ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດພິທີປະຖົມນິເທດໃຫ້ນັກສຶກສາ ທິດສະດີການເມືອງ ຂັ້ນກາງ 6 ເດືອນ ຮຸ່ນທີ I ໃນວັນທີ 10 ສິງຫາ 2023 ກ່ອນເຂົ້າສູ່ການຮຽນ-ການສອນເພື່ອສ້າງຄວາມເຂົ້າໃຈໃນລະບຽບການຕ່າງໆ ທີ່ສະຖາບັນການເມືອງ ແລະ ການປົກຄອງແຫ່ງຊາດທີ່ໄດ້ກໍານົດໄວ້.
ການປະຖົມນິເທດ ມີ 4 ຫົວຂໍ້ແນະນຳຄື:
1. ແນະນຳວຽກງານນະໂຍບາຍຕ່າງໆປະຖົມນິເທດໂດຍ: ທ່ານ ປທ ນ ພອນໄຊ ລາດຊະວົງ ຄະນະບໍລິຫານງານພັກ, ຫົວໜ້າກົມຈັດຕັ້ງ-ພະນັກງານ;
2.ແນະນຳໂຄງການຫຼັກສູດ ແລະ ຂັ້ນຕອນການຮຽນ-ການສອນ ປະຖົມນິເທດໂດຍ: ທ່ານ ປອ ນ. ໄກສອນ ຈັນສີນາ ຄະນະບໍລິຫານງານພັກ, ຫົວໜ້າກົມຄຸ້ມຄອງການຮຽນ-ການສອນ;
3. ແນະນໍາການຢືມປື້ມຢູ່ຫ້ອງສະໝຸດ ປະຖົມນິເທດໂດຍ: ທ່ານ ປທ ທະວີພອນ ສຸດທິວົງນໍລາດ ຮອງຫົວໜ້າສູນຂໍ້ມູນຂ່າວສານການເມືອງ ແລະ ການປົກຄອງ;
4. ແນະນຳລະບຽບຫໍພັກ, ການກິນຢູ່ ແລະວຽກງານຕ່າງໆ ທີ່ປີ່ນອ້ອມການຮຽນ-ການສອນ ປະຖົມນິເທດ ໂດຍ: ທ່ານ ປທ ຄົມວິກິດ ສິມມະລິວົງ ຮັກສາການຫົວໜ້າຫ້ອງການ.
ທັງ 4 ຫົວຂໍ້ທີ່ປະຖົມນິເທດ ແມ່ນເລັງໃສ່ນັກສຶກສາໃຫ້ໄດ້ຮັບຮູ້ ແລະນໍາໄປຈັດຕັ້ງປະຕິບັດໃນຕະຫຼອດໄລຍະທີ່ເຂົ້າມາພັກອາໃສ ແລະຄົ້ນຄວ້າຢູ່ໃນສະຖາບັນການເມືອງ ແລະ ການປົກຄອງແຫ່ງຊາດ.
ຂ່າວ/ພາບ: ຕາອັອດ ແສນທະວີສຸກ
ບັນນາທິການ: ປທ ບຸນປັນ ສຸມຸນທອງ