອງຮັບປະກັນໃຫ້ມີສະມາຊິກພັກແຂງກວມ 92%ຂຶ້ນໄປ.

2. ສ້າງໜ່ວຍພັກໃຫ້ກາຍເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນເນື້ອແທ້ແມ່ນສູ້ຊົນປັບປຸງດ້ານການຈັດ ຕັ້ງ ແລະການເຄື່ອນໄຫວຮ່ວມຊີວິດການເມືອງໃຫ້ເປັນປົກະຕິ, ປະຕິບັດຖືກຕ້ອງຕາມລະບຽບຂອງພັກ, ປະຕິບັດຫຼັກການລວມສູນປະຊາທິປະໄຕ ແລະປັບປຸງແບບແຜນວິທີເຮັດວຽກໃຫ້ກວມ 90%ຂຶ້ນໄປ.

         – ເນື້ອໃນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃນແຕ່ລະດ້ານຂອງໜ່ວຍພັກຮາກຖານ ນັກສຶກສາ ປະລິນຍາໂທ ຮຸ່ນທີ XVIII (ຫ້ອງ ຂ)

1. ການກໍ່ສ້າງໜ່ວຍພັກໃຫ້ປອດໃສ, ເຂັ້ມແຂງ, ໜັກແໜ້ນດ້ານການເມືອງສູ້ຊົນໃຫ້ບັນລຸ1,8 ຄະແນນຂຶ້ນໄປ.

2. ການກໍ່ສ້າງພັກປອດໃສ, ເຂັ້ມແຂງ, ໜັກແໜ້ນດ້ານແນວຄິດສູ້ຊົນໃຫ້ບັນລຸ 1,4 ຄະແນນຂຶ້ນໄປ.

3. ການກໍ່ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນດ້ານການຈັດຕັ້ງສູ້ຊົນໃຫ້ບັນລຸ 1,4ຄະແນນຂຶ້ນໄປ.

4. ການກໍ່ສ້າງພັກປອດໃສ, ເຂັ້ມແຂງ, ໜັກແໜ້ນດ້ານແບບແຜນການນຳພາສູ້ຊົນໃຫ້ບັນລຸ 1,8ຄະແນນຂຶ້ນໄປ.

    ທ້າຍກອງປະຊຸມສະຫາຍ ປທ ນ. ກິ່ງໄຜ່ ພະສະຫວັນໄຊ ຫົວໜ້າພະແນກຄຸ້ມຄອງລະບົບກໍ່ສ້າງ, ຄູປະຈຳຫ້ອງໄດ້ສະແດງຄວາມຊົມເຊີຍຕໍ່ກັບຫ້ອງຮຽນດັ່ງກ່າວທີ່ເຫັນໄດ້ຄວາມສຳຄັນຂອງວຽກງານການເມືອງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໂດຍການນຳເອົາແຜນດັ່ງກ່າວ ມາຈັດຕັ້ງຜັນຂະຫຍາຍອັນລະອຽດໃຫ້ສະມາຊິກໃນຫ້ອງເຂົ້າໃຈຢ່າງໜັກແໜ້ນ ທັງນີ້ກໍ່ເພື່ອໃຫ້ມີປະສິດທິພາບໃນການຈັດຕັ້ງປະຕິບັດແຕ່ລະໄລຍະ ໃຫ້ໄດ້ຮັບໝາກຜົນຕາມແຜນການ ແລະສະຫາຍໄດ້ຮຽກຮ້ອງໃຫ້ບັນດາສະມາຊິກພັກພາຍໃນຫ້ອງ ຈົ່ງພ້ອມກັນກໍ່ສ້າງດ້ວຍຄວາມຈິງໃຈເພື່ອຜົນສຳເລັດໃນຂ້າງໜ້າໃຫ້ບັນລຸຜົນເປັນຈິງ.

ຂ່າວ/ພາບ: ຕາອັອດ ແສນທະວີສຸກ
ບັນນາທິການ: ປທ ບຸນປັນ ສຸມຸນທອງ